Gerðabók
Føroya Løgtings fyri tingsetuna 2000 |
16. fundur |
Týsdagur 3. oktober 2000 |
kl. 13.30 |
Ár 2000, týsdagin 3. oktober, kl. 13.30, varð tingfundur settur í útvarpshøllini.
Løgtingsmenninir Óli Breckmann, Hans Pauli Strøm, Jógvan Durhuus, Annita á
Fríðriksmørk og Finnbogi Ísakson, løgmaður, landsstýrismenninir Jørgen Niclasen og
Helena Dam á Neystabø, og Ríkisumboðsmaðurin vóru ikki á fundi.
Til viðgerðar:
- Atkvøðugreiðsla um fyrispurning nr. 100-19/2000
til Anfinn Kallsberg, løgmann, frá Heðin Mortensen, løgtingsmanni, viðvíkjandi
kommunalum sjálvræði.
Samtykt uttan atkvøðugreiðslu, at fyrispurningurin skal svarast.
- Atkvøðugreiðsla um fyrispurning nr. 100-20/2000
til Bjarna Djurholm, landsstýrismann, frá Eyðun Viderø, løgtingsmanni, viðvíkjandi
grótkastinum við bátahylin í Skálavík.
Samtykt uttan atkvøðugreiðslu, at fyrispurningurin skal svarast.
- 2. viðgerð av tingmáli nr. 3/2000:
Uppskot til løgtingslóg um broyting í og avtøku av løgtingslóg um serligt avgjald á
brenniolju.
Av tí, at atkvøðutelduskipanin ikki er tøk, varð atkvøtt sambært § 76, stk. 2, í
tingskipanini. Formaðurin heitti á tingmenninar Henrik Old og Hergeir Nielsen um at
telja atkvøðurnar.
§§ 1 og 2 fullu 12-1-14. Uppskotið sostatt fallið.
Málið avgreitt.
- 2. viðgerð av tingmáli nr. 4/2000:
Uppskot til løgtingslóg um broyting í løgtingslóg um serligt avgjald á brenniolju.
§§ 1 og 2 fullu 12-0-14. Uppskotið sostatt fallið.
Málið avgreitt.
- 2. viðgerð av tingmáli nr.
5/2000: Uppskot til løgtingslóg um broyting í løgtingslóg um val til allar
føroyskar kommunur.
Broytingaruppskot frá rættarnevndini til § 1 samtykt 19-1-0. Uppskotið soleiðis
broytt samtykt 20-0-0. Uppskotið fer soleiðis samtykt til 3. viðgerð.
Formaðurin boðaði frá hesum fyrispurningum:
Nr. 100-21/2000
til Karsten Hansen, landsstýrismann, frá Heðin Mortensen, løgtingsmanni, viðvíkjandi
avgjaldi á trygdarútgerð, og
nr. 100-22/2000
til Jørgen Niclasen, landsstýrismann, frá Finni Helmsdal, løgtingsmanni, viðvíkjandi
kunngerðini frá 1998 um grind
Formaðurin setti næsta fund at verða fríggjadagin 6. oktober 2000, kl. 10.00, við
hesi dagsskrá:
Atkvøðugreiðsla um fyrispurning nr. 100-21/2000
til Karsten Hansen, landsstýrismann, frá Heðin Mortensen, løgtingsmanni, viðvíkjandi
avgjaldi á trygdarútgerð
Atkvøðugreiðsla um fyrispurning nr. 100-22/2000
til Jørgen Niclasen, landsstýrismann, frá Finni Helmsdal, løgtingsmanni, viðvíkjandi
kunngerðini frá 1998 um grind
3. viðgerð av tingmáli nr.
5/2000: Uppskot til løgtingslóg um broyting í løgtingslóg um val til allar
føroyskar kommunur
Framløga.
Fundur lokin kl. 15.25.
Eyðun Viderø
løgtingsformaður
/Marius Rein
skrivari