19. fundur

Ár 2003, týsdagin 4. november kl. 13.40, varð tingfundur settur.

Løgtingsmenninir Kaj Leo Johannesen og Rói Egholm, Eyðun Elttør, landsstýrismaður, og Birgit Kleis, ríkisumboðsmaður, vóru ikki á fundi.

Farloyvi
Skriv frá Jóannes Eidesgaard, løgtingsmanni, dagfest 4. november 2003, við umsókn um farloyvi sambært § 63 í tingskipanini, og at næsti maður á lista Javnaðarfloksins í Suðuroyar valdømi tekur sæti á tingi. Formaðurin heitti á tingmenninar Vilhelm Johannesen, Alfred Olsen og Jógvan á Lakjuni um at kanna, hvør næstvaldur er á lista Javnaðarfloksins í Suðuroyar valdømi.

Fundur niðurlagdur kl. 13.41.
Fundur uppafturtikin kl. 13.50.

Vilhelm Johannesen mælti til, vegna seg sjálvan, Alfred Olsen og Jógvan á Lakjuni, at Sverre Midjord tekur sæti á tingi fyri Jóannes Eidesgaard.
Samtykt uttan atkvøðugreiðslu.

Til viðgerðar:

1. Atkvøðugreiðsla um fyrispurning nr. 100-15/2003 til Eyðun Elttør, landsstýrismann, frá Nikláa Petersen, løgtingsmanni, viðvíkjandi Agenda 21.
   Samtykt uttan atkvøðugreiðslu, at fyrispurningurin skal svarast.
   
2. Atkvøðugreiðsla um fyrispurning nr. 100–16/2003 til Bjarna Djurholm, landstýrismann, frá Kára P. Højgaard, løgtingsmanni, viðvíkjandi flogviðurskiftum í Føroyum.
   Samtykt uttan atkvøðugreiðslu, at fyrispurningurin skal svarast.
   
3. Bjarni Djurholm, landsstýrismaður, svaraði fyrispurningi nr. 100-11/2003 frá Gerhard Lognberg, løgtingsmanni, viðvíkjandi tunnilsgerð millum Húsavík og Dal.
   Málið avgreitt.
   
4. 2. viðgerð av tingmáli nr. 1-2/2003: Uppskot til eykajáttanarløgtingslóg fyri september 2003.
   Formaðurin boðaði frá, áðrenn orðaskifti byrjaði, at 2. viðgerð verður niðurløgd, tá ið orðskiftið er liðugt, og uppafturtikin á komandi fundi, tá verður atkvøðugreiðsla.

Formaðurin fráboðaði hesar fyrispurningar:

Nr. 100-17/2003 til Bjarna Djurholm, landsstýrismann, frá Bárði Nielsen, løgtingsmanni, viðvíkjandi Framtaksgrunninum, og
nr. 100-18/2003 til Høgna Hoydal, landsstýrismann, frá Katrin Dahl Jakobsen, løgtingsmanni, viðvíkjandi filminum færøerne.dk

Formaðurin setti næsta fund at verða mikudagin, 5. november 2003, kl. 13.30, við hesi dagsskrá:

1. Ófráboðaðir fyrispurningar.
2. Atkvøðugreiðsla um fyrispurning nr. 100-17/2003 til Bjarna Djurholm, landsstýrismann, frá Bárði Nielsen, løgtingsmanni, viðvíkjandi Framtaksgrunninum.
3. Atkvøðugreiðsla um fyrispurning nr. 100-18/2003 til Høgna Hoydal, landsstýrismann, frá Katrin Dahl Jakobsen, løgtingsmanni, viðvíkjandi filminum færøerne.dk.
4. Atkvøðugreiðsla við 2. viðgerð av tingmáli nr. 1-2/2003: Uppskot til eykajáttanarløgtingslóg fyri september 2003.
5. 1. viðgerð av tingmáli nr.7/2003: Uppskot til løgtingslóg um barnavernd (barnaverndarlógin).
   Málið verður beint í trivnaðarnevndina.
6. 1. viðgerð av tingmáli nr. 6/2003: Uppskot til løgtingslóg um broyting í løgtingslóg um áseting av skatti.
   Málið beint í fíggjarnevndina.
7. Framløga.

Fundur lokin kl. 16.26.

Edmund Joensen
løgtingsformaður

/Marius Rein
skrivari