Løgtingsins gerðabók fyri tingsetuna 2006

49. fundur

Ár 2007, hósdagin 25. januar, kl. 13.30, varð tingfundur settur.

Løgtingsmenninir Olav Enomoto og Heðin Zachariasen, løgmaður, landsstýrismenninir Jógvan á Lakjuni og Bárður Nielsen, og Søren Christensen, ríkisumboðsmaður vóru ikki á fundi.

Til viðgerðar:

1.        Atkvøðugreiðsla um fyrispurning nr. 100-26/2006 til Bjarna Djurholm, landsstýrsmann, frá Páll á Reynatúgvu, løgtingsmanni, viðvíkjandi Sandoyartunlinum
Samtykt uttan atkvøðugreiðslu, at fyrispurningurin skal svarast.
 

2.        Hans Pauli Strøm, landsstýrismaður, svaraði fyrispurningi nr. 100-19/2006 til Hans Paula Strøm, landsstýrismann í almanna- og heilsumálum, frá Óla Breckmann, løgtingsmanni, viðvíkjandi betri fyribyrging og viðgerð av krabbameini
Málið avgreitt.
 

3.        Bjarni Djurholm, landsstýrismaður, svaraði fyrispurningi nr. 100-20/2006 frá Heidi Petersen, løgtingsmanni, við­víkjandi tí, at Føroya Tele skal leggja fipur í hvørt hús áðrenn 2012
Málið avgreitt.
 

Tikið av dagsskrá:

Svar upp á fyrispurning nr. 100-21/2006 til Hans Paula Strøm, landsstýrismann í almanna- og heilsumálum, frá Óla Breckmann, løgtingsmanni, viðvíkjandi fyritíðar- og fólkapenjónistum, arbeiðsinntøku og marginalskatti

Formaðurin fráboðaði fyrispurning nr. 100-27/2006 til Bjarna Djurholm, landsstýrismann í vinnumálum, frá Páll á Reynatúgvu, løgtingsmanni, viðvíkjandi Televarpinum

Formaðurin setti næsta fund at verða mikudagin, 31. januar, 2007, kl. 13.30 við hesi dagsskrá:

1.        Atkvøðugreiðsla um fyrispurning nr. 100-27/2006 til Bjarna Djurholm, landsstýrismann í vinnumálum, frá Páll á Reynatúgvu, løgtingsmanni, viðvíkjandi Televarpinum

2.        Ófráboðaðir fyrispurningar

3.        Jógvan á Lakjuni, landsstýrismaður, leggur fram tingmál nr. 101-3/2006: Frágreiðing sambært § 51, stk 4 í tingskipanini til aðalorðaskifti um fólkaskúlan

4.        Svar upp á fyrispurning nr. 100-23/2006 til Bárð Nielsen, landsstýrismann, frá løgtingsmonnunum Høgna Hoydal, Kára P. Højgaard og Bill Justinussen viðvíkjandi avleiðingum av broytingum í kapitalvinningsskattalógini

5.        Framløga

Fundur lokin kl. 17.35 

             Edmund Joensen

løgtingsformaður

                                            /Marius Rein
skrivari