1 Uppskot til løgtingslóg um broyting í løgtingslóg um meirvirðisgjald
A. Upprunauppskot
B. 1. viðgerð (Orðaskifti)
C. Álit
D. 2. viðgerð (Orðaskifti)
Ár 2008, 11. februar, legði Kristina Absalonsen, vegna 10. flokk á Ziskatrøð, fram soljóðandi
til
løgtingslóg um broyting í løgtingslóg um meirvirðisgjald
§ 1.
Í løgtingslóg nr. 136 frá 8. september 1992 um meirvirðisgjald, sum seinast broytt við løgtingslóg nr. 66 frá 7. juni 2007, verður gjørd henda broyting:
1) Sum § 12, stk. 1, litra l verður sett: “Frukt og grønmeti.”
§ 2.
Henda løgtingslóg kemur í gildi 1. mars 2008.
Viðmerkingar:
Endamálið við uppskotinum er at undantaka frukt og grønmeti frá meirvirðisgjaldslógini, so meirvirðisgjald ikki verður lagt oman á prísin, tá fólk keypa hetta í handlunum. Heldur enn at hækka prísin og/ella avgjald á ósunnum vørum, so halda vit, at tað eisini er skilagott, at meirvirðisgjald ikki verður lagt á frukt og grønmeti.
Vit halda fleiri orsøkir vera til at gera hetta, serliga tá hugsað verður um, hvørjar positivar avleiðingar kunnu standast av uppskotinum:
Vit hava spurt viðkomandi myndugleikar og ein handil um ætlanina at undantaka frukt og grønmeti frá meirvirðisgjaldslógini.
Hans Pauli Strøm, landsstýrismaður í almanna- og heilsumálum, helt, at peningur eigur at verða settur av til frukt og grønmeti á fíggjarlógini. Hann hevði bara bara gott at siga um broytingina um at lækka avgjaldið á frukt.
Pál Weihe, yvirlækni, helt tað vera frálíkt at fáa prísin á frukt niður, tí so fara fólk at eta meira frukt.
Ein ónevndur handilsmaður í Klaksvík sigur, at hann hevur lækkað prísin á frukt nógv og vil fegin lækka prísin á grønmeti enn meira, men hetta letur seg ikki gera fíggjarliga.
1. viðgerð 11. februar 2008. Málið beint í Fíggjarnevndina, sum tann 12. februar legði fram soljóðandi
Kristina Absalonsen hevur vegna 10 flokk á Ziskatrøð lagt málið fram 11. februar 2008, og eftir 1. viðgerð er tað beint Fíggjarnevndini.
Nevndin hevur viðgjørt málið á fundi 11. februar 2008.
Nevndin tekur undir við endamálinum í uppskotinum, men sær onga trygd fyri at frugt verður bíligari at keypa. Nevndin heldur, at landsstýrismaðurin ístaðin eigur arbeiða fyri, at børn fáa ókeypis/bíligari frugt í skúlanum.
Ein samd nevnd tekur ikki undir við málinum, og mælir Ungdómstinginum frá at samtykkja uppskotið.
2. viðgerð 12. februar 2008. Uppskotið fall 13-20-0. Málið avgreitt.