Ár 2000, fríggjadagin 29. september, kl. 10.00, varð tingfundur settur í útvarpshøllini.

Løgtingsmenninir Jóanis Nielsen og Páll á Reynatúgvu, landsstýrismenninir Høgni Hoydal og Helena Dam á Neystabø og Ríkisumboðsmaðurin vóru ikki á fundi.

Farloyvi:
Skriv frá Jóannes Eidesgaard, dagfest 28. september 2000, við umsókn um farloyvi frá 29. september 2000, og at næsti maður á lista Javnaðarfloksins í Suðuroyar valdømi tekur sæti á tingi. Samtykt uttan atkvøðugreiðslu, at Mikkjal Sørensen, ið áður hevur verið á tingi, skal taka sæti fyri Jóannes Eidesgaard.

Skriv frá Jenis av Rana, dagfest 29. september 2000, við umsókn um farloyvi, og at næsti maður á lista Miðfloksins í Suðurstreymoyar valdømi tekur sæti á tingi. Samtykt uttan atkvøðugreiðslu, at Álvur Kirke, ið áður hevur verið á tingi, skal taka sæti fyri Jenis av Rana.

Til viðgerðar:

1. Framløga.
   Formaðurin boðaði frá, at Karsten Hansen, landsstýrismaður, hevur lagt fram tingmál nr. 1-1/2000: Uppskot til løgtingsfíggjarlóg fyri 2001, at fíggjarnevndin hevur lagt fram álit í tingmálunum nr. 3/2000: Uppskot til løgtingslóg um broyting í og avtøku av løgtingslóg um serligt avgjald á brenniolju og nr. 4/2000: Uppskot til løgtingslóg um broyting í løgtingslóg um serligt avgjald á brenniolju, og at rættarnevndin hevur lagt fram álit í tingmáli nr. 5/2000 Uppskot til løgtingslóg um broyting í løgtingslóg um val til allar føroyskar kommunur.

Formaðurin boðaði frá hesum fyrispurningum:
Nr. 100-19/2000 til Anfinn Kallsberg, løgmann, frá Heðin Mortensen, løgtingsmanni, viðvíkjandi kommunalum sjálvræði og nr. 100-20/2000 til Bjarna Djurholm, landsstýrismann, frá Eyðun Viderø, løgtingsmanni, viðvíkjandi grótkastinum við bátahylin í Skálavík

Formaðurin setti næsta fund at verða týsdagin 3. oktober 2000, kl. 13.30, við hesi dagsskrá:

1. Atkvøðugreiðsla um fyrispurning nr. 100-19/2000 til Anfinn Kallsberg, løgmann, frá Heðin Mortensen, løgtingsmanni, viðvíkjandi kommunalum sjálvræði
2. Atkvøðugreiðsla um fyrispurning nr. 100-20/2000 til Bjarna Djurholm, landsstýrismann, frá Eyðun Viderø, løgtingsmanni, viðvíkjandi grótkastinum við bátahylin í Skálavík
3. 2. viðgerð av tingmáli nr. 3/2000: Uppskot til løgtingslóg um broyting í og avtøku av løgtingslóg um serligt avgjald á brenniolju
4. 2. viðgerð av tingmáli nr. 4/2000 Uppskot til løgtingslóg um broyting í løgtingslóg um serligt avgjald á brenniolju
5. 2. viðgerð av tingmáli nr. 5/2000: Uppskot til løgtingslóg um broyting í løgtingslóg um val til allar føroyskar kommunur
6. Framløga.

 Fundur lokin kl. 10.20. 

Finnbogi Ísakson
løgtingsformaður

/Marius Rein
skrivari