Løgtingsins gerðabók fyri tingsetuna 2006

7. fundur

Ár 2006, hósdagin, 17. august, kl. 13.30, varð tingfundur settur.

Løgtingsmenninir Johan Dahl og Bill Justinussen, løgmaður, Bárður Nielsen, landsstýrismaður, og ríkisumboðs­maðurin vóru ikki á fundi

Til viðgerðar: 

1.    2. viðgerð av tingmáli nr. 2/2006: Uppskot til løgtingslóg um broyting í løgtingslóg um vinnuligan fiskiskap
Broytingaruppskot frá minnilutunum í vinnunevndini, Heidi Petersen og Tórbjørn Jacobsen, og Gerhard Lognberg til § 1 fall 9-1-19. §§ 1 og 2 samtyktar 20-0-9. Uppskotið fer soleiðis samtykt til 3. viðgerð.
 

2.    Frávik
Formaðurin boðaði frá, at tingmenninir Jógvan við Keldu, Henrik Old, Vilhelm Johannesen, Olav Enomoto, Alfred Olsen, Gerhard Lognberg, Heðin Zachariasen, Kaj Leo Johannesen, Kári P. Højgaard, John Johannessen, Kristian Magnussen, Poul Michelsen, Anfinn Kallsberg, Jørgen Niclasen, Kjartan Joensen, Jenis av Rana, Óli Breckmann, Marjus Dam, Lisbeth L. Petersen, Andrias Petersen og Sverre Midjord heita á Løgtingið um at gera frávik, sambært § 85 í tingskipanini frá tíðarfreistini millum 2. og 3. viðgerð av tingmáli nr. 2/2006: Uppskot til løgtingslóg um broyting í løgtingslóg um vinnuligan fiskiskap soleiðis, at málið verður endaliga avgreitt frá tinginum í dag, hósdagin 17. august 2006.
Samtykt 22-0-8.
 

3.    Framløga
Formaðurin boðaði frá, at løgtingsmenninir Henrik Old, Alfred Olsen, Poul Michelsen, Kári P. Højgaard, Høgni Hoydal og Jenis av Rana  hava lagt fram tingmál nr. 9/2006: Uppskot til samtyktar um tilráðingar frá Útnorður­ráðnum í 2005 og um frágreiðing um virki ráðsins í 2005, og at løgtingsmenninir Óli Breckmann og Kári P. Højgaard hava lagt fram tingmál nr. 10/2006: Uppskot til samtyktar um tilráðingar frá Norðurlandaráðnum í 2005 og um frágreiðing um virki ráðsins í 2005.

Formaðurin fráboðaði fyrispurning nr. 100-1/2006 til Bárð Nielsen, landsstýrismann, frá Óla Breckmann,  løgtingsmanni, viðvíkjandi pensjónsreformi

Formaðurin setti næsta fund at verða hósdagin, 17. august 2006, kl. 15.10  við hesi dagsskrá:

1.    Atkvøðugreiðsla um fyrispurning nr. 100-1/2006 til Bárð Nielsen, landsstýrismann, frá Óla Breckmann,  løgtingsmanni, viðvíkjandi pensjónsreformi

2.    3. viðgerð av tingmáli nr. 2/2006: Uppskot til løgtingslóg um broyting í løgtingslóg um vinnuligan fiskiskap

3.    Framløga

Fundur lokin kl. 15.05 

Edmund Joensen

løgtingsformaður 

/Marius Rein
skrivari