Gerðabók
Rættarnevnd Løgtingsins fyri tingsetuna 1999 |
11. fundur |
Mikudagur 22. mars 2000 |
kl. 9.30 |
Á fundi vóru:
Sámal Petur í Grund, formaður
Tórbjørn Jacobsen, næstformaður
Hildur Patursson (vegna Hergeir Nielsen) (kom kl. 10.20)
Rúna Sivertsen (kom kl. 10.05)
Hans Pauli Strøm
Alfred Olsen
Eyðun Viderø var ikki á fundi
Skrivari:
Sjúrður Rasmussen
Til viðgerðar:
- Góðkenning av gerðabók frá 10. fundi 09.03.2000.
Gerðabókin varð góðkend
- Løgtingsmál 47/1999:
Uppskot til løgtingslóg um broyting í løgtingslóg um ferðslu
Hans Pauli Strøm upplýsti, at orsakað av, at alt bendir á, at meiriluti ikki fæst
fyri uppskotinum í Løgtinginum vegna uppskotið í løgtingsmáli nr. 62/1999, fer
uppskotssetarin at taka uppskotið aftur.
- Løgtingsmál 62/1999:
Uppskot til løgtingslóg um broyting í løgtingslóg um ferðslu
Nevndin samtykti at kalla inn á fund 30. mars 2000 landsstýrismannin á málsøkinum og
serligu ferðslunevndina, sum tilevnaði uppskotið. Eisini samtykti nevndin at heita á
Pál Weihe, yvirlækna á deildini fyri almanna- og arbeiðsmedisini, um skrivliga at lata
nevndini eina lýsing av, hvørjar læknafrøðiligar grundir kunnu vera fyri at seta
promillumarkið niður frá 0,8 til 0,5.
- Løgtingsmál 63/1999:
Uppskot til løgtingslóg um broyting í løgtingslóg um tinglýsing (EDV í
tinglýsingini)
Nevndin umrøddi uppskotið og innkomnu ummælini. Samtykt varð at kalla Høgna Hoydal,
landsstýrismann, og umboð fyri Matrikulstovuna, P/f Elektron og P/f Føroya Dátusavn á
komandi nevndarfund.
- Løgtingsmál 82/1999:
Uppskot til løgtingslóg um kommunustýri
Nevndin gjørdi av at kalla inn á fund 6. apríl 2000 umboð fyri kommunufelagið,
kommunusamskipan Føroya, nevndina, sum tilevnaði kommunuálitið, og løgmann og
landsstýrismannin í fíggjarmálum.
- Løgtingsmál 50/1999:
Uppskot til ríkislógartilmæli um at taka av ríkislógartilmæli um
fjølmiðlaábyrgdarlóg og Løgtingsmál
51/1999: Uppskot til samtyktar um at heita á landsstýrið um at leggja fyri
Løgtingið uppskot til løgtingslóg um fjølmiðlaábyrgd
Viðgerðin varð útsett til komandi fund.
Næsti fundur:
Formaðurin setti næsta fund at verða hósdagin hin 23. mars 2000, kl. 9.30, við
hesi skrá:
- Góðkenning av gerðabók frá 11. fundi 22.03.2000.
- Løgtingsmál nr. 63/1999:
Uppskot til løgtingslóg um broyting í løgtingslóg um tinglýsing (EDV í
tinglýsingini)
Klokkan 9.45 koma á fund Høgni Hoydal, landsstýrismaður, og umboð fyri
Matrikulstovuna, P/f Elektron og P/f Føroya Dátusavn.
- Løgtingsmál nr. 50/1999:
Uppskot til ríkislógartilmæli um at taka av ríkislógartilmæli um
fjølmiðlaábyrgdarlóg
- Løgtingsmál nr. 51/1999:
Uppskot til samtyktar um at heita á landsstýrið um at leggja fyri Løgtingið uppskot
til løgtingslóg um fjølmiðlaábyrgd.
- Løgtingsmál nr.99/1999:
Uppskot til ríkislógartilmæli um broyting í ríkislógartilmæli um
fjølmiðlaábyrgdarlóg.
Fundur lokin kl. 11.40
Sjúrður Rasmussen
skrivari