Løgtingsins gerðabók fyri tingsetuna 2005

24. fundur

Ár 2005, fríggjadagin 11. november, kl. 9.35 varð tingfundur settur.

Jørgen Niclasen, løgtingsmaður, var ikki á fundi.

 

Farloyvi:

Skriv frá Andrias Petersen, løgtingsmanni, dagfest 9. november 2005, við umsókn um farloyvi, og at næsti maður á lista Javnaðarfloksins í Eysturoyar valdømi tekur sæti á tingi. Samtykt uttan atkvøðugreiðslu, at Dan Reinert Petersen, ið áður hevur verið á tingi, tekur sæti fyri Andrias Petersen.

Til viðgerðar:
 

1.      Atkvøðugreiðsla um fyrispurning nr. 100-24/2005 til Hans Paula Strøm, landsstýrismann í almannamálum, frá Annitu á Fríðriksmørk, løgtingsmanni, viðvíkjandi fólkapensjón
Samtykt uttan atkvøðugreiðslu, at fyrispurningurin skal svarast.
 

2.      1. viðgerð av tingmáli nr. 15/2005: Uppskot til løgtingslóg um at seta í gildi Hoyvíkssátmálan
Málið beint í uttanlandsnevndina.
 

Fundur niðurlagdur kl. 12.40
Fundur uppafturtikin kl. 13.30
 

3.      1. viðgerð av tingmáli nr. 24/2005: Uppskot til broytingar í løgtingslóg um áseting av skatti (ásetingarlógin) og í løgtingslóg um landsskatt og kommunuskatt (skattalógin)
Málið beint í fíggjarnevndina.
 

4.      Framløga
Formaðurin boðaði frá, at Jógvan við Keldu, landsstýrismaður, vegna landsstýrið, hevur lagt fram tingmál nr. 40/2005: Uppskot til løgtingslóg um broyting í løgtingslóg um tinglýsing.

Formaðurin setti næsta fund at verða týsdagin 15. november 2005, kl. 13.30  við hesi dagsskrá:

1.      1. viðgerð av tingmáli nr. 28/2005: Uppskot til samtyktar um norðurlendskan sáttmála um fólkayvirlit
Málið verður beint í uttanlandsnevndina

2.      1. viðgerð av tingmáli nr. 29/2005: Uppskot til løgtingslóg um broyting í løgtingslóg um fast samband um Leirvíksfjørð
Málið verður beint í vinnunevndina

3.      1. viðgerð av tingmáli nr. 30/2005: Uppskot til løgtingslóg um broyting í løgtingslóg um meirvirðisgjald
Málið verður beint í fíggjarnevndina

4.      Framløga 

Fundur lokin kl. 14.30

Edmund Joensen
løgtingsformaður 

/Marius Rein
skrivari