A. Upprunauppskot
B. 1. viðgerð
C. Orðaskifti við 1. viðgerð (riggar lutvíst)
D. Álit
E. 2. viðgerð
F. Orðaskifti við 2. viðgerð
G. 3. viðgerð
H. Orðaskifti við 3. viðgerð

Ár 2005, 18. november, legði Bárður Nielsen, landsstýrismaður, vegna landsstýrið fram soljóðandi

Uppskot

til

eykajáttanarløgtingslóg

fyri november 2005

Høvuðsyvirlit

 Tekstur

§ 3 Fíggjarmál

A. Yvirlit

B. Játtanir

§ 6 Vinnumál

A. Yvirlit

B. Játtanir

§ 8 Almanna- og heilsumál

A. Yvirlit

B. Játtanir

§ 15 Innlendismál

A. Yvirlit

 B. Játtanir

§ 20 Inntøkur

A. Yvirlit

B. Játtanir

Almennar viðmerkingar

Hjálagt er fjórða eykajáttanaruppskotið frá landsstýrinum, sum verður lagt fyri Løgtingið fyri fíggjarárið 2005. Samlaði kostnaðurin av uppskotinum er 15,2 mió. kr.

Eykajáttanin kann greinast soleiðis:

• Rakstrarjáttan             2.900 tús. kr.

• Lógarbundin játtan   12.842 tús. kr.

• Løgujáttan                  2.443 tús. kr.

• Onnur játtan             11.500 tús. kr.

• Tilsamans                 6.685 tús kr.

Tilsamans hava eykajáttanir, íroknað fíggjarnevndarskjøl, higartil í ár verið fyri 58.591 tús. kr.

Á § 3 Fíggjarmál verður biðið um 2,5 mió. kr. til játtanina til Umsiting av ogn og skuld landsins.

Á § 6 Vinnumál verður biðið um, at játtanin til Djóralæknatænastur verður hækkað við 280 tús. kr., og at játtanin til Fiskasjúkutænastur verður lækkað við 280 tús. kr. Eisini verður biðið um, at játtanin til Nýggjar landsvegir verður lækkað við 5 mió. kr., sum verða fluttar til nýggja játtan til Hovstunnilin. Harumframt verður biðið um, at játtanin til at umskipa Postverk Føroya til partafelag verður lækkað við 8,5 mió. kr.

Á § 8 Almanna- og heilsumál verður biðið um, at játtanin til Eftirlønir verður hækkað við 405 tús. kr. Eisini verður biðið um, at játtanin til Barnavernd verður hækkað við 1.907 tús. kr., og at játtanin til Ættleiðingarstuðul verður hækkað við 100 tús. kr. Til játtanina Bústovnur, serforsorg verður biðið um netto 7.443 tús. kr. Harumframt verður biðið um, at játtanin til Ansingarsamsýning verður lækkað við 500 tús. kr., og at játtanin til Vanliga forsorg verður hækkað við 1.930 tús. kr.

Á § 15 Innlendismál verður biðið um, at játtanini til Innlendismálaráðið verður hækkað við 400 tús. kr.

Á § 20 Inntøkur verður biðið um, at játtanin til Rentur at gjalda verður hækkað við 2,5 mió. kr., og at 8 mió. kr. verða játtaðar til Útgoldið yvirskot frá Landsbanka Føroya.

Viðmerkingar

§ 3 Fíggjarmál

3.15.1. Fíggjarfyrisiting v.m.

3.15.1.23. Umsiting av ogn og skuld landsins (Rakstrarjáttan)

Av tí, at umskipanin av Hagstovu Føroya og Landsbanka Føroya ikki verður gjøgnumførd í ár, verður neyðugt at játta pening til umsiting av ogn og skuld landsins. Vanliga er brúk fyri umleið 1,9 mió. kr., men eftirsum ein lánsumlegging fer fram afturat síðst í hesum árinum, verður mett, at játtanin skal verða 2,5 mió. kr.

