Tingsetan byrjar á hvørjum ári  ólavsøkudag og endar formliga á ólavsøku árið eftir.

Tingsetan 2003

Í 2003 var val miðskeiðis í tingsetuni – valið var skrivað út 5. desember og hildið 20. januar 2004,  og setti hetta sum vera man sín dám á tingarbeiðið, sum so at siga varð stegðað, tá valið var útskrivað  í 2003, til nýggja tingið var skipað og løgmaður valdur 3. februar 2004.

Seinasti tingfundur var 18. mai 2004. Fundirnir vóru 81 í tali..  Samlaða tingfundartímatalið var 281 tímar.

Tingsetan 2004

Í 2004 var seinasti vanlig tingfundur 14. mai 2005, men kom tingið saman 7. juli í sambandi við arbeiðssteðg hjá maskinmonnum á SEV. Fundirnir vóru 81 í tali, og tímatalið var 388. Ójavnt er, hvussu tingfundirnir eru býttir út á árið. Á vístu stabbamyndini sæst, hvussu arbeiðsbyrðan hjá tinginum og nevndunum er býtt út á árið. Mesta virksemi er í desember og mars mánaði.

Tingið viðgerð mál í hesum formum:  Uppskot til løgtingslóg, uppskot til ríkislógartilmæli, uppskot til samtyktar, frágreiðingar, skrivligir -  munnligir og ófráboðaðir fyrispurningar. Harumframt er uppskot til  misálit á løgmann ella landsstýrismenn. Talvan sýnir, hvussu nógv uppskot til løgtingslógir og ríkislógartilmæli eru framløgd á tingi av ávikavist landsstýrinum og støkum tingmonnum og  hvussu nógv teirra eru samtykt.

Tingsetan 2003

Uppskotini til samtyktar í tingsetuni vóru 8 í tali. Skrivligu fyrispurningarnir vóru 42 ímóti 45 árið fyri og munnligu fyrispurningarnir vóru 111 ímóti  139 árið fyri.  Ófráboðaðir fyrispurningar vóru settir á skrá 4 ferðir.  Frágreiðingar frá landsstýrinum vóru 5 í tali. Eitt misálitisuppskot á landsstýrismann var sett fram.

Tingsetan 2004

Uppskotini til samtyktar í tingsetuni vóru  11 í tali. Skrivligu fyrispurningarnir vóru 41 ímóti 42  árið fyri og munnligu fyrispurningarnir vóru 152  ímóti 111  árið fyri.  Ófráboðaðir fyrispurningar vóru settir á skrá 6 ferðir.  Frágreiðingar frá landsstýrinum vóru 3 í tali.

Uppskot til løgtingslógir, ríkislógartilmæli og uppskot til samtyktar verða vanliga beind í tingnevnd eftir 1. viðgerð. Sbr. tingskipanini  § 32, stk. 2 skal nevnd lata Løgtinginum álit innan 1 mánað eftir, at tingið beindi nevndini málið, tó so at tingformaðurin kann leingja frestina.

Á yvirlitinum sæst, hvussu arbeiðsbyrðan hevur verið hjá einstøku nevndnum, hvussu nógvir fundirnir hava verið í tingsetunum 2003 og 2004, hvussu nógv mál hava verið fyri, og hvussu ofta umboð fyri landsstýrið, kommunur, felagsskapir ella einstaklingar hava verið á fundi við ávísa nevnd.