Løgtingsins gerðabók fyri tingsetuna 2006

50. fundur

Ár 2007, mikudagin, 31. januar, kl. 13.30, varð tingfundur settur.

Løgtingsmenninir Høgni Hoydal, Marjus Dam, Lisbeth L. Petersen, Kristian Magnussen, Jógvan við Keldu og Poul Michelsen og Jógvan á Lakjuni og Bjarni Djurholm, landsstýrismenn, løgmaður og Søren Christensen, ríkisumboðsmaður vóru ikki á fundi.

Farloyvi: 

Skriv frá Sverra  Midjord, løgtingsmanni, dagfest tann 30. januar 2007, við umsókn um farloyvi frá 31. januar 2007 til og við 23. februar 2007, og at næstvaldi á lista Javnaðarfloksins í Suðuroyar valdømi tekur sæti á tingi. Samtykt uttan atkvøðugreiðslu, at Mikkjal Sørensen, ið áður hevur verið á tingi, tekur sæti fyri Sverra Midjord.

Til viðgerðar:

1.        Atkvøðugreiðsla um fyrispurning nr. 100-27/2006 til Bjarna Djurholm, landsstýrismann í vinnumálum, frá Páll á Reynatúgvu, løgtingsmanni, viðvíkjandi Televarpinum
Samtykt uttan atkvøðugreiðslu, at fyrispurningurin skal svarast.
 

2.        Ófráboðaðir fyrispurningar
 

3.        Jacob Vestergaard, landsstýrismaður, legði vegna Jógvan á Lakjuni, landsstýrismann, fram tingmál nr. 101-3/2006: Frágreiðing sambært § 51 stk 4, í tingskipanini til aðalorðaskifti um fólkaskúlan
 

4.        Bárður Nielsen, landsstýrismaður, svaraði fyrispurningi nr. 100-23/2006 til Bárð Nielsen, landsstýrismann, frá løgtingsmonnunum Høgna Hoydal, Kára P. Højgaard og Bill Justinussen viðvíkjandi avleiðingum av broytingum í kapitalvinningsskattalógini
 

5.        Framløga
Formaðurin boðaði frá, at Hergeir Nielsen, løgtingsmaður, vegna løgtingsgrannskoðararnar hevur lagt fram tingmál nr. 54/1-2006: Grannskoðan av almennum roknskapum: Landsroknskapurin fyri fíggjarárið 2005.

Formaðurin fráboðaði fyrispurning nr. 100-28/2006 til Bjarna Djurholm, landsstýrismann í vinnumálum, frá Páll á Reynatúgvu, løgtingsmanni, viðvíkjandi møguligari liberalisering/einskiljing av elveitingini í Føroyum

Formaðurin setti næsta fund at verða hósdagin, 1. februar 2007, kl. 13.30 við hesi dagsskrá:
 

1.        Atkvøðugreiðsla um fyrispurning nr. 100-28/2006 til Bjarna Djurholm, landsstýrismann, frá Páll á Reynatúgvu, løgtingsmanni, viðvíkjandi møguligari liberalisering/einskiljing av elveitingini í Føroyum

2.        1. viðgerð av tingmáli nr. 55/2006: Uppskot til samtyktar um føroysk útróðrarpláss í Grønlandi
Málið verður beint í uttanlandsnevndina

3.        1. viðgerð av tingmáli nr. 56/2006: Uppskot til samtyktar um at seta Kyoto-frumskjalið í gildi fyri Føroyar
Málið verður beint í rættarnevndina

4.        Framløga

Fundur lokin kl. 15.25

             Edmund Joensen

løgtingsformaður

  /Beinta Isaksen