Løgtingsins gerðabók fyri tingsetuna 2005

13. fundur

Ár 2005, mikudagin 5. oktober, kl. 13.35, varð tingfundur settur.

Løgtingsmenninir Sverre Midjord og Jákup Mikkelsen, Bárður Nielsen, landsstýrismaður, og Søren Christensen, ríkisumboðsmaður, vóru ikki á fundi.

Farloyvi: 

Skriv frá Høgna Hoydal, løgtingsmanni, dagfest tann 3. oktober 2005, við umsókn um farloyvi frá 3. oktober til 17. oktober 2005, og at næsti maður á lista Tjóðveldisfloksins í Suðurstreymoyar valdømi tekur sæti á tingi.

Rói Egholm, ið áður hevur verið á tingi, sigur í skrivi, dagfest tann 4. oktober 2005, at hann ikki fær møtt á tingi í nevnda tíðarskeiði, og Jógvan Arge sigur frá í skrivi, dagfest tann 3. oktober 2005, at hann er burturstaddur frá 4. til 10. oktober 2005. Formaðurin fer at heita á tingmenninar Vilhelm Johannesen, Kára P. Højgaard og Heidi Petersen um at kanna valbrøvini í Suðurstreymoyar valdømi.

Fundur niðurlagdur kl. 13.38

Fundur uppafturtikin kl. 13.45

Vilhelm Johannesen mælti til, vegna seg sjálvan, Kára P. Højgaard og Heidi Petersen, at Kristina Háfoss tekur sæti fyri Høgna Hoydal. 

Samtykt uttan atkvøðugreiðslu.

Til viðgerðar:

1.        1. viðgerð av tingmáli nr. 9/2005: Uppskot til løgtingslóg um broyting í løgtingslóg um landsjørð
Málið beint í vinnunevndina.
 

2.        Jóannes Eidesgaard, løgmaður, svaraði fyrispurningi nr. 100-3/2005 frá Óla Breckmann, løgtingsmanni, viðvíkjandi Suðuroynni og Sandoynni sum vakstrar- og royndarøkir
Málið avgreitt.
 

3.        Framløga
Formaðurin boðað frá, at trivnaðarnevndin hevur lagt fram álit í  tingmáli nr. 6/2005: Uppskot til samtyktar um at seta nevnd viðvíkjandi øktum kvinnuleikluti í politikki 

Tikið av dagsskrá: 

Svar upp á fyrispurning nr. 100-9/2005 til Jóannes Eidesgaard, løgmann, frá Kára P. Højgaard, løgtingsmanni, viðvíkjandi kreppuhjálp til tsunami-raktu økini í Indiska havinum

Formaðurin setti næsta fund at verða hósdagin 6. oktober 2005, kl. 9.00,  við hesi dagsskrá:

1.      1. viðgerð av tingmáli nr. 1-1/2005: Uppskot til løgtingsfíggjarlóg fyri fíggjarárið 2006
Málið verður beint í fíggjarnevndina.

2.      Framløga

 Fundur lokin kl. 18.35. 

Edmund Joensen

løgtingsformaður

/Marius Rein
skrivari