Gerðabók Mentanarnevnd Løgtingsins fyri
tingsetuna 2004
4. fundur
Ár 2004, týsdagin hin 30. november, kl. 9.30,
var fundur í mentanarnevnd Løgtingsins.
Á fundi vóru:
Andrias Petersen, formaður
Jákup Mikkelsen
, næstformaður
Marjus Dam
John Johannessen
Olav Enomoto
Heidi Petersen og
Tórbjørn Jacobsen
Skrivari:
Birita S. Samuelsen
Til viðgerðar:
(Málini komu ikki til viðgerðar í raðfylgju
sambært dagsskránni.)
- Gerðabókin
Gerðabókin frá
3. fundi tann 23. november 2004 varð býtt út, lisin
upp og góðkend við smávegis rættingum.
- Løgtingsmál nr.
21/2004: Uppskot til løgtingslóg um vernd av fornlutum í havinum
Klokkan 9.50 kom Jógvan á
Lakjuni, landsstýrismaður í mentamálum, á fund við nevndina saman við Mariu
Húsgarð, fulltrúa, og Símun Arge, fornfrøðingi á Føroya Fornminnissavni.
Símun Arge fór av fundi klokkan 10.20.
Klokkan 10.20 kom Jóannes Dalsgaard, deildarstjóri, á fund við nevndina.
Nevndin viðgjørdi hereftir løgtingsmál nr. 16/2004.
Landsstýrismaðurin og embætisfólk hansara fóru av fundi klokkan 10.45, men
avtalaðu at koma á fund aftur, aftaná at Tórshavnar froksmannafelag hevði
verið á fundi við nevndina.
Klokkan 10.45 komu Heri Andreassen og Knút Bjørk frá Tórshavnar
froskmannafelag á fund við nevndina. Teir fóru av fundi aftur klokkan 11.05.
Málið varð umrøtt.
Álit varð orðað og undirskrivað.
- Løgtingsmál nr.
16/2004: Uppskot til løgtingslóg um broyting í løgtingslóg um kringvarp
v.m.
Klokkan 11.10 komu Maria Húsgarð
og Jóannes Dalsgaard á fund aftur við nevndina, og viðgerðin av løgtingsmáli
nr. 16/2004 helt fram. Tey fóru av fundi aftur klokkan 11.35.
Nevndin umrøddi málið, og orðaði eitt álit, sum væntandi verður undirskrivað
á tingfundinum seinnapartin.
Næsti fundur:
Eingin komandi fundur var ásettur.
Fundur lokin kl. 12.15
Birita S. Samuelsen
skrivari