Ár 2002, týsdagin 24. september kl. 13.30, varð tingfundur settur.

Løgtingsmenninir Lisbeth L. Petersen, Tórbjørn Jacobsen, Andrias Petersen, Vilhelm Johannesen og Jógvan við Keldu og Birgit Kleis, ríkisumboðsmaður, vóru ikki á fundi.

1. 2. viðgerð av tingmáli nr. 4/2002: Uppskot til samtyktar um tilráðingar frá Norðurlandaráðnum í 2001 og um frágreiðing um virki ráðsins í 2001.
   Uppskot til samtyktar samtykt 24-1-0.
   Málið avgreitt.
   
2. 2. viðgerð av tingmáli nr. 5/2002: Uppskot til samtyktar um tilráðingar frá Útnorðurráðnum í 2001 og um frágreiðing um virki ráðsins í 2001.
   Uppskot til samtyktar samtykt 26-0-0.
   Málið avgreitt.
   
3. 1. viðgerð av tingmáli nr. 3/2002: Uppskot til løgtingslóg um útbygging av havnini í Vági.
   Málið beint í vinnunevndina.
   
4. 1. viðgerð av tingmáli nr. 1-3/2002: Uppskot til eykajáttanarløgtingslóg fyri september 2002.
   Málið beint í fíggjarnevndina.
   Tingmálini nr. 3/2002 og nr. 1-3/2002 vórðu viðgjørd undir einum.
   
5. Framløga.
   Formaðurin boðaði frá, at Henrik Old, løgtingsmaður, hevur lagt fram tingmál nr. 6/2002: Uppskot til samtyktar um troling innan fyri 12 fjórðingar úr strondum Føroya, at Gerhard Lognberg, vegna Javnaðarflokkin, hevur lagt fram tingmál nr. 7/2002: Uppskot til løgtingslóg um broyting í løgtingslóg um striking av skuld til Interkommunala Renovatiónsfelagsskapin, at Høgni Hoydal, landsstýrismaður, vegna landsstýrið, hevur lagt fram tingmálini nr. 8/2002: Uppskot til samtyktar um ILO sáttmála nr. 164 um heilsuvernd og læknaviðgerð av sjófólki, nr. 9/2002: Uppskot til samtyktar um Altjóða Sáttmálan um Oljudálkingartilbúgving, Atgerðir og Samstarv, 1990, nr. 10/2002: Uppskot til løgtingslóg um handilstiltøk mótvegis uppreistrarrørsluni UNITA í Angola, nr. 11/2002: Uppskot til løgtingslóg um handilstiltøk mótvegis Liberiu og nr. 12/2002: Uppskot til løgtingslóg um handilstiltøk mótvegis Sierra Leona.

Formaðurin boðaði frá hesum fyrispurningum:
Nr. 100-9/2002 til Bill Justinussen, landsstýrismann, frá Jógvan við Keldu, løgtingsmanni, viðvíkjandi sjúkrahúsverkinum,
nr. 100-10/2002 til Anfinn Kallsberg, løgmann, frá Kaj Leo Johannesen, løgtingsmanni, viðvíkjandi einskiljing av almennum fyritøkum,
nr. 100-11/2002 til Annlis Bjarkhamar, landsstýrismann í mentamálum, frá Jenis av Rana, løgtingsmanni, viðvíkjandi út- og nýbygging av miðnámsskúlunum,
nr. 100-12/2002 til Høgna Hoydal, landsstýrismann í lógamálum, frá Jenis av Rana, løgtingsmanni, viðvíkjandi skøkjulevnaði o.ø., og
nr. 100-13/2002 til Høgna Hoydal, landsstýrismann, frá Jógvan á Lakjuni, løgtingsmanni, viðvíkjandi navnalógini og kunngerð um uppkalling.

Formaðurin setti næsta fund at verða mikudagin, 25. september 2002, kl. 13.30, við hesi dagsskrá:

1. Munnligir fyrispurningar.
2. Atkvøðugreiðsla um fyrispurning nr. 100-9/2002 til Bill Justinussen, landsstýrismann, frá Jógvan við Keldu, løgtingsmanni, viðvíkjandi sjúkrahúsverkinum.
3. Atkvøðugreiðsla um fyrispurning nr. 100-10/2002 til Anfinn Kallsberg, løgmann, frá Kaj Leo Johannesen, løgtingsmanni, viðvíkjandi einskiljing av almennum fyritøkum.
4. Atkvøðugreiðsla um fyrispurning nr. 100-11/2002 til Annlis Bjarkhamar, landsstýrismann í mentamálum, frá Jenis av Rana, løgtingsmanni, viðvíkjandi út- og nýbygging av miðnámsskúlunum.
5. Atkvøðugreiðsla um fyrispurning nr. 100-12/2002 til Høgna Hoydal, landsstýrismann í lógamálum, frá Jenis av Rana, løgtingsmanni, viðvíkjandi skøkjulevnaði o.ø.
6. Atkvøðugreiðsla um Fyrispurning nr. 100-13/2002 til Høgna Hoydal, landsstýrismann, frá Jógvan á Lakjuni, løgtingsmanni, viðvíkjandi navnalógini og kunngerð um uppkalling.
7. Val av nevningagrundlistanevndum.
8. Svar upp á fyrispurning nr. 100-6/2002 til Bjarna Djurholm, landsstýrismann, frá Nikláa Petersen, løgtingsmanni, viðvíkjandi møguleikanum hjá sjófólki á fjarleiðum at hoyra Útvarp Føroya.
9. Svar upp á fyrispurning nr. 100-7/2002 til Bill Justinussen, landsstýrismann, frá Johan Dahl, løgtingsmanni, viðvíkjandi Sjúklingahotellinum HOTEL TÓRSHAVN í Keypmannahavn.
10. Framløga.

Fundur lokin kl. 15.40. 

Edmund Joensen
løgtingsformaður

/Marius Rein
skrivari