43 Uppskot til løgtingslóg um broyting í løgtingslóg um stuðul til ferðaútreiðslur
A. Upprunauppskot
B. 1. viðgerð (Orðaskifti)
C. Álit
D. 2. viðgerð (Orðaskifti)
E. 3. viðgerð (Orðaskifti)
Ár 2008, 2. desember, legði Jóannes Eidesgaard, landsstýrismaður, fram soljóðandi
§ 1
Í løgtingslóg nr. 93 frá 6. juni 1997 um stuðul til ferðaútreiðslur, sum seinast broytt við løgtingslóg nr. 41 frá 22. mai 2008, verða gjørdar hesar broytingar:
1) Í § 2, stk. 2, nr. 1 verður “10,00” broytt til: “8,45”.
2) Í § 2, stk. 2, nr. 2 verður “17,50” broytt til: “14,75”.
3) Í § 2, stk. 2, nr. 3 verður “24,00” broytt til: “20,25”.
4) Í § 2, stk. 2, nr. 4 verður “30,00” broytt til: “25,35”.
5) Í § 2, stk. 2, nr. 5 verður “35,00” broytt til: “29,60”.
6) Í § 2, stk. 2, nr. 6 verður “40,00” broytt til: “33,80”.
7) Í § 2, stk. 2, nr. 7 verður “45,00” broytt til: “38,00”.
8) Í § 2, stk. 2, nr. 8 verður “50,00” broytt til: “42,25”.
9) Í § 2, stk. 2, nr. 9 verður “55,00” broytt til: “46,50”.
10) Í § 2, stk. 2, nr. 10 verður “60,00” broytt til: “50,70”.
11) Í § 2, stk. 3, nr. 1 og 4 verður “10,00” broytt til: “8,45”.
12) Í § 2, stk. 3, nr. 2 og 3 verður “20,00” broytt til: “16,90”.
§ 2
Henda løgtingslóg kemur í gildi dagin eftir, at hon er kunngjørd, og hevur virknað frá 1. januar 2009.
Kap. 1. Almennar viðmerkingar
Landsstýrismaður í fíggjarmálum hevur tikið stig til at endurskoða løgtingslóg um stuðul til ferðaútreiðslur. Orsøkin er, at útreiðslur landskassans til stuðul til ferðaútreiðslur eru munandi øktar frá 2007 til 2008.
Kap. 2. Avleiðingar av uppskotinum
Fíggjarligar avleiðingar
Uppskotið hevur fíggjarligar avleiðingar fyri landið. Mett verður, at landskassans útreiðslur í 2009 koma at verða uml. 2,5 mió. kr. lægri, enn mett var í fíggjarlógaruppskotinum, ið lagt var fram 30. september. Hetta samsvarar við eina lækking upp á góð 15 %. Uppskotið hevur ongar fíggjarligar avleiðingar fyri kommunurnar.
Uppskotið hevur fíggjarligar avleiðingar fyri teir samfelagsbólkar, ið eru fevndir av uppskotinum, við tað at stuðul til ferðaútreiðslur verður lækkaður.
Umsitingarligar avleiðingar
Uppskotið hevur ongar umsitingarligar avleiðingar.
Umhvørvisligar avleiðingar
Uppskotið hevur ongar umhvørvisligar avleiðingar.
Sosialar avleiðingar
Uppskotið hevur ongar sosialar avleiðingar.
Avleiðingar í mun til altjóða avtalur og reglur
Uppskotið hevur ongar avleiðingar í mun til altjóða avtalur og reglur.
