Løgtingsins gerðabók fyri tingsetuna 2006

23. fundur

Ár 2006, fríggjadagin 10. november, kl. 9.30, varð tingfundur settur.

Gerhard Lognberg, løgtingsmaður, landsstýrismenninir Bjarni Djurholm og Bárður Nielsen, og Søren Christensen, ríkisumboðsmaður, vóru ikki á fundi.

Til viðgerðar:

1.    1. viðgerð av tingmáli nr. 22/2006: Uppskot til løgtingslóg um broyting í løgtingslóg um innflutning og sølu av rúsdrekka
Málið beint í vinnunevndina
 

2.    2. viðgerð av tingmáli nr. 6/2006: Uppskot til løgtingslóg um broyting í løgtingslóg um vinnuligan fiskiskap
 

Fundur niðurlagdur kl. 11.20
Fundur uppafturtikin kl. 12.00
 

     §§ 1, 2 og 3 fullu 8-4-13. Málið sostatt fallið.
Málið avgreitt.
 

3.    Atkvøðugreiðsla um fyrispurning nr. 100-7/2006 til Jóannes Eidesgaard, løgmann, frá Hergeir Nielsen, løgtingsmanni, viðvíkjandi eini heildarloysn fyri Hvalbiar sókn
Samtykt uttan atkvøðugreiðslu, at fyrispurningurin skal svarast.
 

4.    2. viðgerð av tingmáli nr. 12/2006: Uppskot til samtyktar um eina null-loysn ætlan viðvíkjandi rúsevnum í Føroyum
 

Fundur niðurlagdur kl. 12.05

Fundur uppafturtikin kl. 13.30
 

     Uppskot til samtyktar samtykt 24-0-0.
Málið avgreitt.
 

5.    1. viðgerð av tingmáli nr. 31/2006: Uppskot til løgtingslóg um broyting í løgtingslóg um ræði á málum og málsøkjum (Yvirtøka av málsøkinum tilbúgving)
Málið beint í uttanlandsnevndina
 

6.    1. viðgerð av tingmáli nr. 32/2006: Uppskot til løgtingslóg um broyting í løgtingslóg um eldsbruna o.a.
Málið beint í vinnunevndina
 

7.    1. viðgerð av tingmáli nr. 23/2006: Uppskot til løgtingslóg um broyting í løgtingslóg um at einskilja P/F Atlantsflog
Málið beint í vinnunevndina
 

Tikið aftur:
Formaðurin boðaði frá, at tingmál nr. 22/2006: Uppskot til løgtingslóg um broyting í løgtingslóg um innflutning og sølu av rúsdrekka er tikið aftur av uppskotssetarunum Bill Justinussen og Jenis av Rana, sambært skrivi, dagfest 10. november 2006.

Farloyvi:
Skriv frá Andrias Petersen, løgtingsmanni, dagfest tann 10. november  2006, við umsókn um farloyvi frá 11. til 20. november 2006, og at næsti maður á lista Javnaðarfloksins í Eysturoyar valdømi tekur sæti á tingi. Samtykt uttan atkvøðugreiðslu, at Dan Reinert Petersen, ið áður hevur verið á tingi, tekur sæti fyri Andrias Petersen.

Formaðurin setti næsta fund at verða týsdagin, 14. november 2006, kl. 13.30, við hesi dagsskrá:

1.      2. viðgerð av tingmáli nr. 8/2006: Uppskot til samtyktar um lívfrøðiligt margfeldi

2.      2. viðgerð av tingmáli nr. 14/2006: Uppskot til løgtingslóg um broyting í lóg um almenna forsorg

3.      2. viðgerð av tingmáli nr. 17/2006: Uppskot til løgtingslóg um broyting í løgtingslóg um barsilsskipan

4.      1. viðgerð av tingmáli nr. 25/2006: Uppskot til løgtingslóg um at seta úr gildi løgtingslóg um Ferðaráð Føroya og løgtingslóg um Menningarstovu
Málið verður beint í vinnunevndina.

5.      1. viðgerð av tingmáli nr. 33/2006: Uppskot til løgtingslóg um mánaðarligan minstaforvinning til útróðrarmenn
Málið verður beint í vinnunevndina.

6.      Framløga.

Fundur lokin kl. 16.42 

Edmund Joensen

løgtingsformaður 

/Marius Rein
skrivari