Løgtingsins gerðabók fyri tingsetuna 2006

29. fundur

Ár 2006, mikudagin 22. november, kl. 13.30, varð tingfundur settur.

Løgtingsmenninir Karsten Hansen, Vilhelm Johannesen og Poul Michelsen, og landsstýrismenninir Jacob Vestergaard og Bárður Nielsen, vóru ikki á fundi.

Til viðgerðar:

1.    Munnligir fyrispurningar
 

2.    Framløga
Formaðurin boðaði frá, at Jóannes Eidesgaard, løgmaður, vegna landsstýrið hevur lagt fram tingmál nr. 43/2006: Uppskot til samtyktar um OECD og Europaráðsins sáttmála um fyrisitingarliga hjálp í skattamálum, at Hans Pauli Strøm, landsstýrismaður, vegna landsstýrið hevur lagt fram tingmál nr. 45/2996: Uppskot til løgtingslóg um broyting í løgtingslóg um stuðul til umsorgararbeiði, og at vinnunevndin hevur lagt fram álit í tingmálunum nr. 23/2006: Uppskot til løgtingslóg um broyting í løgtingslóg um at einskilja P/F Atlantsflog og nr. 32/2006:  Uppskot til løgtingslóg um broyting í løgtingslóg um eldsbruna o.a.

Formaðurin fráboðaði fyrispurning nr. 100-14/2006 til Jógvan á Lakjuni, landsstýrismann, frá Kára P. Højgaard, løgtingsmanni, víðvíkjandi lesi- og skriviveikum (orðblindum)

Formaðurin setti næsta fund at verða mikudagin 22. november 2006, kl. 13.30 , við hesi dagsskrá:
 

1.    Atkvøðugreiðsla um fyrispurning nr. 100-14/2006 til Jógvan á Lakjuni, landsstýrismann, frá Kára P. Højgaard, løgtingsmanni, víðvíkjandi lesi- og skriviveikum (orðblindum)

2.    2. viðgerð av tingmáli nr. 18/2006: Uppskot til løgtingslóg um broyting í løgtingslóg um fólka- og farmaflutning

3.    1. viðgerð av tingmáli nr. 34/2006: Uppskot til løgtingslóg um broyting í løgtingslóg um áseting av skatti (Barnafrádráttur)
Málið verður beint í fíggjarnevndin.

4.    Svar upp á fyrispurning nr. 100-2/2006 til Hans Paula Strøm, landsstýrismann, frá Bill Justinussen, løgtingsmanni, viðvíkjandi Landssjúkrahúsinum

5.    Framløga
 

Fundur lokin kl. 16.40 

Edmund Joensen

løgtingsformaður 

/Marius Rein
skrivari