Revsilsisrættur

1 Uppskot til løgtingslóg um at avtaka revsilsisrættin

A. Upprunauppskot
B. 1. viðgerð
C. Orðaskifti til 1. viðgerð
D. Álit
E. 2. viðgerð
F. Orðaskifti við 2. viðgerð

Ár 2006, 6. februar, legði Eyðin Djurhuus, vegna næmingar frá 9. a í Eysturskúlanum í Havn fram soljóðandi

Uppskot

til

løgtingslóg um at avtaka revsilsisrættin

§ 1. Tað er strangliga bannað at sláa børn síni. Sjálvt tá talan er um varisliga likamliga revsing, sum er partur av uppalingini.

§ 2. Tann, sum slær barn sítt, skal hava eina ávaring, og kravt verður, at viðkomandi kemur í viðgerð og fær frálæru í uppaling og konfliktloysing.

§ 3. Um myndugleikarnir verða varugir við, at harðskapurin ímóti barninum heldur fram, kann stig takast til, at heimið ikki er egnað til børn, og kunnu børnini verða sett í familjupleygu.

§ 4. Henda løgtingslóg fær gildi dagin eftir, at hon er kunngjørd.

Viðmerkingar til lógaruppskotið:

Endamálið við lógaruppskotinum er at senda eitt signal til øll føroysk foreldur um, at tað verður ikki góðtikið, at likamlig revsing er partur av uppalingini. Eiheldur varislig likamlig revsing.

Í Føroyum er loyvt at sláa børn síni, tá hettar verður mett sum partur av uppalingini. Tað er ein gomul donsk lóg, sum loyvir hesum. Henda lóg er broytt í Danmark, men bleiv ikki broytt í Føroyum samstundis. Tí er enn loyvt at harta børn síni við varisligari likamligari revsing í Føroyum.

Argumentir ímóti at sláa børn:

Tað er ósunt fyri børnini at verða sligin!
Børnini læra, at harðskapur er ein háttur at loysa trupulleikar/konfliktir uppá!
Børn eru veikari og kunnu ikki verja seg!
Hvar er markið fyri, nær talan er um harðskap og um varisliga likamliga revsing?
Børnini missa sjálvsálitið og fáa sálarlig arr!
Barnarættindasáttmálin er eisini galdandi fyri føroysk børn!
Er talan um revsing, um hon er likamliga varislig?
Heldur skulu foreldur práta við barnið og greiða frá um rangt og rætt!
Tað er loyvt at sláa børn, men ikki djór og vaksin fólk!?
Hví skula vaksin sláa børn, tá tað ikki er loyvt hjá vaksnum at sláa vaksin?
Foreldrini eiga at verja barnið – barnið er ikki teirra ogn, tí fólk kunnu ikki eigast
Børn hava rætt til virðiliga viðferð
Sambandið millum foreldur og barn verður merkt av ótryggleika!
Vaksin, sum sláa børn, skulu á skeið í at vera foreldur!
Tað er mannminkandi og eyðmýkjandi at verða sligin, bæði hjá vaksnum og børnum
Tað er tekin um veikleika ikki at kunna práta eitt barn í lag
Tað er tekin um autoritéran uppalingarhátt at sláa børnini – tað er ódemokratiskt
Foreldur skulu ikki missa tamarhaldið – tá eru tey vánaligar fyrimyndir fyri børnini
Í øllum hinum norðurlondunum er revsilsisrætturin avtikin:

Svøríki í 1979

Noregi í 1987

Finnland í 1983

Danmark í 1997

1. viðgerð 06.02.2005. Málið beint í trivnaðarnevndina, sum tann 7. februar leg´ði fram soljóðandi

Álit

9.a í Eysturskúlanum hevur lagt málið fram tann 6. februar 2006, og eftir 1. viðgerð er tað beint trivnaðarnevndini.

Nevndin hevur viðgjørt málið á fundi tann 6. februar 2006.

Ein samd nevnd tekur undir við uppskotinum og mælir Ungdómstinginum til at samtykkja tað.

2. viðgerð 7. februar 2006. Uppskotið samtykt 28-1-0. Málið avgreitt.