Sundurgreinað ætlan

§ 6 Vinnumál

6.33.1. Djóralæknatænastur

6.33.1.04. Djóralæknatænastur (Rakstrarjáttan)

Játtanin verður nýtt til at veita samsýning til djóralæknar, sum veita tænastur fyri tað almenna at basa djórasjúkum.

Virksemið innan økið hevur verið størri enn roknað var við, og verður tí tørvur á at veita eina eykajáttan upp á 280 tús. kr. til endamálið, soleiðis at játtanin verður 1,38 mió. kr.

Onki verður eftir av játtanini til tænastur umleið tveir teir seinastu mánaðirnar í 2005, og verður tí onki endurgjald veitt til djóralæknarnar, fyrr enn eykajáttan fyriliggur. Tað merkir at virkemið steðgar í tíðarskeiðnum, ella at viðskiftafólk sjálvi skulu gjalda fyri tænasturnar.

Sundurgreinað ætlan

6.36.1. Ymsar útreiðslur

6.36.1.07. Fiskasjúkutænastur (Rakstrarjáttan)

Nýtslan á undirkontuni til basan av fiskasjúkum verður nakað lægri, enn roknað var við, og verður tí mælt til at lækka játtanina við 280 tús. kr.

Sundurgreinað ætlan

6.38.1. Vegir og havnir

6.38.1.07. Nýggir landsvegir (Løgujáttan)

Landsverk upplýsir, at tørvur verður ikki á allari játtanini til tunnilsgerðina millum Øravík og Hov í 2005, tí farið varð undir arbeiðið seinri enn ætlað.

Mælt verður tí til at lækka játtanina á høvuðskontuni við 5,0 mió. kr., soleiðis at játtanin verður 70,8 mió. kr. í 2005. Upphæddin upp á 5 mió. kr. verður flutt til høvuðskontu 6.38.1.08. Hovstunnilin (Onnur játtan).

Sundurgreinað ætlan

 6.38.1.08. Hovstunnilin (Onnur játtan)

Eftir uppskoti til løgtingslóg um tunnil millum Øravík og Hov, sum er lagt fyri Løgtingið, verður heimilað landsstýrismanninum at stovna partafelag, hvørs endamál verður at gera tunnil millum Øravík og Hov og hartil hoyrandi vegagerð. Felagið skal eisini hava rakstur av tunlinum um hendur.

Í fyrstu syftu fíggjar partafelagið verkætlanina og ber tí eftir ætlan útreiðslurnar til at gera alt arbeiðið liðugt til seinast í 2007, tá tunnilin verður latin upp fyri almennari ferðslu, og útreiðslurnar til at reka tunnilin, til hann verður latin landinum.

Partabrøv felagsins verða ogn landsins. Peningur verður játtaður á løgtingsfíggjarlógunum til at hækka partapeningin í felagnum næstu árini fram til (og við) 2012. Tá landið hevur endurgoldið felagnum allar útreiðslur sínar, verður alt verklagið avhendað landinum til ognar uttan viðurlag.

Landsverk er í løtuni byggiharri, og eru byggiútreiðslurnar til verkætlanina mettar at verða í mesta lagi 150 mió. kr. Landsverk upplýsir, at stovnurin væntandi fer at nýta umleið 12 mió. kr. til verkætlanina í ár, og um hendan eykajáttanin verður veitt, kann Landsverk arbeiða víðari fyri allar tær 20 mió. kr., sum skotið verður upp at játta í fíggjarlógaruppskotinum fyri 2006. Á henda hátt fær partafelagið stundir til at fáa neyðuga fígging upp á pláss, áðrenn partafelagið tekur yvir sáttmálan við Ístak. Eftir verða sostatt umleið 118 mió. kr. í byggiútreiðslum, sum partafelagið skal fíggja. Harumframt verður fíggingarkostnaður, sum brutto verður mettur til umleið 14 til 18 mió. kr., og útreiðslur til at reka tunnilin og partafelagið. Ilt er at meta um rentuútreiðslurnar, fyrr enn tað er greitt, hvørjar lánitreytirnar hjá partafelagnum verða. Sostatt verður neyðugt at játta felagnum umleið 143 mió. kr. í alt á komandi løgtingsfíggjarlógum fram til og við 2012.

