Løgtingsins gerðabók fyri tingsetuna 2006

16. fundur

Ár 2006, mikudagin 18. oktober, kl. 13.35, varð tingfundur settur.

Løgtingsmenninir Poul Michelsen og Sverre Midjord, og Jóannes Eidesgaard, løgmaður, vóru ikki á fundi.

Til viðgerðar:

 

1.    Ófráboðaðir fyrispurningar
 

2.    Atkvøðugreiðsla um fyrispurning nr. 100-5/2006 til Hans Paula Strøm, landsstýrismann í almannamálum, frá løgtingsmonnunum Finni Helmsdal og Bill Justinussen viðvíkjandi Serdagstovninum á Argjum o.a.
Samtykt uttan atkvøðugreiðslu, at fyrispurningurin skal svarast.
 

3.    1. viðgerð av tingmáli nr. 16/2006: Uppskot til ríkislógartilmæli um at seta í gildi fyri Føroyar ”lov om forældremyndighed og samvær”.
Málið beint í rættarnevndina.
 

4.    1. viðgerð av tingmáli nr. 17/2006: Uppskot til løgtingslóg um broyting í løgtingslóg um barsilsskipan.
Málið beint í vinnunevndina.

Formaðurin setti næsta fund at verða mikudagin, 25. oktober 2006, kl. 13.30, við hesi dagsskrá:

1.    Munnligir fyrispurningar.

2.    3. viðgerð av tingmáli nr. 1-2/2006: Uppskot til eykajáttanarløgtingslóg fyri august 2006

3.    1. viðgerð av tingmáli nr. 15/2006: Uppskot til løgtingslóg um broyting í løgtingslóg um áseting av skatti (Broytt skattaprocent fyri útlendingar í FAS)
Málið verður beint í fíggjarnevndina.

4.    Framløga

Fundur lokin kl. 18.40 

Edmund Joensen

løgtingsformaður

/Marius Rein
skrivari