22. fundur
Ár 2003, týsdagin 11. november kl. 13.40, varð tingfundur settur.
Løgtingsmenninir Johan Dahl, Marjus Dam og Tórbjørn Jacobsen, og Birgit Kleis,
ríkisumboðsmaður, vóru ikki á fundi.
Farloyvi
Skriv frá Jørgen Niclasen, løgtingsmanni, dagfest 7. november 2003, við umsókn um
farloyvi frá 11. til 20.november, báðir dagar íroknaðir, og at næsti maður á lista
Fólkafloksins í Vága valdømi tekur sæti á tingi. Í skrivi, dagfest 11. november
2003, boðar Jóanis Nielsen, ið er næst valdur á lista Fólkafloksins í Vága
valdømi, frá, at hann ikki fær møtt á tingi í tíðarskeiðnum, Jørgen Niclasen
søkir um farloyvi. Formaðurin heitti á tingmenninar Hergeir Nielsen, Rúna Hentze og
Katrin Dahl Jakobsen um at kanna, hvør næstvaldur er á lista Fólkafloksins í Vága
valdømi.
Fundur niðurlagdur kl. 13.42.
Fundur uppafturtikin kl. 13.45.
Hergeir Nielsen mælti til, vegna seg sjálvan, Rúna Hentze og Katrin Dahl Jakobsen,
at Tummas Jacob J. á Løgmansbø tekur sæti á tingi fyri Jørgen Niclasen.
Samtykt uttan atkvøðugreiðslu.
Til viðgerðar:
- 1. viðgerð av tingmáli nr. 8/2003: Uppskot
til løgtingslóg um broyting í løgtingslóg um stuðul til rentuútreiðslur av lánum
(Rentustuðulslógin).
Málið beint í fíggjarnevndina.
- 1. viðgerð av tingmáli nr. 11/2003:
Uppskot til løgtingslóg um at seta úr gildi Midlertidig Bestemmelse om Brug og Udleje
af Skibe hjemmehørende på Færøerne og Midlertidig Bestemmelse om Benyttelse af
Fartøjer.
Málið beint í vinnunevndina.
- Annita á Fríðriksmørk, landsstýrismaður, svaraði fyrispurningi nr. 100-12/2003
frá Jógvani á Lakjuni, løgtingsmanni, viðvíkjandi lógini um filmseftirlit.
Málið avgreitt.
- Framløga.
Formaðurin boðaði frá, at tingmenninir Johan Dahl og Bárður Nielsen, vegna
Sambandsflokkin, hava lagt fram tingmál nr. 14/2003:
Uppskot til løgtingslóg um broyting í løgtingslóg um Føroyska Altjóða Skipaskrá
og løgtingslóg um landsskatt og kommunuskatt, og at tingmenninir Heðin Mortensen og
Bárður Nielsen, vegna Sambandsflokkin, hava lagt fram tingmál nr. 15/2003:
Uppskot til løgtingslóg um broyting í løgtingslóg um viðgerð av
persónsupplýsingum, at Karsten Hansen, landsstýrismaður, vegna landsstýrið hevur
lagt fram tingmálini nr. 16/2003:
Uppskot til løgtingslóg um broyting í løgtingslóg um toll, nr. 17/2003:
Uppskot til løgtingslóg um broyting í løgtingslóg um avgjald á framleiðslu og
innflutningi, nr. 18/2003:
Uppskot til løgtingslóg um broyting í løgtingslóg um landsskatt og kommunuskatt
(Skattalógin), nr.
19/2003: Uppskot til løgtingslóg um broyting í løgtingslóg um landsskatt og
kommunuskatt, nr. 20/2003:
Uppskot til løgtingslóg um broyting í løgtingslóg um skattafría samanlegging o.a.,
nr. 21/2003:
Uppskot til løgtingslóg um broyting í løgtingslóg um landsskatt og kommunuskatt
og ymsum øðrum skatta- og avgjaldslógum (broytt rentustig) og nr.
22/2003: Uppskot til løgtingslóg um broyting í løgtingslóg um toll, at Høgni
Hoydal, landsstýrismaður, vegna landsstýrið hevur lagt fram tingmál nr. 23/2003:
Uppskot til løgtingslóg um broyting í løgtingslóg um ítróttarvedding v.m., at
Annita á Fríðriksmørk, landsstýrismaður, vegna landsstýrið hevur lagt fram
tingmálini nr. 24/2003:
Uppskot til løgtingslóg um yrkisskeið, og nr. 25/2003:
Uppskot til løgtingslóg um broyting í løgtingslóg um frítíðarundirvísing, og at
vinnunevndin hevur lagt fram álit í tingmáli nr. 3/2003:
Uppskot til samtyktar viðvíkjandi innkoyring til Havnina.
Formaðurin fráboðaði hesar fyrispurningar:
Nr. 100-19/2003
til Bill Justinussen, landsstýrismann, frá Heðini Mortensen, løgtingsmanni,
viðvíkjandi viðlíkahaldi av Landssjúkrahúsinum, og
nr. 100-20/2003
til Annitu á Fríðriksmørk, landsstýrismann, frá Heðini Mortensen, løgtingsmanni,
viðvíkjandi Landsskjalasavninum
Formaðurin setti næsta fund at verða mikudagin, 12. november 2003, kl. 13.30, við
hesi dagsskrá:
- Munnligir fyrispurningar.
- Atkvøðugreiðsla um fyrispurning nr. 100-19/2003
til Bill Justinussen, landsstýrismann, frá Heðini Mortensen, løgtingsmanni,
viðvíkjandi viðlíkahaldi av Landssjúkrahúsinum.
- Atkvøðugreiðsla um fyrispurning nr. 100-20/2003
til Annitu á Fríðriksmørk, landsstýrismann, frá Heðini Mortensen, løgtingsmanni,
viðvíkjandi Landsskjalasavninum.
- 1. viðgerð av tingmáli nr. 9/2002: Uppskot
til løgtingslóg um broyting í løgtingslóg um landsskatt og kommunuskatt
(Skattalógin).
Málið verður beint í fíggjarnevndina.
- 1. viðgerð av tingmáli nr. 10/2003:
Uppskot til løgtingslóg um broyting í løgtingslóg um meirvirðisgjald.
Málið verður beint í fíggjarnevndina.
- Framløga.
Fundur lokin kl. 18.54.
Edmund Joensen
løgtingsformaður
/Marius Rein
skrivari