58 Uppskot til løgtingslóg um gjaldførislán frá Føroya Landsstýri til Ríkisstjórn Íslands
A. Upprunauppskot
B. 1. viðgerð (Orðaskifti)
C. 2. viðgerð (Orðaskifti)
D. 3. viðgerð (Orðaskifti)
Ár 2008, 10. desember, legði Jóannes Eidesgaard, landsstýrismaður, fram soljóðandi
§ 1. Landsstýrismanninum verður heimilað at veita Ríkisstjórn Íslands gjaldførislán upp á 300 milliónir DKK.
§ 2. Henda løgtingslóg kemur í gildi dagin eftir, at hon er kunngjørd.
Kap. 1. Almennar viðmerkingar
Landsstýrið fer við hesum uppskoti at biðja Løgtingið um heimild at veita íslendsku stjórnini eitt gjaldførislán upp á 300 mió. DKK.
Endamálið er at medvirka til, at íslendska tjóðin kann vinna á íkomnu fíggjar- og búskaparkreppuni. Ætlanin er at læna íslendingum okkara kredittvirði við at veita eitt lán, har lánstreytirnar verða tær, sum Føroya landsstýri kann læna fyri.
Tílíkt átak er sjálvandi stuðul til íslendska fólkið, men er eisini álit á framtíðarmøguleikarnar hjá íslendingum og á, at føroyingar hava neyðugu styrkina til at medvirka í átakinum.
Á fundi í Reykjavík 18. november í ár undirskrivaðu íslendski fíggjarmálaráðharrin, Árni M. Mathiesen, og Jóannes Eidesgaard, landsstýrismaður, fyribils lánsavtalu “Letter of Intent”.
Í fyribilsavtaluni er avtalað, at lánsupphæddin skal verða 300 mió. DKK., at rentan verður ásett árliga til sama rentustig, sum Føroya landsstýri sjálvt lænir til, og at lánið verður avdráttarfrítt fyrstu 5 árini. Tá 5 ár eru liðin, verður avdráttarprofilurin avgjørdur. Rentustigið 1. árið verður 5,25%.
Kap. 2. Avleiðingar av uppskotinum
Fíggjarligar avleiðingar
A. Fyri landið
Uppskotið hevur fíggjarligar avleiðingar fyri landið við tað, at landsstýrið við hesum uppskoti fær heimild frá Løgtinginum at veita íslendsku stjórnini eitt gjaldførislán upp á 300 mió. DKK. Fyrstu árini fær landið bert rentu av láninum, men eftir 5 árum verður avtala gjørd um avdráttarprofil.
B. Fyri kommunurnar
Ongar avleiðingar.
C. Fyri vinnuna
Ongar avleiðingar.
Umsitingarligar avleiðingar
Uppskotið hevur ikki stórvegis umsitingarligar avleiðingar.
Umhvørvisligar avleiðingar
Uppskotið hevur ongar umhvørvisligar avleiðingar.
Avleiðingar fyri serstøk øki í landinum
Uppskotið hevur ongar avleiðingar fyri serstøk øki í landinum.
Sosialar avleiðingar
Uppskotið hevur ongar sosialar avleiðingar.
Avleiðingar í mun til altjóða avtalur og reglur
Uppskotið hevur ongar avleiðingar í mun til altjóða avtalur og reglur.
Yvirlit yvir avleiðingar
|
Fyri
landið/lands- |
Fyri |
Fyri |
Fyri
ávísar samfelagsbólkar/ |
Fyri vinnuna |
Fíggjarligar/ |
Ja |
Nei |
Nei |
Nei |
Nei |
Umsitingarligar |
Nei |
Nei |
Nei |
Nei |
Nei |
Umhvørvisligar |
Nei |
Nei |
Nei |
Nei |
Nei |
Avleiðingar í mun til altjóða avtalur og reglur |
Nei |
Nei |
Nei |
Nei |
Nei |
Sosialar |
|
|
|
Nei |
|
Kap. 3. Serligar viðmerkingar
Til § 1
Áseting um lánsupphædd.
Til § 2
Áseting um ígildiskomu.
Hesir tingmenn viðmæla, sambært § 54, stk. 2 í Tingskipanini, at málið kann verða lagt fram og fáa viðgerð:
Høgni Hoydal | Heðin Zachariasen | Rodmundur Nielsen | John Johannessen |
Jógvan á Lakjuni | Katrin Dahl Jakobsen | Kári P. Højgaard | Gerhard Lognberg |
Jenis av Rana | Karsten Hansen | Kári Petersen | Helgi Abrahamsen |
Bjørn Kalsø | Jaspur Vang | Bergtóra Høgnadóttir Joensen | Heini O. Heinesen |
Jákup Mikkelsen | Annita á Fríðriksmørk |
1. viðgerð 12. desember 2008. Málið beint beinleiðis til 2. viðgerð
2. viðgerð 17. desember 2008. Uppskotið samtykt 27-0-0. Uppskotið fer soleiðis samtykt til 3. viðgerð
Frávik samtykt 21-0-7
3. viðgerð 19. desember 2008. Uppskotið, sum samtykt við 2. viðgerð, endaliga samtykt 30-0-0. Málið avgreitt.
Ll.nr. 1 frá 22.12.2008