Ár 2000, týsdagin 15. august, kl. 13.30, varð tingfundur settur.

Løgtingsmenninir Eyðun Viderø, Rúna Sivertsen, Jógvan við Keldu og Jákup Sverri Kass, landsstýrismenninir Jørgen Niclasen, Finnbogi Arge, Tórbjørn Jacobsen og Helena Dam á Neystabø og Ríkisumboðsmaðurin vóru ikki á fundi.

Farloyvi:
Skriv frá Dan R. Petersen, dagfest 13. august 2000, við umsókn um farloyvi, og at næsti maður á lista Javnaðarfloksins í Eysturoyar valdømi tekur sæti á tingi. Samtykt uttan atkvøðugreiðslu, at Andrias Petersen, ið áður hevur verið á tingi, skal taka sæti fyri Dan R. Petersen.

Til viðgerðar:

1. Atkvøðugreiðsla um fyrispurning nr. 100-1/2000 til Finnboga Arge, landsstýrismann, frá Mamy Dahl Sørensen, løgtingsmanni, um samferðsluviðurskiftini í Kalsoynni.

Samtykt uttan atkvøðugreiðslu, at fyrispurningurin skal svarast.

2. 2. viðgerð av tingmáli nr. 2/2000: Uppskot til løgtingslóg um broyting í løgtingslóg um vinnuligan fiskiskap.

Broytingaruppskot til § 1 frá samdari vinnunevnd samtykt 28-0-0.Uppskotið soleiðis broytt samtykt 28-0-0. Uppskotið fer soleiðis samtykt til 3. viðgerð.

Formaðurin fráboðaði fyrispurning nr. 100-2/2000 til Anfinn Kallsberg, løgmann, frá Lisbeth L. Petersen, løgtingsmanni, um setan av nevnd at leggja til rættis tiltøk fyri at økja lut kvinnunnar í politisku støðutakanini.

Formaðurin setti næsta fund at verða hósdagin 17. august 2000, kl. 10.00, við hesi dagsskrá:

1. Atkvøðugreiðsla um fyrispurning nr. 100-2/2000 til Anfinn Kallsberg, løgmann, frá Lisbeth L. Petersen, løgtingsmanni, um setan av nevnd at leggja til rættis tiltøk fyri at økja lut kvinnunnar í politisku støðutakanini
2. 3. viðgerð av tingmáli nr. 2/2000: Uppskot til løgtingslóg um broyting í løgtingslóg um vinnuligan fiskiskap
3. Framløga

Fundur lokin kl. 13.55.

Finnbogi Ísakson
løgtingsformaður

/Marius Rein
skrivari