Eftir ætlan verður partafelagið stovnað í ár. Mælt verður til at veita eina eykajáttan upp á 5 mió. kr. til "P/F Hovstunnilin". Upphæddin verður sett í felagið sum partapeningur.

Sundurgreinað ætlan

6.38.3. Samskifti

6.38.3.02. Postverk Føroya, umskipað til partafelag (Onnur játtan)

Lógaruppskot er lagt fyri Løgtingið, sum frítekur P/F Postverk Føroya at gjalda MVG í trý ár av tí virkseminum, har ongin kapping er (postvirksemi). Innskotið til P/F Postverk Føroya, sum varð játtað við eykajáttanarlógini fyri mars 2005, verður tí lækkað við 8,5 mió. kr., sum skuldi verða endurgjald fyri MVG.

Sundurgreinað ætlan

§ 8 Almanna- og heilsumál

8.20.3. Sjúkrahúsverkið v.m.

8.20.3.17. Eftirlønir innan heilsuverkið (Lógarbundin játtan)

Framrokningar av eftirlønum til tænastumenn vísa, at neyðugt verður við 405 tkr. í eykajáttan. Orsøkin til hetta er, at nakrir persónar afturat eru komnir í skipanina í heyst.

Sundurgreinað ætlan

8.21.3. Barnastuðul

8.21.3.01. Barnavernd (Lógarbundin játtan)

Framrokningar vísa, at neyðugt verður við einari eykajáttan til barnavernd vegna frípláss og tilmæli frá barnaverndarnevndum, netto 1.907 tkr.  

Frípláss
Sambært nýggjum metingum verða útreiðslurnar fyri frípláss alt árið umleið 1.500 tkr., ella umleið 564 tkr. minni enn væntað.

Tilmæli frá barnaverndarnevndum
Tað er ringt at meta um, hvussu útreiðslurnar verða viðvíkjandi barnavernd, sjálvt um stutt tíð er eftir av árinum. Útreiðslurnar frá januar til september í ár eru 18,8% hægri enn fyri sama tíðarskeið í 2004. Tað eru serliga útreiðslur til stuðlar, sum eru vaksnar nógv, men eisini aðrar útreiðslur vaksa, millum annað løn til fosturforeldur og løn til stuðlar hjá Tórshavnar og Klaksvíkar kommunum. Íalt verður neyðugt við einari eykajáttan á 2.471 tkr. til hesa undirkontu.

Sundurgreinað ætlan

8.21.3.13. Ættleiðingarstuðul (Lógarbundin játtan)

Trupult er at meta um útreiðslurnar á hesi játtan. Orsøkin er, at tað er óvist, nær børnini, ið verða ættleidd, koma til Føroyar. Sambært upplýsingum frá Ríkisumboðnum viðvíkjandi væntaða talinum av ættleiddum børnum í ár verður mett, at neyðugt er við eini eykajáttan uppá 100 tkr.

Sundurgreinað ætlan

8.21.6. Eldri og brekað

8.21.6.02. Bústovnar o.a. (Løgujáttan)

Landsgrannskoðanin hevur fleiri ferðir víst á, at Sjálvsognarstovnurin Sambýlir átti at staðið á fíggjarlógini. Landsstýrismaðurin hevur tikið áheitanina til eftirtektar, men tá ið høvuðskontur eru, sum hava sama endamál sum Sjálvsognarstovnurin, ætlar landsstýrismaðurin at avtaka Sjálvsognarstovnin Sambýlir og Sjálvsognarstovnin á Mýrini/Grønlandsvegi, umframt at gera neyðugar rakstrarbroytingar á fíggjarlógaruppskotinum fyri 2006 á høvuðskontu 8.11.1.18. Viðlíkahald og 8.21.6.01. Serforsorg.

