Ár 2000, fríggjadagin 11. august, kl. 13.30, varð tingfundur settur.

Løgtingsmenninir Rúna Sivertsen, Jógvan við Keldu,Mamy Dahl Sørensen, Dan R. Petersen, Henrik Old, Jóannes Eidesgaard, Flemming Mikkelsen, Alfred Olsen. Marjus Dam, Jákup Sverri Kass, og Hergeir Nielsen, landsstýrismenninir Finnbogi Arge, Karsten Hansen og Helena Dam á Neystabø, Anfinn Kallsberg, løgmaður, og ríkisumboðsmaðurin vóru ikki á fundi.

Formaðurin boðaði frá, at Ríkisumboðsmaðurin í skrivi, dagfest 4. august 2000, sigur frá, at Hroar Kolmos, fulltrúi, er settur Ríkisumboðsmaður frá 7. til 13. august 2000, báðir dagar íroknaðir.

Til viðgerðar:
1. Framløga

Formaðurin boðaði frá, at vinnunevndin hevur lagt fram álit í tingmáli nr. 2/2000: Uppskot til løgtingslóg um broyting í løgtingslóg um vinnuligan fiskiskap.

Formaðurin fráboðaði fyrispurningi nr. 100-1/2000 til Finnboga Arge, landsstýrismann, frá Mamy Dahl Sørensen, løgtingsmanni, um samferðsluviðurskiftini í Kalsoynni.

Formaðurin setti næsta fund at verða týsdagin 15. august 2000, kl. 13.30, við hesi dagsskrá:

1. Atkvøðugreiðsla um fyrispurning nr. 100-1/2000 til Finnboga Arge, landsstýrismann, frá Mamy Dahl Sørensen, løgtingsmanni, um samferðsluviðurskiftini í Kalsoynni
2. 2. viðgerð av tingmáli nr. 2/2000: Uppskot til løgtingslóg um broyting í løgtingslóg um vinnuligan fiskiskap
3. Framløga

Fundur lokin kl. 13.35

 Finnbogi Ísakson
løgtingsformaður

/Beinta Isaksen
skrivari