32. fundur
Ár 2003, hósdagin 4. desember kl. 13.40, varð tingfundur settur.
Johan Dahl, løgtingsmaður, og Birgit Kleis, ríkisumboðsmaður, vóru ikki á fundi.
Til viðgerðar:
- 3. viðgerð av tingmáli nr. 25/2003:
Uppskot til løgtingslóg um broyting í løgtingslóg um frítíðarundirvísing.
Uppskotið, sum samtykt við 2. viðgerð, endaliga samtykt 31-0-0.
Málið avgreitt.
- 2. viðgerð av tingmáli nr. 1-3/2003:
Uppskot til eykafíggjarlóg fyri 2003.
Uppskotið samtykt 31-0-0.
Uppskotið fer soleiðis samtykt til 3. viðgerð.
- 2. viðgerð av tingmáli nr.
6/2003: Uppskot til løgtingslóg um broyting í løgtingslóg um áseting av skatti.
Broytingaruppskot frá meirilutanum í fíggjarnevndini, Óla Breckmann, Kristinu Háfoss,
Tórbjørn Jacobsen og Kára P. Højgaard, til § 1 samtykt 18-0-13. Uppskotið
soleiðis broytt samtykt 17-0-14.
Uppskotið fer soleiðis samtykt til 3. viðgerð.
- 2. viðgerð av tingmáli nr. 8/2003:
Uppskot til løgtingslóg um broyting í løgtingslóg um stuðul til
rentuútreiðslur av lánum (Rentustuðulslógin).
Uppskot frá Henrik Old um at beina málið aftur í nevnd samtykt 16-0-15. Málið beint
aftur í fíggjarnevndina.
- 2. viðgerð av tingmáli nr. 18/2003: Uppskot
til løgtingslóg um broyting í løgtingslóg um landsskatt og kommunuskatt
(Skattalógin).
§§ 1 og 2 samtyktar
31-0-0. Uppskotið fer soleiðis samtykt til 3. viðgerð.
- 1. viðgerð av tingmáli nr. 1-4/2003:
Uppskot til eykajáttanarløgtingslóg fyri november 2003.
Málið beint í fíggjarnevndina.
- 1. viðgerð av tingmáli nr.28/2003:
Uppskot til løgtingslóg um mánaðarligan minstaforvinning til útróðrarmenn.
Málið beint í vinnunevndina.
- Høgni Hoydal, landsstýrismaður, svaraði fyrispurning nr. 100-18/2003
frá Katrin Dahl Jakobsen, løgtingsmanni, viðvíkjandi filminum færøerne.dk.
Málið avgreitt.
- Framløga.
Formaðurin boðaði frá, at rættarnevndin hevur lagt fram álit í tingmáli nr.
23/2003: Uppskot til løgtingslóg um broyting í løgtingslóg um ítróttarvedding
v.m., og at vinnunevndin hevur lagt fram álit í tingmáli nr.
26/2003: Uppskot til løgtingslóg um at keypa partabrøv í Nordatlantisk
Turistselskab ApS.
Formaðurin setti næsta fund at verða fríggjadagin, 5. desember 2003, kl. 10.00,
við hesi dagsskrá:
- Svar upp á fyrispurning nr. 100-21/2003
til Anfinn Kallsberg, løgmann, frá Hergeir Nielsen, løgtingsmanni, viðvíkjandi
rættartrygdini í ríkisrættinum.
- Svar upp á fyrispurning nr. 100-19/2003
til Bill Justinussen, landsstýrismann, frá Heðini Mortensen, løgtingsmanni,
viðvíkjandi viðlíkahaldi av Landssjúkrahúsinum.
- Svar upp á fyrispurning nr. 100-20/2003
til Annitu á Fríðriksmørk, landsstýrismann, frá Heðini Mortensen, løgtingsmanni,
viðvíkjandi Landsskjalasavninum.
- Framløga.
Fundur lokin kl. 18.05.
Edmund Joensen
løgtingsformaður
/Marius Rein
skrivari