Løgtingsins gerðabók fyri tingsetuna 2005

95. fundur

Ár 2006, fríggjadagin 5. mai, kl. 10.20 varð tingfundur settur.

Johan Dahl, løgtingsmaður, og ríkisumboðsmaðurin vóru ikki á fundi.

Til viðgerðar:

1.      Atkvøðugreiðsla um tingmál nr. 70/2005: Uppskot til samtyktar um EFTA og ræði á málum og málsøkjum, sambært § 32, stk. 3 í tingskipanini, og møgulig 2. viðgerð av málinum
Uppskot frá Hergeir Nielsen og Jenis av Rana um, at tingviðgerðin skal halda fram, hóast einki álit er latið, fall 11-0-20.
 

2.      3. viðgerð av tingmáli nr. 1-12/2005: Uppskot til eykajáttanarløgtingslóg fyri mars 2006
Uppskotið, sum samtykt við 2. viðgerð, endaliga samtykt 31-0-0.
Málið avgreitt.
 

3.      3. viðgerð av tingmáli nr. 1-13/2005: Uppskot til eykajáttanarløgtingslóg fyri apríl 2006
Broytingaruppskot frá Anfinn Kallsberg, Vilhelm Johannesen, Kaj Leo Johannesen, Lisbeth L. Petersen til §§ 6, 8 og 15 samtykt 31-0-0. Broytingaruppskot frá Lisbeth L. Petersen, Vilhelm Johannesen, Kaj Leo Johannesen og Andrias Petersen til § 8 samtykt 22-0-9. Uppskotið, sum samtykt við 2. viðgerð, og soleiðis broytt við 3. viðgerð, endaliga samtykt 31-0-0.
Málið avgreitt.
 

4.      3. viðgerð av tingmáli nr. 112/2005: Uppskot til løgtingslóg um at veita stuðul sum rentu- og avdráttarfrítt lán til at byggja miðnámsskúla í Marknagili í Tórshavn
Broytingaruppskot frá Høgna Hoydal, Páll á Reynatúgvu, Annitu á Fríðriksmørk, Karsten Hansen, Tórbjørn Jacobsen, Hergeir Nielsen, Heidi Petersen og Finni Helmsdal til heitið á tingmálinum og § 1 fall 11-0-20. Uppskotið, sum samtykt við 2. viðgerð, endaliga samtykt 25-5-1.

Málið avgreitt.
 

5.      3. viðgerð av tingmáli nr. 114/2005: Uppskot til løgtingslóg um kringvarp
Uppskotið, sum samtykt við 2. viðgerð, endaliga samtykt 26-3-2.
Málið avgreitt.
 

6.      3. viðgerð av tingmáli nr. 109/2005: Uppskot til løgtingslóg um at broyta løgtingslóg um frítíð við løn
Uppskotið, sum samtykt við 2. viðgerð, endaliga samtykt 21-0-10.  
Málið avgreitt.
 

7.      3. viðgerð av tingmáli nr. 68/2005: Uppskot til løgtingslóg um broyting í løgtingslóg um at leggja virksemið hjá Postverki Føroya í P/F Postverk Føroya
Uppskotið, sum samtykt við 2. viðgerð, endaliga samtykt 23-1-7.   
Málið avgreitt.
 

8.      3. viðgerð av tingmáli nr. 113/2005: Uppskot til løgtingslóg um at einskilja P/F Føroya Lívstrygging
Uppskotið, sum samtykt við 2. viðgerð, endaliga samtykt  26-0-0.
Málið avgreitt.

Fundur niðurlagdur kl. 11.52
Fundur uppafturtikin kl. 13.30

9.      3. viðgerð av tingmáli nr. 115/2005: Uppskot til løgtingslóg um vegaføring við Leirvík
Broytingaruppskot frá Tórbjørn Jacobsen, Heidi Petersen, Alfred Olsen, Bill Justinussen og Kára P. Højgaard til § 1 fall 13-0-17. Uppskotið, sum samtykt við 2. viðgerð, endaliga samtykt 23-1-6.
Málið avgreitt.
 

10.  3. viðgerð av tingmáli nr. 71/2005: Uppskot til løgtingslóg um at broyta løgtingslóg um samsýning og eftirløn landsstýrismanna v.m.
Uppskot frá Annitu á Fríðriksmørk um at beina málið aftur í nevnd fall 11-0-20. Broytingaruppskot frá John Johannessen, Poul Michelsen, Jørgen Niclasen, Jógvan við Keldu og Sverra Midjord til § 1 fall 15-0-16.
Uppskotið, sum samtykt við 2. viðgerð, endaliga samtykt 14-6-11.  
Málið avgreitt.
 

11.  3. viðgerð av tingmáli nr. 116/2005: Uppskot til løgtingslóg um broyting í løgtingslóg um Fyribyrgingarráð
Uppskotið, sum samtykt við 2. viðgerð, endaliga samtykt 27-2-2.
Málið avgreitt.
 

12.  Framhaldandi 3. viðgerð av tingmáli nr. 86/2005: Uppskot til løgtingslóg um broyting í rúsdrekkalógini
Broytingaruppskot frá Jørgen Niclasen, Heðin Zachariasen, Tórbjørn Jacobsen og Heidi Petersen til § 1 samtykt 22-2-7. Broytingaruppskot í álitið II frá einum parti av meirilutanum í vinnunevndini, Jørgen Niclasen, Heðin Zachariasen, Tórbjørn Jacobsen og Heidi Petersen, til § 1 samtykt 23-2-6. Uppskotið, sum samtykt við 2. viðgerð, og soleiðis broytt við 3. viðgerð, endaliga samtykt 19-0-12.  
Málið avgreitt.
 

13.  Bjarni Djurholm, landsstýrismaður, svaraði fyrispurningi nr. 100-48/2005 frá løgtingsmonnunum Bill Justinussen og Jenis av Rana, viðvíkjandi Rúsdrekkalógini
Málið avgreitt.
 

Formaðurin boðaði frá, at  tað ikki eru fleiri mál at viðgera, og um einki serligt mál kemur, so verður ikki tingfundur aftur fyrrenn á ólavsøku. Løgtingið hevur síðani á ólavsøku 2005 havt 95 fundir, ið hava vart 468 tímar. 136 mál eru framløgd, íroknað 3 frágreiðingar sambært § 51 í tingskipanini. 5 mál eru tikin aftur av uppskotssetarunum, 3 mál eru ikki komin aftur úr nevnd, og 1 mál, ið varð beint beinleiðis til 2. viðgerð er ikki avgreitt. Øll hini málini eru avgreidd frá tinginum. 50 skrivligir fyrispurningar eru settir og avgreiddir. 179 munnligir fyrispurningar eru settir og svaraðir, og ófráboðaðir fyrispurningar vóru á skrá á 6 fundum. Fíggjarnevndin hevur havt 41 fundir, uttanlandsnevndin 25, landsstýrismálanevndin 14, vinnunevndin 37, trivnaðarnevndin 16, mentanarnevndin 15 og rættarnevndin hevur havt 17 fundir. Formaðurin takkaði tingmonnum, landsstýrismonnum og starvsfólkunum fyri tingárið, sum er við at fara aftur um bak, og ynskti øllum eitt gott summar. 

Fundur lokin kl 15.56 

Edmund Joensen

løgtingsformaður

/Marius Rein
skrivari