Ófráboðaðir fyrispurningar

Sbr. tingskipanini § 52 kann løgtingsformaðurin av og á seta ófráboðaðar spurningar til løgmann og landsstýrismenn á dagsskránna. Løgtingsmenn kunna tá uttan fráboðan seta løgmanni og landsstýrismonnum spurning, sum teir skulu svara beinanvegin. Løgmaður og landsstýrismaður kunnu boða frá, at teir ikki fáa svarað beinanvegin, men vísa spyrjaranum til at seta spurningin fram av nýggjum eftir stk.2 og 3 ella § 53. Ófráboðaðir spurningar skulu saman við møguligum viðmerkingum kunna setast fram innan fyri talutíð upp á 1 minutt. Løgtingsmaður kann bara seta fram ein høvuðsspurning. Svarið frá løgmanni ella landsstýrismanni má bert vara 2 minuttir. Spyrjarin kann síðan fáa orðið aftur 1 ferð í 1 minutt. Aðrir tingmenn kunnu fáa orðið í mesta lagi 1 ferð í 1 minutt. Løgmaður ella landsstýrismaður kunnu fáa orðið í 1 minutt eftir hvønn tingmann, sum tekur orðið. Ófráboðaðir spurningar kunnu í mesta lagi vara tilsamans ein ½ tíma, og má hvør spurningur í mesta lagi vara í 10 minuttir.

Orðaskifti við ófráboðaðum fyrispurningum hava higartil verið hesar dagar í tingsetuni:
Mikudagin 18.oktober 2006
Mikudagin 29. november 2006
Mikudagin 31. januar 2007
Mikudagin 28. februar 2007
Mikudagin 18. apríl 2007 (Upptøkan riggar ikki)