Ár 2003, týsdagin 1. apríl kl. 13.30, varð tingfundur settur.

Løgtingsmenninir Kaj Leo Johannesen, Heini O. Heinesen og Andrias Petersen, og Birgit Kleis, ríkisumboðsmaður, vóru ikki á fundi

Farloyvi:
Skriv frá Tórbjørn Jacobsen, dagfest 30.mars 2003, við umsókn um farloyvi, og at næsti maður á lista Tjóðveldisfloksins í Eysturoyar valdømi tekur sæti á tingi. Í skrivi, dagfest 31. mars 2003, boðar Hallbjørg Hansen, frá, at tað ber henni ikki til at møta á tingi sum varamaður fyri Tórbjørn Jacobsen, og biður um, at næstvaldi eftir hana tekur sæti á tingi. Formaðurin heitti á Hergeir Nielsen, Rúna Hentze og Katrin Dahl Jakobsen um at kanna, hvør næstvaldur er á lista Tjóðveldisfloksins í Eysturoyar valdømi.

Fundur niðurlagdur kl. 13.40.
Fundur uppafturtikin kl. 13.45.

Hergeir Nielsen mælti til, vegna seg sjálvan, Rúna Hentze og Katrin Dahl Jakobsen, at Olaf í Garði Joensen tekur sæti á tingi fyri Tórbjørn Jacobsen.
Samtykt uttan atkvøðugreiðslu.

Til viðgerðar:

1. 2. viðgerð av tingmáli nr. 65/2002: Uppskot til løgtinglóg um broyting í løgtingslóg um almannapensjónir o.a.
   Broytingaruppskot frá minnilutanum í trivnaðarnevndini, Alfred Olsen og Suna Jacobsen, til § 1 fall 8-1-19. §§ 1 og 2 fullu 7-0-22. Málið sostatt fallið.
   Málið avgreitt.
   
2. 2. viðgerð av tingmáli nr. 84/2002: Uppskot til løgtingslóg um at veita trygd og bjóða á tvingsilssølu í sambandi við innkrevjingarmál.
   §§ 1 og 2 samtyktar 29-0-0. Uppskotið fer soleiðis samtykt til 3. viðgerð.
   
3. Karsten Hansen, landsstýrismaður, svaraði fyrispurningi nr. 100-33/2002 frá Heðin Mortensen, løgtingsmanni, viðvíkjandi løgtingslógini um meirvirðisgjald.
   Málið avgreitt.
   
4. Bjarni Djurholm, landsstýrismaður, svaraði fyrispurningi nr. 100-35/2002 frá Rúna Hentze, løgtingsmanni, viðvíkjandi lívfiskavirksemi í Sandoynni.
   Málið avgreitt.
   
5. Framløga.
   Formaðurin boðaði frá, at vinnunevndin hevur lagt fram álit II í tingmálunum nr. 69/2002: Uppskot til løgtingslóg um broyting í løgtingslóg um fast samband um Leirvíksfjørð, og nr. 88/2002: Uppskot til løgtingslóg um hald av útreiðslum í sambandi við størri vanlukkur, at fíggjarnevndin hevur lagt fram álit í tíngmálunum nr. 71-1/2002: Grannskoðan av almennum roknskapum: Húsalánsgrunnurin fyri fíggjarárið 2001, nr. 71-2/2002: Grannskoðan av almennum roknskapum: Íbúðagrunnurin fyri fíggjarárið 2001, nr. 71-3/2002: Grannskoðan av almennum roknskapum. Bjálvingarstuðulslánsgrunnurin fyri fíggjarárið 2001 og nr. 71-6/2002: Grannskoðan av almennum roknskapum: Landsroknskapin fyri fíggjarárið 2001, og at Kári P. Højgaard, løgtingsmaður, hevur lagt fram tingmál nr. 117/2002: Uppskot til løgtingslóg um broyting í løgtingslóg um ferðslu. Hesir tingmenn viðmæla, sambært § 54, stk. 2 í tingskipanini, at málið kann leggjast fram og fáa viðgerð: Jógvan á Lakjuni, Jógvan Arge, Finnur Helmsdal, Katrin Dahl Jakobsen, Kristian Magnussen, Heðin Zachariasen, Rúni Hentze, Henrik Old, Kári P. Højgaard, Jørgen Niclasen, Heðin Mortensen, Jógvan við Keldu, Poul Michelsen, Gerhard Lognberg, Alfred Olsen, Jenis av Rana, Finnleif Guttesen, Bárður Nielsen, Niklái Petersen, Kristina Háfoss, Olaf í Garði Joensen, Lisbeth L. Petersen, Vilhelm Johannesen og Sune Jacobsen.

Formaðurin setti næsta fund at verða mikudagin 2. apríl 2003, kl. 13.30 við hesi dagsskrá:

1. Ófráboðaðir fyrispurningar.
2. Framhaldandi 2. viðgerð av tingmáli nr. 69/2002: Uppskot til løgtingslóg um broyting í løgtingslóg um fast samband um Leirvíksfjørð.
3. 2. viðgerð av tingmáli nr. 92/2002: Uppskot til løgtingslóg um at veita stuðul til infrakervið á útoyggjum.
4. Framløga.

 Fundur lokin kl. 15.55.

Edmund Joensen
løgtingsformaður

/Marius Rein
skrivari