Við avtøkuni av sjálvsognarstovnunum verður restskuld fyri keyp av bygningunum afturgoldin. Líknandi keyp av bygningum til alment virksemi verða vanliga fíggjað við játtan á fíggjarlóg. Av tí, at meginparturin av keypinum av umrøddu bygningum ikki er fíggjaður yvir fíggjarlógina, men bert lánsgjøld, so verður mett, at restskuldin skal takast við sum útreiðslujáttan.

Tølini eru seinast dagførd til uppskotið til eykajáttan síðst í 2004. Tá varð metta virðið á ognunum umleið 13,3 mió. kr., og skuldin hjá sjálvsognarstovnunum umleið 9,2 mió. kr., umframt tøkur peningur á umleið 2,2 mió. kr. Roknað varð tá við, at umleið 5,9 mió. kr. fóru at fella aftur í landskassan. Tí varð biðið um eina netto eykajáttan á 7,4 mió kr. Almanna- og heilsumálaráðið er nú farið undir at kanna viðurskiftini og at dagføra tølini.

Sundurgreinað ætlan

8.21.6.10. Ansingarsamsýning (Lógarbundin játtan)

Vøksturin í útreiðslunum frá 2004 til 2005 er 3,2%. Íalt eru 68% brúkt av játtanini. Sambært nýggjastu metingunum verður útreiðslan íalt umleið 11.100 tkr. í hesum árinum, ella 500 tkr. minni enn upprunaliga mett í fíggjarlógini.

Sundurgreinað ætlan

8.21.7. Sosialar skipanir

8.21.7.01. Vanlig forsorg (Lógarbundin játtan)

Nýggjastu metingarnar vísa, at neyðugt verður við eini eykajáttan á 1.930 tkr. afturat uppskotinum til eykajáttan fyri september 2005.

Stakútreiðslur § 15
Í eykajáttanaruppskotinum fyri september 2005 varð mælt til, at játtanin til § 15 vanlig forsorg minkaði við 1.329 tkr. vegna væntandi minninýtslu. Nýggjar framrokningar og metingar vísa, at tørvur verður á at minka hetta avlopið, og verður tí neyðugt at hækka játtanina til hesa undirkontu við 400 tkr.

Meirútreiðslur brekað barn § 17
Nýggjastu framrokningar vísa, at neyðugt verður við hægri eykajáttan til hetta endamálið, enn mett varð í eykajáttanaruppskotinum fyri september 2005. Útreiðslurnar til stuðlar eru øktar, og aðrar útreiðslur, sum vaksa nógv, eru endurgjald fyri inntøkumiss, heilivág og aðrar sjúkraútreiðslur. Neyðugt verður við eykajáttan á 1.530 tkr. til hetta endamálið afturat umbønini um eykajáttan fyri september 2005.

Sundurgreinað ætlan

§ 15 Innlendismál

15.11.1. Fyrisiting

15.11.1.39. Innlendismálaráðið (Rakstrarjáttan)

Biðið verður um eina eykajáttan áljóðandi 400 tkr. til dagføring av Landsfólkayvirlitinum. Henda játtan er ein avleiðing av norðurlendska sáttmálanum um fólkayvirlit (løgtingsmál nr. 28/2005).

Hesar 400 tús. kr., sum er meting, gjørd av veitaranum, skulu nýtast til at gera eina elektroniska samskiftisskipan at nýta í samskiftinum millum Landsfólkayvirlitið og hini norðurlendsku fólkayvirlitini. Skulu Føroyar vera við frá byrjan, má henda skipan gerast í ár, soleiðis at vit kunnu vera við í royndarkoyringum og tillagingum. Uttan hesa skipan ber ikki til at taka undir við norðurlendska sáttmálanum um flyting, sum ætlandi skal koma í gildi 1. apríl 2006. Samstundis fer tá úr gildi verandi norðurlendska avtalan um fólkaskráseting.

Sundurgreinað ætlan