100-10 Fyrispurningur til Anfinn Kallsberg, løgmann og
landsstýrismann í fiskivinnumálum um sølu yvir uppboðssølu
Ár 1998, 13. november, boðaði formaðurin frá soljóðandi fyrispurningi frá Henrik Old, løgtingsmanni
Fyrispurningur
- Hvussu stórur partur av tí botnfiski, ið landaður er í Føroyum higartil í ár, er seldur yvir uppboðssølu?
- Hvussu stórur er hesin partur í mun til tað, ið selt varð yvir uppboðssølu í 1997 og 1996?
Viðmerkingar:
Í mars mánaði í ár fall lógin um íløgustuðul endaliga burtur og sostatt eisini kravið um, at 30% av veiðuni skuldi landast yvir eina uppboðssølu.
Ásannandi, at fleiri av smærru fiskavirkjunum, sum serliga sóðu dagsins ljós undir og eftir kreppuna, eru nógv bundin at tí fiski, tey kunnu keypa á uppboðssølu, er áhugavert at fáa fram, um møguleikin hjá hesum virkjum at fáa hendur á fiski er broyttur, eftir at kravið um, at ein partur av fiskinum skal seljast á uppboðssølu, er burtur.
Tí verður settur fram hesin fyrispurningur
Á tingfundi 17. november 1998 var uttan atkvøðugreiðslu samtykt at fyrispurningurin skal svarast.
Á tingfundi 16. december 1998 svaraði Jørgen Niclasen, landsstýrismaður í fiskivinnumálum, fyrispurninginum soleiðis
Svar:
Svar til spurning 1.
Nøgdin, sum her er nevnd undir "Uppboðssøla", er samlaða nøgdin, sum er seld yvir telefon- og gólvuppboðssøluna hjá Fiskamarknaði Føroya og telefonsøluna hjá lønjavningargrunninum, meðan "Onnur søla" er selt beinleiðis frá skipi til virkir og fiskakeyparar í Føroyum.
1998 (ikki talt við landingar av sild, makreli og ídnaðarfiski) | ||
Frá 01.01.98 til 30.09.98 | Nøgd í tonsum | % partur av samlað |
Uppboðssøla | 31.322 |
37,7 |
Onnur søla | 51.848 |
62,3 |
Íalt | 83.170 |
100 |
Svar til spurning 2.
Nøgdin, sum her er nevnd undir "Uppboðssøla", er samlaða nøgdin, sum er seld yvir telefon- og gólvuppboðssøluna hjá Fiskamarknaði Føroya og telefonsøluna hjá lønjavningargrunninum, meðan "Onnur søla" er selt beinleiðis frá skipi til virkir og fiskakeyparar í Føroyum.
1997 (ikki talt við landingar av sild, makreli og ídnaðarfiski) | ||
Frá 01.01.97 til 01.12.97 | Nøgd í tonsum | % partur av samlað |
Uppboðssøla | 40.581 |
40,8 |
Onnur søla | 58.977 |
59,2 |
Íalt | 99.558 |
100,0 |
1996 (ikki talt við landingar av sild, makreli og ídnaðarfiski) | ||
Frá 01.01.96 til 01.12.96 | Nøgd í tonsum | % partur av samlað |
Uppboðssøla | 33.866 |
38,3 |
Onnur søla | 54.471 |
61,7 |
Íalt | 88.337 |
100,0 |
Viðmerkingar
Nøgdin av fiski, sum verður seld á uppboðssølu, er ikki broytt munandi, eftir at lógin um at 30% av veiðuni skuldi landast yvir eina uppboðssølu, er endaliga burtur.
Hinvegin kann nøgdin, sum fer á uppboðssølu frá teimum ymisku økjunum í Føroyum verða ymisk nú, í mun til tá hvørt einkult skip seldi 30% á uppboðssølu.
Málið avgreitt.