Løgtingsins gerðabók fyri tingsetuna 2006

79.  fundur

Ár 2007, mikudagin 11. apríl, kl. 13.30, varð tingfundur settur.

Løgtingsmenninir Sverre Midjord og Óli Breckmann, Jóannes Eidesgaard, løgmaður, og Jacob Vestergaard, landsstýrismaður, vóru ikki á fundi.
 

Farloyvi:

Skriv frá Heidi Petersen, løgtingsmanni, dagfest tann 1. apríl 2007, við umsókn um farloyvi frá 11. apríl og 10 dagar fram, og at næstvaldi á lista Tjóðveldisfloksins í Norðstreymoyar valdømi tekur sæti á tingi. Formaðurin heitti á tingmenninar Hergeir Nielsen, Gerhard Lognberg og Kaj Leo Johannesen um at kanna valbrøvini í Norðurstreymoyar valdømi. Hergeir Nielsen mælti til, vegna seg sjálvan, Gerhard Lognberg og Kaj Leo Johannesen, at Niklái Petersen tekur sæti fyri Heidi Petersen.

Samtykt uttan atkvøðugreiðslu.

Til viðgerðar:
 

1.        Val av § 25 nevnd at viðgera tingmál nr. 92/2006: Uppskot til broyting  í tingskipan Føroya Løgtings

Vald vórðu:
Edmund Joensen
Hergeir Nielsen
Vilhelm Johannesen
Óli Breckmann
Kaj Leo Johannesen
Kristian Magnussen
Finnur Helmsdal
Jørgen Niclasen
Jenis av Rana
Kári P. Højgaard

Varalimir
Johan Dahl
Gerhard Lognberg
Heidi Petersen
Jógvan við Keldu
Karsten Hansen
Páll á Reynatúgvu
 

2.        Munnligir fyrispurningar
 

3.        Framløga
Formaðurin boðaði frá, at trivnaðarnevndin hevur lagt fram álit í tingmálunum nr. 71/2006: Uppskot til løgtingslóg um broyting í løgtingslóg um barnavernd (rættarreglur), og nr. 82/2006: Uppskot til løgtingslóg um broyting í løgtingslóg um barnavernd (foreldragjald)
 

Formaðurin boðaði frá fyrispurningi nr. 100-32/2006 til Hans Paula Strøm, landsstýrismann í almannamálum, frá Finni Helmsdal, løgtingsmanni, viðvíkjandi bústaðarpakkanum
 

Formaðurin setti næsta fund at verða hósdagin, 12. apríl 2007, kl. 13.30, við hesi dagsskrá:

1.        Atkvøðugreiðsla um fyrispurning nr. 100-32/2006 til Hans Paula Strøm, landsstýrismann í almannamálum, frá Finni Helmsdal, løgtingsmanni, viðvíkjandi bústaðarpakkanum

2.        2. viðgerð av tingmáli nr.  83/2006: Uppskot til løgtingslóg um broyting í løgtingslóg um býarskipanir og byggisamtyktir

3.        2. viðgerð av tingmáli nr. 88/2006: Uppskot til ríkislógartilmæli um at seta í gildi fyri Føroyar “lov om ændring af færdsels­loven og pasloven”

4.        1. viðgerð av tingmáli nr. 113/2006: Uppskot til løgtingslóg um framleiðslu, flutning og veiting av ravmagni (Elveitingarlógin)
Málið verður beint í vinnunevndina

5.        Framløga 

Fundur lokin kl. 18.40
 

Edmund Joensen

løgtingsformaður

/Marius Rein
skrivari