19 Uppskot til løgtingslóg um broyting í løgtingslóg um serligt avgjald á brenniolju
A. Upprunauppskot
B. 1. viðgerð
C. Orðaskifti við 1. viðgerð
D. Álit
E. 2. viðgerð (Einki orðaskifti)
F. 3. viðgerð (Einki orðaskifti)
Ár 2005, 3. november, legði Bárður Nielsen, landsstýrismaður, vegna landsstýrið fram soljóðandi
§ 1
Í løgtingslóg nr. 179 frá 18. desember 1992 um serligt avgjald á brenniolju, sum seinast er broytt við løgtingslóg nr. 121 frá 1. desember 2003, verður henda broyting gjørd:
§ 1, stk. 1, 2. pkt. verður orðað soleiðis:
“Vøran er nevnd í Toll- og vøruskránni undir vørunumrum 2710.19.61, 2710.19.62 og 2710.19.69”
§ 2
Landsstýrismaðurin í fíggjarmálum leggur við hesum lógaruppskoti fram broytingar til løgtingslóg um serligt avgjald á brenniolju. Broytingin er ein fylgibroyting av tí, at vørunumrini eru broytt í Toll- og vøruskránni.
Mett verður ikki, at lógaruppskotið hevur fíggjarligar avleiðingar fyri landið, kommunur ella vinnuna. Tollsatsirnir, sum eru í hesum lógaruppskoti, eru ikki broyttir, tann einasta broytingin, ið verður gjørd við hesum uppskotinum, er, at nýggj vørunummur verða sett inn í Toll- og vøruskránna.
Eiheildur hevur uppskotið nakrar umsitingarligar ella umhvørvisligar avleiðingar við sær. Ongar avleiðingar eru í mun til altjóða avtalur og reglur fyri landið, kommunur, ávísar samfelagsbólkar ella vinnuna. Heldur ikki verða sosialar avleiðingar fyri ávísar samfelagsbólkar.
|
Fyri landið/lands- myndugleika |
Fyri kommunalar myndugleikar |
Fyri pláss/øki í landinum |
Fyri ávísar sam-felagsbólkar/ felagsskapir |
Fyri vinnuna |
Fíggjarligar/ búskaparligar avleiðingar |
Nei |
Nei |
Nei |
Nei |
Nei |
Umsitingarligar avleiðingar |
Nei |
Nei |
Nei |
Nei |
Nei |
Umhvørvisligar avleiðingar |
Nei |
Nei |
Nei |
Nei |
Nei |
Avleiðingar í mun til altjóða avtalur og reglur |
Nei |
Nei |
Nei |
Nei |
Nei |
Sosialar avleiðingar |
|
|
|
Nei
|
|
Kapittul 3. Serligar viðmerkingar
Broytingin er ein fylgibroyting av, at vørunumrini eru broytt í Toll- og vøruskránni.
Eingin viðmerking.
1. viðgerð 10. november 2005. Tingmálini nr. 19, 20 og 22/2005 vórðu viðgjørd undir einum og beind í fíggjarnevndina, sum tann 16. november 2005 legði fram soljóðandi
Landsstýrið hevur lagt málið fram tann 3. november 2005, og eftir 1. viðgerð tann 10. november er tað beint fíggjarnevndini.
Nevndin hevur viðgjørt málið á fundum tann 15. og 16. november 2005.
Fíggjarnevndin sær hesa broyting sum eina fylgibroyting av tí, at vørunumrini eru broytt í Toll- og vøruskránni.
Ein samd nevnd tekur tí undir við málinum og mælir Løgtinginum til at samtykkja uppskotið.
2. viðgerð 2. desember 2005. §§ 1 og 2 samtyktar 21-0-0. Uppskotið fer soleiðis samtykt til 3. viðgerð.
3. viðgerð 6. desember 2005. Uppskotið, sum samtykt við 2. viðgerð, endaliga samtykt 31-0-0. Málið avgreitt
Ll.nr. 132 frá 9/12-05