Løgtingsins gerðabók fyri tingsetuna 2006

54. fundur

Ár 2007, hósdagin 8. februar, kl. 13.30, varð tingfundur settur.

Løgtingsmenninir Johan Dahl og Kristian Magnussen, løgtingsmenn, og Søren Christensen, ríkisumboðsmaður, vóru ikki á fundi.

Til viðgerðar:
 

1.        Framhaldandi 3. viðgerð av tingmáli nr. 36/2006: Uppskot til løgtingslóg um sjálvbodnar kommunusamanleggingar og kommunal samstørv í sambandi við lógarbundnar uppgávur
Uppskot frá Tórbjørn Jacobsen um at beina málið aftur í nevnd fall 12-0-17. Broytingaruppskot frá Alfred Olsen, Poul Michelsen, Kristian Magnussen og Sverre Midjord tikið aftur. Broytingaruppskot frá Finni Helmsdal, Bill Justinussen, Jenis av Rana og Karsten Hansen til § 2 fall 6-0-23. Broytingaruppskot minnilutanum í rættarnevndini í áliti II, Marjus Dam, til § 2 fall 0-2-27. Broytingaruppskot frá minnilutanum í rættarnevndini í áliti II, Finni Helmsdal og Bill Justinussen, fall 11-0-18.
Broytingaruppskot frá meirilutanum í rættarnevndini í áliti II, Alfred Olsen, Poul Michelsen, Kristian Magnussen og Mikkjal Sørensen, samtykt 18-0-11. Uppskotið, sum samtykt við 2. viðgerð, og soleiðis broytt við 3. viðgerð, endaliga samtykt 19-0-10.
Málið avgreitt.
 

2.        2. viðgerð av tingmáli nr. 49/2006: Uppskot til løgtingslóg um broyting í lóg um almenna forsorg (forsorgarlógin)
Broytingaruppskot frá samdari trivnaðarnevnd til til §§ 1 og 2 samtykt 26-0-0. Broytingaruppskot frá Jørgen Niclasen, Finni Helmsdal, Andrias Petersen, Lisbeth L. Petersen, Johan Dahl, Annitu á Fríðriksmørk og Bill Justinussen til § 2 samtykt 26-0-0. Uppskotið soleiðis broytt samtykt 25-1-0. Uppskotið fer soleiðis samtykt til 3. viðgerð.
 

3.        Jógvan á Lakjuni, landsstýrismaður, svaraði upp á fyrispurning nr. 100-22/2006 til Jógvan á Lakjuni, landsstýrismann, frá Heidi Petersen, løgtingsmanni, viðv. bygging av fiskivinnuskúla í Vestmanna og skúladepli í Hovi
Málið avgreitt.
 

4.        Framløga
Forðmaðurin boðaði frá, at tingmenninir Jenis av Rana og Bill Justinussen, vegna Miðflokkin, hava lagt fram løgtingsmál nr. 58/2006: Uppskot til løgtingslóg um broyting í løgtingslóg um kringvarp

Tikið av dagsskrá:
Svar uppá fyrispurning nr. 100-21/2006 til Hans Paula Strøm, landsstýrismann, frá Óla Breckmann, løgtingsmanni, viðvíkjandi fyritíðar- og fólkapensjónistum, arbeiðsinntøku og marginalskatti

 

Formaðurin setti næsta fund at verða týsdagin 13. februar 2007, kl. 10.00, við hesi dagsskrá:

1.      Aðalorðaskifti um tingmál nr. 101-2/2006 Frágreiðing sambært § 51,  

      stk 4 í tingskipanini um orkupolitikk

2.   Framløga 

Fundur lokin kl. 18.45 

             Edmund Joensen
                  løgtingsformaður      

  /Beinta Isaksen
skrivari