Gerðabók
Rættarnevnd Løgtingsins fyri tingsetuna 1999 |
6. fundur |
Hósdagur 3. februar 2000 |
kl. 9.40 |
Á fundi vóru:
Sámal Petur í Grund, formaður
Annita á Fríðriksmørk
Eyðun Viderø (fór av fundi 10.00)
Rúna Sivertsen (kom kl. 10.00)
Hans Pauli Strøm
Alfred Olsen
Tórbjørn Jacobsen, næstformaður, var ikki á fundi.
Skrivari:
Sjúrður Rasmussen
Til viðgerðar:
- Góðkenning av gerðabók
Gerðabókin frá 5. fundi 13.01.2000 varð góðkend.
- Løgtingsmál nr. 36/1999:
Uppskot til ríkislógartilmæli um broyting í ríkislógini fyri Føroyar um rættargang
Formaðurin greiddi frá, at hann hevði givið boð um, at málið skuldi sendast
sorinskrivaranum, fútanum og advokatunum í Føroyum til ummælis. Skrivarin legði
afturat, at málið var sent til ummælis, men at teir, sum ummælini vóru send til,
allir telefoniskt høvdu boðað frá, at teimum bar ikki til at hava ummæli greitt fyrr
enn um 14 dagar.
Nevndin gjørdi hereftir av at bíða við víðari viðgerð, til ummælini eru tøk.
- Løgtingsmál nr. 37/1999:
Uppskot til løgtingslóg um broyting í løgtingslóg um ferðslu
Nevndini umrøddi málið og gjørdi av at heita á Karin Kjølbro, stjóra á
kriminalforsorgini, um at koma á komandi fund nevndarinnar og greiða nevndini frá,
hvussu kriminalforsorgin í dag kemur inn í myndina í málum, har har fólk eru dømd
fyri promillu- ella rúsdrekkakoyring, og annars at siga sína hugsan um uppskotið.
- Løgtingsmál nr. 47/1999:
Uppskot til løgtingslóg um broyting í løgtingslóg um ferðslu
Nevndin umrøddi málið og fekk útflýggjað, skjal A, frá 26.02.1997, sum eru
viðmerkingar løgmálaráðharrans til samsvarandi fólkatingslóg um handhildnar
fartelefonir og seta promillukoyring niður á 0,5 0/00.
Nevndin gjørdi somuleiðis av at útvega sær almenn hagtøl ferðsluni viðvíkjandi
frá landsverkfrøðingsstovninum.
Næsti fundur:
Formaðurin setti næsta fund at verða hósdagin hin 10. februar 2000, kl. 9.30, við
hesi skrá:
1. Góðkenning av gerðabók 6. fundi 03.02.2000.
2. Løgtingsmál nr. 37/1999:Uppskot
til løgtingslóg um broyting í løgtingslóg um ferðslu.
Kl. 9.45 kemur Karin Kjølbro frá kriminalforsorgini á fund.
Fundur lokin kl. 11.40
Sjúrður Rasmussen
skrivari