Ár 2003, hósdagin hin 24. apríl, kl. 8.15, var fundur í mentanarnevnd Løgtingsins.

Á fundi vóru:
Jógvan Arge, formaður
Heðin Mortensen, næstformaður
Finnur Helmsdal
Katrin Dahl Jakobsen
Jákup Mikkelsen og
Kári P. Højgaard

Andrias Petersen var ikki á fundi.

Skrivari:
Sjúrður Rasmussen

Til viðgerðar:

1. Gerðabók
   Gerðabókin frá 17. fundi tann 22. apríl 2003 varð góðkend
   
   Heðin Mortensen ynskti ført til gerðabók, at hann mótmælti dagsskránni fyri fundin. Eitt yngri mál verður sett á skrá áðrenn eitt eldri, og hesum mótmælti hann.
   
2. Løgtingsmál nr. 120/2002: Uppskot til løgtingslóg um at byggja miðnámsskúla í Suðuroy
   Kl. 8.30 kom Høgni Hoydal, landsstýrismaður í mentamálum, á fund saman við Petur Petersen, aðalstjóra, og Eyðgunn Samuelsen, deildarstjóra. Málið varð umrøtt.
   
3. Løgtingsmál nr. 86/2002: Uppskot til løgtingslóg um landskassaveiting til yrkisútbúgvingarskúlar í Havn
   Landsstýrismaðurin við fylgi vóru framhaldandi á fundi. Málið varð umrøtt. Tey fóru av fundi kl. 9.35.
   
   Heðin Mortensen mótmælti, at álit ikki varð skrivað á fundinum.

Næsti fundur:
Eingin komandi fundur ásettur. 

Fundur lokin kl. 9.45

Sjúrður Rasmussen
skrivari