Løgtingsins gerðabók fyri tingsetuna 2004

40. fundur

Ár 2005, hósdagin 10. februar kl. 13.40 varð tingfundur settur.

Løgtingsmenninir Heidi Petersen, Kaj Leo Johannesen og John Johannessen, og Birgit Kleis, ríkisumboðsmaður, vóru ikki á fundi.

Formaðurin bar fram minningarorð um Atla P. Dam, fyrrverandi løgmann og løgtingsmann, ið andaðist tann 7. februar 2005, og tingmenn mintust hann í tøgn.

Farloyvi:

Skriv frá Heðin Zachariasen, løgtingsmanni, dagfest tann 9. februar 2005, við umsókn um farloyvi frá 10. til 19. februar 2005, og at næsti maður á lista Fólkafloksins í Norðstreymoyar valdømi tekur sæti á tingi. Formaðurin heitti á tingmenninar Hergeir Nielsen, Gerhard Lognberg og Lisbeth L. Petersen um at kanna valbrøvini í Norðstreymoyar valdømi.

Fundur niðurlagdur kl. 13.44

Fundur uppafturtikin kl. 13.52

Hergeir Nielsen mælti til, vegna seg sjálvan, Gerhard Lognberg og Lisbeth L. Petersen, at Ingi Olsen tekur sæti fyri Heðin Zachariasen.

Samtykt uttan atkvøðugreiðslu.

Til viðgerðar:

1.      1. viðgerð av tingmáli nr. 34/2004: Uppskot til samtyktar um umboðan Føroya á Fólkatingi
Uppskot um at vísa uppskotið burtur, sambært § 57, stk. 1 í tingskipanini, samtykt 19-9-1. Uppskotið sostatt burturvíst.
Málið avgreitt.
 

2.      1. viðgerð av tingmáli nr. 29/2004: Uppskot til samtyktar um tilráðingar frá Útnorðurráðnum í 2003 og 2004 um frágreiðing um virki ráðsins í 2004
Málið beint í uttanlandsnevndina.
 

3.      Bjarni Djurholm, landsstýrismaður, leggur fram tingmál nr. 101-3/2004: Frágreiðing sambært § 51, stk. 4 í tingskipanini um orku.
 

4.      1. viðgerð av tingmáli nr. 30/2004: Uppskot til samtyktar um tilráðingar frá Norðurlandaráðnum í 2004 og um frágreiðing um virki ráðsins í 2004
Málið beint í uttanlandsnevndina.
 

5.      Framløga
Formaðurin boðaði frá, at løgtingsformaðurin, vegna formansskapin, hevur lagt fram tingmál nr. 35/2004: Uppskot til samtyktar um at taka óárinið frá Karsten Hansen, løgtingsmanni, at Bárður Nielsen, landsstýrismaður, vegna landsstýrið, hevur lagt fram tingmál nr. 36/2004: Uppskot til løgtingslóg um skráseting av útflutningi av vørum, at Bjørn Kalsø, landsstýrismaður, vegna landsstýrið, hevur lagt fram tingmál nr. 37/2004: Uppskot til løgtingslóg um avtøku av løgtingslóg um inn- og útflutning av fiski og fiskaúrdráttum, at løgtingsmenninir Anfinn Kallsberg, Vilhelm Johannesen, Lisbeth L. Petersen, Kaj Leo Johannesen, Karsten Hansen, Páll á Reynatúgvu og Kári P. Højgaard, hava lagt fram tingmál nr. 38/2004: Uppskot til samtyktar um at fyrireika uppskot til játtanarlóg, og at fíggjarnevndin hevur lagt fram álit í tingmálunum nr. 27/2004: Uppskot til løgtingslóg um broyting í løgtingslóg um skrásetingargjald á motorakførum, og nr. 32/2004: Uppskot til løgtingslóg um broyting í løgtingslóg um Toll- og Skattafyrisiting.
 

Formaðurin setti næsta fund at verða fríggjadagin, 11. februar 2005, kl. 10.00 við hesi dagsskrá:
 

1.      1. viðgerð av tingmáli nr. 33/2004: Uppskot til  løgtingslóg um at byggja umsitingarbygning á Krambatanga á Trongisvágsfirði
Málið verður beint í vinnunevndina.

2.      Framløga 

Fundur lokin kl. 17.33.

Edmund Joensen

løgtingsformaður

/Marius Rein

skrivari