Yvirlit yvir avleiðingar
|
|
Fyri landið/lands- |
Fyri |
Fyri |
Fyri ávísar
samfelagsbólkar/ |
Fyri vinnuna |
|
Fíggjarligar/ |
Ja |
Nei |
Nei |
Ja |
Nei |
|
Umsitingarligar |
Nei |
Nei |
Nei |
Nei |
Nei |
|
Umhvørvisligar |
Nei |
Nei |
Nei |
Nei |
Nei |
|
Avleiðingar í mun til altjóða avtalur og reglur |
Nei |
Nei |
Nei |
Nei |
Nei |
|
Sosialar |
|
|
|
Nei |
|
Kap. 3. Serligar viðmerkingar
Til § 1
Stuðulsupphæddirnar verða lækkaðar við góðum 15 prosentum.
Til § 2
Áseting um ígildiskomu
Hesir tingmenn viðmæla sambært § 54, stk. 2 í tingskipanini, at málið kann verða lagt fram og fáa viðgerð
| John Johannessen | Eyðgunn Samuelsen | Mikkjal Sørensen | Gerhard Lognberg |
| Katrin Dahl Jakobsen | Bjarni Djurholm | Óli Breckmann | Heðin Zachariasen |
| Poul Michelsen | Helgi Abrahamsen | Andrias Petersen | Jógvan á Lakjuni |
| Jákup Mikkelsen | Anfinn Kallsberg | Jaspur Vang | Bjørn Kalsø |
| Edmund Joensen | Magni Laksáfoss |
1. viðgerð 10. desember 2008. Málið beint í Fíggjarnevndina, sum tann 18. desember 2008 fram soljóðandi
Landsstýrið hevur lagt málið fram tann 2. desember 2008, og eftir 1. viðgerð 10. desember 2008 er tað beint Fíggjarnevndini.
Nevndin hevur viðgjørt málið á fundi 16. desember 2008.
Nevndin hevur býtt seg í ein meiriluta og ein minniluta.
Meirilutin (Anfinn Kallsberg, Tórbjørn Jacobsen, Magni Laksáfoss, Bjørn Kalsø og Bill Justinussen) heldur tað ikki vera rætt at lækka gjaldið lutfalsvís eins nógv frá øllum bólkum, men heldur, at lækkingin eigur at verða býtt við somu upphædd fyri øll og hevur tí broytt uppskotið frá landsstýrinum soleiðis, at allar upphæddirnar, sum ásettar eru í lógini, verða lækkaðar við kr. 4,50, og setir tí fram soljóðandi:
b r o y t i n g a r u p p s k o t
1) Í § 1, nr. 1 verður ”8,45” broytt til ”5,50”.
2) Í § 1, nr. 2 verður ”14,75” broytt til ”13,00”.
3) Í § 1, nr. 3 verður ”20,25” broytt til ”19,50”.
4) Í § 1, nr. 4 verður ”25,35” broytt til ”25,50”.
5) Í § 1, nr. 5 verður ”29,60” broytt til ”30,50”.
6) Í § 1, nr. 6 verður ”33,80” broytt til ”35,50”.
7) Í § 1, nr. 7 verður ”38,00” broytt til ”40,50”.
8) Í § 1, nr. 8 verður ”42,25” broytt til ”45,50”.
9) Í § 1, nr. 9 verður ”46,50” broytt til ”50,50”.
10) Í § 1, nr. 10 verður ”50,70” broytt til ”55,50”.
Ein minniluti (Annita á Fríðriksmørk) tekur undir við málinum og mælir Løgtinginum til at samtykkja tað.
Frávik samtykt 21-0-7
2. viðgerð 19. desember 2008. Broytingaruppskot frá meirilutanum í Fíggjarnevndini, Anfinni Kallsberg, Tórbjørn Jacobsen, Magna Laksáfoss, Bjørn Kalsø og Bill Justinussen samtykt 23-0-7. Uppskotið soleiðis broytt samtykt 24-0-6. Uppskotið fer soleiðis samtykt til 3. viðgerð.
3. viðgerð 19. desember 2008. Uppskotið, sum samtykt við 2. viðgerð, endaliga samtykt 23-0-6. Málið avgreitt.
Ll.nr. 125 frá 22.12.2008