Løgtingsins gerðabók fyri tingsetuna 2006

15. fundur

Ár 2006, týsdagin 17. oktober, kl. 13.30, varð tingfundur settur.

Jóannes Eidesgaard, løgmaður, var ikki á fundi.

Farloyvi: 

Skriv frá Jørgen Niclasen, løgtingsmanni, dagfest tann 12. oktober 2006, við umsókn um farloyvi frá 16. oktober til 6. november 2006, vegna luttøku á ST-aðalfundi. Samtykt uttan atkvøðugreiðslu, at Jóanis Nielsen, ið áður hevur verið á tingi, tekur sæti fyri Jørgen Niclasen.

Til viðgerðar:
 

1.    Atkvøðugreiðsla um fyrispurning nr. 100-4/2006 til Jóannes Eidesgaard, løgmann, frá Kára P. Højgaard, løgtingsmanni, viðvíkjandi fiskiloyvinum til Jógvan S.
Samtykt uttan atkvøðugreiðslu, at fyrispurningurin skal svarast.
 

2.    2. viðgerð av tingmáli nr. 7/2006: Uppskot til løgtingslóg um broyting í løgtingslóg um vinnuligan fiskiskap.
§§ 1 og 2 fullu 13-1-18. Uppskotið sostatt fallið.
Málið avgreitt.
 

3.    2. viðgerð av tingmáli nr. 9/2006: Uppskot til samtyktar um tilráðingar frá Útnorðurráðnum í 2005 og um frágreiðing um virki ráðsins í 2005.
Uppskot til samtyktar samtykt 30-2-0.
Málið avgreitt.
 

4.    2. viðgerð av tingmáli nr. 10/2006: Uppskot til samtyktar um tilráðingar frá Norðurlandaráðnum í 2005 og um frágreiðing um virki ráðsins í 2005.
Uppskot til samtyktar samtykt 28-2-0.
Málið avgreitt.
 

5.    2. viðgerð av tingmáli nr. 13/2006: Uppskot til samtyktar um at seta nevnd at endurskoða tingskipanina.
Uppskot til samtyktar samtykt 29-0-0.
Málið avgreitt.
 

6.    2. viðgerð av tingmáli nr. 4/2006: Uppskot til løgtingslóg um broyting í løgtingslóg um áseting og javning av almannaveitingum.
§§ 1, 2 og 3 fullu 3-0-25. Uppskotið sostatt fallið.
Málið avgreitt.
 

7.    2. viðgerð av tingmáli nr. 1-2/2006: Uppskot til eykajáttanarløgtingslóg fyri august 2006.
Broytingaruppskot frá samdari nevnd til § 8 samtykt 24-0-0. Uppskotið soleiðis broytt samtykt 25-0-0. Uppskotið fer soleiðis samtykt til 3. viðgerð.
 

8.    1. viðgerð av tingmáli nr. 14/2006: Uppskot til løgtingslóg um broyting í lóg um almenna forsorg.
Málið beint í trivnaðarnevndina.
 

9.      Framløga
Formaðurin boðaði frá, at tingmenninir Finnur Helmsdal og Annita á Fríðriksmørk hava lagt fram tingmál nr. 20/2006: Uppskot til ríkislógartilmæli um broyting í revsilógini (Forboð móti at gera mun á fólki vegna “kynsliga orientering”), at rættarnevndin hevur lagt fram álit í tingmáli nr. 11/2006: Uppskot til løgtingslóg um broyting í løgtingslóg um val til allar føroyskar kommunur,  og at trivnaðarnevndin hevur lagt fram álit í tingmáli nr. 3/2006: Uppskot til samtyktar um rætt til løn undir fráveru vegna sjúku hjá børnum
 

Tikið av dagsskrá:

1. viðgerð av tingmáli nr. 15/2006: Uppskot til løgtingslóg um broyting í løgtingslóg um áseting av skatti (Broytt skattaprocent fyri útlendingar í FAS)
 

Formaðurin fráboðaði fyrispurning nr. 100-5/2006 til Hans Paula Strøm, landsstýrismann í almannamálum, frá løgtingsmonnunum Finni Helmsdal og Bill Justinussen viðvíkjandi Serdagstovninum á Argjum o.a.

Formaðurin setti næsta fund at verða mikudagin, 18. oktober 2006, kl. 13.30, við hesi dagsskrá:

1.    Ófráboðaðir fyrispurningar

2.    Atkvøðugreiðsla um fyrispurning nr. 100-5/2006 til Hans Paula Strøm, landsstýrismann í almannamálum, frá løgtingsmonnunum Finni Helmsdal og Bill Justinussen viðvíkjandi Serdagstovninum á Argjum o.a.

3.    1. viðgerð av tingmáli nr. 16/2006: Uppskot til ríkislógartilmæli um at seta í gildi fyri Føroyar ”lov om forældremyndighed og samvær”
Málið verður beint í rættarnevndina.

4.    1. viðgerð av tingmáli nr. 17/2006: Uppskot til løgtingslóg um broyting í løgtingslóg um barsilsskipan
Málið verður beint í vinnunevndina.

5.    Framløga

Fundur lokin kl. 17.40 

Edmund Joensen

løgtingsformaður 

/Marius Rein
skrivari