Løgtingsins gerðabók fyri tingsetuna 2006

67. fundur

Ár 2007, týsdagin 13. mars, kl. 9.30, varð tingfundur settur.

Løgtingsmenninir Lisbeth L. Petersen, Marjus Dam og Anfinn Kallsberg og Søren Christensen, ríkisumboðsmaður, vóru ikki á fundi.

 

Til viðgerðar:
 

1.        Atkvøðugreiðsla um fyrispurning nr. 100-31/2006 til Jacob Vestergaard, landsstýrismann í innlendismálum, frá Hergeir Nielsen, løgtingsmanni, viðvíkjandi vakstraravtaluni fyri Suðuroynna
Samtykt uttan atkvøðugreiðslu, at fyrispurningurin skal svarast.
 

2.        3. viðgerð av tingmáli nr. 48/2006: Uppskot til løgtingslóg um broyting í løgtingslóg um kommunulæknaskipan
Uppskotið, sum samtykt við 2. viðgerð, endaliga samtykt 14-0-9
Málið avgreitt.
 

3.        2. viðgerð av tingmáli nr. 60/2006: Uppskot til løgtingslóg um broyting í løgtingslóg um at byggja skúladepil í Suðuroynni.
Broytingaruppskot frá minnilutanum í mentanarnevndini, Heidi Petersen og Tórbjørn Jacobsen, til § 1 fall 8-0-17. §§ 1 og 2 samtyktar 17-0-8. Uppskotið fer soleiðis samtykt til 3. viðgerð.
 

Fundur niðurlagdur kl. 12.43
Fundur uppafturtikin kl. 14.00
 

4.        1. viðgerð av tingmáli nr. 91/2006: Uppskot til ríkislógartilmæli um at seta í gildi fyri Føroyar broyting í “lov for Færøerne om rettens pleje”
Málið beint í rættarnevndina
 

5.        1. viðgerð av tingmáli nr. 71/2006: Uppskot til løgtingslóg um broyting í løgtingslóg um barnavernd
Málið beint í trivnaðarnevndina
 

6.        1. viðgerð av tingmáli nr. 75/2006: Uppskot til løgtingslóg um broyting í løgtingslóg um mál, ið hoyra undir fasta gerðarrættin
Málið beint í vinnunevndina
 

7.        1. viðgerð av tingmáli nr. 69/2006: Uppskot til samtyktar um tilráðingar frá Norðurlandaráðnum í 2006 og um frágreiðing um virki ráðsins í 2006
Málið beint í uttanlandsnevndina
 

8.        Framløga
Formaðurin boðaði frá, at Hergeir Nielsen, løgtingsmaður, vegna løgtingsgrannskoðararnar hevur lagt fram tingmálini nr. 54/2-2006: Grannskoðan av almennum roknskapum: Húsalánsgrunnurin fyri fíggjarárið 2005, nr. 54-3/2006: Grannskoðan av almennum roknskapum: Íbúðagrunnurin fyri fíggjarárið 2005 og nr. 54-4/2006: Grannskoðan av almennum roknskapum: Bjálvingarstuðulslánsgrunnurin fyri fíggjarárið 2005
Hesir tingmenn viðmæla, sambært § 54, stk. 2, í tingskipanini, at málið kann leggjast fram og fáa viðgerð: Hergeir Nielsen, Olav Enomoto, Sverre Midjord, Óli Breckmann, Tórbjørn Jacobsen, Heidi Petersen, Páll á Reynatúgvu, Annita á Fríðriksmørk, Vilhelm Johannesen, Kaj Leo Johannesen, Jenis av Rana, Lisbeth L. Petersen, Marjus Dam, Henrik Old, Anfinn Kallsberg, Heðin Zachariasen, Gerhard Lognberg, Jørgen Niclasen, Kjartan Joensen, Jógvan við Keldu, Poul Michelsen, Kári P. Højgaard, Andrias Petersen og Kristian Magnussen.

Tikið av dagsskrá:

1. viðgerð av tingmáli nr. 108/2006: Uppskot til løgtingslóg um miðlaráð til verju fyri børn og ung
 

Formaðurin setti næsta fund at verða mikudagin, 14. mars 2007, kl. 9.30, við hesi dagsskrá:

1.        1. viðgerð av tingmáli nr. 106/2006: Uppskot til løgtingslóg um lestrarstuðul
Málið verður beint í mentanarnevndina

2.        1. viðgerð av tingmáli nr. 70/2006: Uppskot til samtyktar um at seta nevnd at endurskoða fólkaskúlalógina
Málið verður beint í mentanarnevndina

3.        1. viðgerð av tingmáli nr. 74/2006: Uppskot til løgtingslóg um altjóða menningarsamstarv
Málið verður beint í uttanlandsnevndina

4.        1. viðgerð av tingmáli nr. 72/2006: Uppskot til løgtingslóg um broyting í lóg um almenna forsorg (forsorgarlógin)
Málið verður beint í trivnaðarnevndina

5.        1. viðgerð av tingmáli nr. 76/2006: Uppskot til løgtingslóg um keyp av nýggjari kt-heildarskipan til Almannastovuna
Málið verður beint í trivnaðarnevndina

6.        Framløga  

Fundur lokin kl. 19.00 

Edmund Joensen

løgtingsformaður
 

/Marius Rein
skrivari