Løgtingsins gerðabók fyri tingsetuna 2006

93. fundur

Ár 2007, týsdagin 8. mai, kl. 9.55, varð tingfundur settur.

Løgtingsmenninir Høgni Hoydal, Anfinn Kallsberg og Jenis av Rana og Jóannes Eidesgaard, løgmaður, vóru ikki á fundi.
 

Til viðgerðar:

1.      Frávik
Formaðurin boðaði frá, at tingmenninir Marjus Dam, Johan Dahl, Gerhard Lognberg, Kaj Leo Johannesen, John Johannessen,  Jørgen Niclasen, Heðin Zachariasen, Kjartan Joensen, Jógvan við Keldu, Poul Michelsen, Bill Justinussen, Lisbeth L. Petersen, Karsten Hansen, Olav Enomoto, Andrias Petersen, Vilhelm Johannesen, Alfred Olsen og Óli Breckmann heita á Løgtingið um at gera frávik í tíðarfreistini, sambært § 85 í tingskipanini, millum 2. viðgerð og 3. viðgerð av hesum løgtingsmálunum:
nr. 74/2006: Uppskot til løgtingslóg um altjóða menningarsamstarv,
nr. 84/2006: Uppskot til løgtingslóg um broyting í løgtingslóg um íløt til øl, mineralvatn og lidnar leskidrykkir og
nr. 107/2006: Uppskot til løgtingslóg um landsjørð,
soleiðis at øll málini verða endaliga avgreidd frá tinginum týsdagin 8. mai 2007.
Samtykt 19-0-8.

 

2.      3. viðgerð av tingmáli nr. 74/2006: Uppskot til løgtingslóg um altjóða menningarsamstarv
Uppskotið, sum samtykt við 2. viðgerð, endaliga samtykt 27-0-0.
Málið avgreitt.
 

3.      3. viðgerð av tingmáli nr. 84/2006: Uppskot til løgtingslóg um broyting í løgtingslóg um íløt til øl, mineralvatn og lidnar leskidrykkir
Uppskotið, sum samtykt við 2. viðgerð, endaliga samtykt 18-0-7.
Málið avgreitt.
 

4.      3. viðgerð av tingmáli nr. 107/2006: Uppskot til løgtingslóg um landsjørð
Broytingaruppskot frá Kára P. Højgaard, Páll á Reynatúgvu, Bill Justinussen og Karsten Hansen  til § 6 fall 2-0-25. Broytingaruppskot frá Heidi Petersen, Hergeir Nielsen, Annitu á Fríðriksmørk og Tórbjørn Jacobsen til § 4 fall 8-0-19. Uppskotið, sum samtykt við 2. viðgerð, endaliga samtykt 19-6-2.
Málið avgreitt.
 

5.      Framhaldandi 2. viðgerð av tingmáli nr. 46/2006: Uppskot til samtyktar um broyting í løgtingslóg um arbeiðsloysistrygging og arbeiðsávísing
Broytingaruppskot frá meirilutanum í vinnunevndini, Henrik Old, Johan Dahl, Jørgen Niclasen, Gerhard Lognberg og Heðin Zachariasen, til uppskot til samtyktar samtykt 19-0-8.
Málið avgreitt.
 

6.      1. viðgerð av tingmáli nr. 123/2006: Uppskot til løgtingslóg um broyting í løgtingslóg um at byggja fiskivinnuskúla í Vestmanna
 

Fundur niðurlagdur 12.06

Fundur uppafturtikin 13.30
 

      Málið beint í mentanarnevndina
 

7.      Hans Pauli Strøm, landsstýrismaður, svaraði fyrispurningi nr. 100-32/2006 frá Finni Helmsdal, løgtingsmanni, viðvíkjandi bústaðarpakkanum
Málið avgreitt.
 

8.      Jacob Vestergaard, landsstýrismaður, svaraði fyrispurningi nr. 100-33/2006 frá Finni Helmsdal, løgtingsmanni, viðvíkjandi varðveitan av órørdu náttúruni í Føroyum
Málið avgreitt.
 

9.      Bjarni Djurholm, landsstýrismaður, svaraði fyrispurningi nr. 100-35/2006 frá Páll á Reynatúgvu, løgtingsmanni, viðvíkjandi Dalstunlinum
Málið avgreitt.
 

10.  Bárður Nielsen, landsstýrismaður, svaraði fyrispurningi nr. 100-38/2006 frá Páll á Reynatúgvu, løgtingsmanni, viðvíkjandi stuðli til ferðaútreiðslur
Málið avgreitt.
 

11.  Framløga
Formaðurin boðaði frá, at vinnunevndin hevur lagt fram álit í tingmáli nr. 46/2006:  Uppskot til samtyktar um broyting í løgtingslóg um arbeiðsloysistrygging og arbeiðsávísing.
 

Formaðurin setti næsta fund at verða týsdagin, 29. mai 2007, kl. 13.30, við hesi dagsskrá:
 

1.      Svar upp á fyrispurning nr. 100-34/2006 til Jóannes Eidesgaard, løgmann, frá Jørgen Niclasen, løgtingsmanni, viðvíkjandi avtalu millum Føroyar og Ísland um sínámillum fiskiveiðu og avtalu millum Danmark og Ísland um føroyskt loftrúm

2.      Framløga 

Fundur lokin kl. 19.00 

Edmund Joensen

løgtingsformaður

/Marius Rein
skrivari