Løgtingsins gerðabók fyri tingsetuna 2004

19. fundur

Ár 2004, mikudagin 27. oktober kl. 13.30 varð tingfundur settur.

Jóannes Eidesgaard, løgmaður, og Birgit Kleis, ríkisumboðsmaður, vóru ikki á fundi.

Til viðgerðar:

1. Jógvan á Lakjuni, landsstýrismaður, svaraði fyrispurningi nr. 100-6/2004 frá Kára P. Højgaard, løgtingsmanni, viðvíkjandi hægri útbúgving í Føroyum.
   Málið avgreitt.
   
2. Hans Pauli Strøm,landsstýrismaður, svaraði fyrispurningi nr. 100-7/2004 frá Annitu á Fríðriksmørk, løgtingsmanni, viðvíkjandi frítíðarskúlanum á Tvøroyri.
   Málið avgreitt.
   
3. 2. viðgerð av tingmáli nr. 5/2004: Uppskot til samtyktar um miðvís framtøk fyri gransking, tøkni og menning í Føroyum
   Uppskot til samtyktar fall 10-0-17.
   Málið avgreitt.
   
4. 2. viðgerð av tingmáli nr. 6/2004: Uppskot til  løgtingslóg um broyting í lóg um almenna forsorg
   §§ 1 og 2 samtyktar 27-0-0. Uppskotið fer soleiðis samtykt til 3. viðgerð.

Tikið av dagsskrá:
Munnligir fyrispurningar.

Farloyvi
Skriv frá Kára P. Højgaard, løgtingsmanni, dagfest 27. oktober 2004, við umsókn um farloyvi sambært § 63 í tingskipanini frá 29. oktober 2004 og 10 dagar fram, og at næsti maður á lista Sjálvstýrisfloksins í Eysturoyar valdømi tekur sæti á tingi. Formaðurin heitti á tingmenninar Hergeir Nielsen, Gerhard Lognberg og Kaj Leo Johannesen um at kanna, hvør næstvaldur er á lista Sjálvstýrisfloksins í Eysturoyar valdømi. Hergeir Nielsen mælti til, vegna seg sjálvan, Gerhard Lognberg og Kaj Leo Johannesen, at Dánial Petur Hansen, Saltnes, tekur sæti á tingi fyri Kára P. Højgaard.
Samtykt uttan atkvøðugreiðslu.

Formaðurin fráboðaði fyrispurning nr. 100-11/2004 til Jógvan við Keldu, landsstýrismann, frá Finni Helmsdal, løgtingsmanni, viðvíkjandi suðuroyarskipinum, ið verður bygt í Spania í hesum døgum

Formaðurin setti næsta fund at verða fríggjadagin 27. oktober 2004, kl. 9.30 við hesi dagsskrá:

1. Atkvøðugreiðsla um fyrispurning nr. 100-11/2004 til Jógvan við Keldu, landsstýrismann, frá Finni Helmsdal, løgtingsmanni, viðvíkjandi suðuroyarskipinum, ið verður bygt í Spania í hesum døgum
2. 3. viðgerð av tingmáli nr. 6/2004: Uppskot til  løgtingslóg um broyting í lóg um almenna forsorg
3. 2. viðgerð av tingmáli nr. 8/2004: Uppskot til løgtingslóg um handilstiltøk mótvegis Somaliu
4. Framløga

 Fundur lokin kl. 16.19. 

Edmund Joensen
løgtingsformaður

/Marius Rein
skrivari