Løgtingsins gerðabók fyri tingsetuna 2006

14. fundur

Ár 2006, mikudagin, 4. oktober, kl. 13.00, varð tingfundur settur.

Farloyvi:

Skriv frá Jenis av Rana, løgtingsmanni, dagfest tann 4. oktober 2006, við umsókn um farloyvi frá 4. oktober 2006 og 10 dagar fram, og at næsti maður á lista Miðfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Egin Henriksen, ið áður hevur verið á tingi, tekur sæti fyri Jenis av Rana.

Til viðgerðar:

1.    1. viðgerð av tingmáli nr. 1-1/2006: Uppskot til løgtingsfíggjarlóg fyri fíggjarárið 2007

Fundur niðurlagdur kl. 18.08
Fundur uppafturtikin hósdagin 5. oktober 2005, kl. 9.00
Fundur niðurlagdur kl. 12.06
Fundur uppafturtikin kl. 13.30
Fundur niðurlagdur kl. 18.30
Fundur uppafturtikin fríggjadagin 6. oktober 2005 kl. 9.00

     Viðgerðin niðurløgd.

Fundur niðurlagdur kl.  12.23
 

2.    1. viðgerð av tingmáli nr. 1-3/2006: Uppskot til eykajáttanarløgtingslóg fyri september 2006
Málið beint í fíggjarnevndina
 

3.    Framhaldandi 1. viðgerð av tingmáli nr. 1-1/2006: Uppskot til løgtingsfíggjarlóg fyri fíggjarárið 2007
Málið beint í fíggjarnevndina
 

4.    Framløga
Formaðurin boðaði frá, at Jacob Vestergaard, landsstýrismaður, vegna landsstýrið hevur lagt fram tingmál nr. 16/2006: Uppskot til ríkislógartilmæli um at seta í gildi fyri Føroyar ”lov om forældremyndighed og samvær”,  at Hergeir Nielsen, løgtingsmaður, vegna Tjóðveldisflokkin hevur lagt fram tingmál nr. 18/2006: Uppskot til løgtingslóg um broyting í løgtingslóg um fólka- og farmaflutning, og løgtingsmenninir Finnur Helmsdal, Annita á Fríðriksmørk, Heidi Petersen, Páll á Reynatúgvu, Høgni Hoydal, Karsten Hansen, Hergeir Nielsen og Tórbjørn Jacobsen, vegna Tjóðveldisflokkin hava lagt fram tingmál nr. 19/2006: Uppskot til samtyktar um broyting í løgtingslógini um almannapensjónir o.a., at uttanlandsnevndin hevur lagt fram álit í tingmálunum nr. 9/2006: Uppskot til samtyktar um tilráðingar frá Útnorðurráðnum í 2005 og um frágreiðing um virki ráðsins í 2005, og nr. 10/2006: Uppskot til samtyktar um tilráðingar frá Norðurlandaráðnum í 2005 og um frágreiðing um virki ráðsins í 2005, at trivnaðarnevndin hevur lagt fram álit í tingmáli nr. 4/2006: Uppskot til løgtingslóg um broyting í løgtingslóg um áseting og javning av almannaveitingum, og at fíggjarnevndin hevur lagt fram álit í tingmáli nr. 1-2/2006: Uppskot til eykajáttanarløgtingslóg fyri august 2006.

 

Tikið av dagsskrá: 

1. viðgerð av tingmáli nr. 14/2006: Uppskot til løgtingslóg um broyting í lóg um almenna forsorg, og 1. viðgerð av tingmáli nr. 15/2006: Uppskot til løgtingslóg um broyting í løgtingslóg um áseting av skatti (Broytt skattaprocent fyri útlendingar í FAS).
 

Formaðurin fráboðaði fyrispurning nr. 100-4/2006 til Jóannes Eidesgaard, løgmann, frá Kára P. Højgaard, løgtingsmanni, viðvíkjandi fiskiloyvinum til Jógvan S
 

Formaðurin setti næsta fund at verða týsdagin, 17. oktober 2006, kl. 13.30, við hesi dagsskrá:

1.    Atkvøðugreiðsla um fyrispurning nr. 100-4/2006 til Jóannes Eidesgaard, løgmann, frá Kára P. Højgaard, løgtingsmanni, viðvíkjandi fiskiloyvinum til Jógvan S

2.    2. viðgerð av tingmáli nr. 7/2006: Uppskot til løgtingslóg um broyting í løgtingslóg um vinnuligan fiskiskap

3.    2. viðgerð av tingmáli nr. 9/2006: Uppskot til samtyktar um tilráðingar frá Útnorðurráðnum í 2005 og um frágreiðing um virki ráðsins í 2005

4.    2. viðgerð av tingmáli nr. 10/2006: Uppskot til samtyktar um tilráðingar frá Norðurlandaráðnum í 2005 og um frágreiðing um virki ráðsins í 2005

5.    2. viðgerð av tingmáli nr. 13/2006: Uppskot til samtyktar um at seta nevnd at endurskoða tingskipanina

6.    2. viðgerð av tingmáli nr. 4/2006: Uppskot til løgtingslóg um broyting í løgtingslóg um áseting og javning av almannaveitingum

7.    2. viðgerð av tingmáli nr. 1-2/2006: Uppskot til eykajáttanarløgtingslóg fyri august 2006

8.    1. viðgerð av tingmáli nr. 14/2006: Uppskot til løgtingslóg um broyting í lóg um almenna forsorg
Málið verður beint í trivnaðarnevndina

9.    1. viðgerð av tingmáli nr. 15/2006: Uppskot til løgtingslóg um broyting í løgtingslóg um áseting av skatti (Broytt skattaprocent fyri útlendingar í FAS)
Málið verður beint í  fíggjarnevndina

10.Framløga. 

Fundur lokin kl. 19.05 

Edmund Joensen

løgtingsformaður

/Marius Rein
skrivari