1-3 Uppskot til eykajáttanarløgtingslóg fyri august 2004-2

A. Upprunauppskot
B. 1. viðgerð
C. Orðaskifti við 1. viðgerð (riggar ikki)
D. Nevndarskjøl
E. Álit
F. 2. viðgerð
G. Orðaskifti við 2. viðgerð
H. 3. viðgerð (Einki orðaskifti)

Ár 2004, 12. august, legði Bárður Nielsen, landsstýrismaður, vegna landsstýrið fram soljóðandi

Uppskot

til

eykajáttanarløgtingslóg

fyri august 2004 - 2 

Høvuðsyvirlit

§ 2. Løgmansfyrisiting v.m.

2.11.1. Fyrisiting
2.11.1.21. Umbygging í Tinganesi (Løgujáttan)
2.11.1.40. Grundlógarnevndin (Rakstrarjáttan)

§ 5. Fiskivinna

5.34.2. Tænasta og eftirlit
5.34.2.01. Fiskiveiðieftirlit, Vaktar- og bjargingartænastan (Rakstrarjáttan)

5.34.4. Studningur til vinnur
5.34.4.16. Fiskivinnumenning á landi

§ 6.Vinnumál

6.33.2. Landbúnaðarstudningur
6.33.2.03. Búnaðarstovan (Rakstrarjáttan)

§ 7. Útbúgving og gransking

7.23.5. Fólkaupplýsing
7.23.5.07. Frítíðarundirvísing (Rakstrarjáttan)
7.23.5.10. Musikkskúlar (Rakstrarjáttan)

7.24.6. Ítróttur
7.24.6.12. Ítróttaranlegg

Almennar viðmerkingar

Hjálagt er fyrsta eykajáttanaruppskot frá landsstýrinum, sum lagt verður fyri Løgtingið fyri fíggjarárið 2004. Uppskotið er útreiðsluneutralt.

Eykajáttanirnar kunnu eisini greinast soleiðis:

• Løgujáttan ……….……....…………          -250 tús. kr.
• Onnur játtan………………………...       -1.250 tús. kr.
• Landsfyritøka……………………….               0 tús. kr.
• Lógarbundin játtan ………………....                0 tús. kr.
• Rakstrarjáttan………………………         1.500 tús. kr.

Íalt ………………………………………..               0 tús. kr.

Niðanfyri er útgreining av eykajáttanarumbønunum:

Á § 2 er talan um útreiðsluneutrala eykajáttan innan málsøki 11. Felagsútreiðslur. Grundlógarnevndin verður hækkað við 250 tkr., meðan Umbygging í Tinganesi verður lækkað við 250 tkr.

Á § 5 er talan um útreiðsluneutrala eykajáttan innan málsøki 34. Fiskivinna. Fiskiveiðieftirlit, Vaktar og Bjargingartænastan verður netto hækkað við 1 mió. kr. Fiskivinnumenning á landi verður lækkað við 1 mió. kr.

Á § 6 innan málsøki 33. Landbúnaður verður Búnaðarstovan sett á stovn. Talan er um útreiðsluneutrala eykajáttan.

Á § 7 er talan um útreiðsluneutrala eykajáttan. Innan málsøki 23. Útbúgving og gransking verður Frítíðarundirvísing lækkað við 200 tkr. Játtanin til Musikkskúlar verður netto hækkað við 450 tkr. Innan málsøki 24. Mentan verður Ítróttaranlegg skorið við 250 tkr.

Høvuðsyvirlit

A. Yvirlit

Játtanaryvirlit

B. Játtanir

2.11.1.21. Umbygging í Tinganesi (Løgujáttan)
Av tí at rúm tíð gekk, áðrenn fíggjarlógin fyri 2004 varð samtykt, er løgujáttanin á høvuðskontu 2.11.1.21. Umbygging í Tinganesi ríkilig í mun til tey arbeiði, sum kunu fremjast í inniverandi ári. Tí verður skotið upp, at játtanin á hesi kontu verður lækkað við 250 tkr.

Sundurgreinað ætlan

2.11.1.40. Grundlógarnevndin (Rakstrarjáttan)
Fyrra flagdagsálitið um eina føroyska stjórnarskipan varð handað løgmanni í vár. Álitið er eitt arbeiðsuppskot, sum øll grundlógarnevndin skal viðgera. Álitið er lagt fram alment, m.a. fyri at fólk kunnu fáa høvi til at gera viðmerkingar til uppskotið, meðan arbeiðið við tí er ávegis.

Arbeiði í nevndini verður tikið uppaftur til heystar. Torført er at meta neyvt um fíggjartørvin. Skotið verður tó upp, at játtanin til arbeiðið verður økt við 250 tkr.

Sundurgreinað ætlan

A. Yvirlit

Játtanaryvirlit

B. Játtanir

5.34.2.01. Fiskiveiðieftirlit, Vaktar- og bjargingartænastan (Rakstrarjáttan)
Neyðugt er við eykajáttan uppá 3,1 mió. kr. til vanligt virksemi. Útreiðslurnar hækka við 2,7 mió. kr. Samlaði tørvurin hjá Fiskiveiðieftirlitinum verður mettur at verða størri, men arbeitt verður við tillagingum og loysnum fyri at avmarka eykajáttanina mest møguligt. Harumframt verða inntøkurnar mettar at verða 400 tús. kr. minni.

Upprættað verður undirkonta 39. Óvanligt til metta inntøku á 2,1 mió. kr., sum stava frá 2003. Hetta eru vantandi gjøld frá tryggingarfeløgunum fyri veittar tænastur til tryggingarfeløg.

Sostatt verður nettoútreiðslujáttanin hækkað við 1 mió. kr.

Sundurgreinað ætlan

5.34.4.16. Fiskivinnumenning á landi
Mett verður, at nýtslan í 2004 verður minni enn væntað. Tí verður játtanin lækkað við 1 mió. kr.

Sundurgreinað ætlan

A. Yvirlit

Játtanaryvirlit

B. Játtanir

6.33.2.03. Búnaðarstovan (Rakstrarjáttan)
Eftir løgtingslóg nr. 20 frá 17. mai 2004 um landsjørð verður Føroya Jarðarráð avtikið, og umsitingin av jarðarlóggávuni løgd til ein stovn undir landsstýrismanninum, sum fær heitið Búnaðarstovan. Búnaðarstovan fyrisitur eisini landbúnaðarstuðulin. Búnaðargrunnurin fíggjar rakstrarkostnaðin av jarðarumsitingini, sum verður mett at kosta umleið 3,0 mió. kr. árliga, ella 1,0 mió. kr. frá 1. september 2004 at rokna.

Sundurgreinað ætlan

A. Yvirlit

Játtanaryvirlit

7.23.5.07. Frítíðarundirvísing (Rakstrarjáttan)
Mett verður, at játtanin kann lækkast við 200 tús. kr. í ár.

Sundurgreinað ætlan

7.23.5.10. Musikkskúlar (Rakstrarjáttan)
Musikkskúlin virkar eftir ll. nr. 69 frá 7. juni 1984 um stuðul til musikkskúlar. Landskassin rindar 50% av læraralønunum og allar ferðaútreiðslur millum undirvísingarstøðini.

Í fíggjarlógini fyri 2004 hevur Musikkskúlin ikki fingið fulla afturbering fyri lønarhækkingar. Við verandi játtan verður tí neyðugt at skerja virksemið hjá Musikkskúlanum munandi heysthálvuna 2004, og avleiðingarnar gerast sera óhepnar fyri musikkskúlan og tað, sum er bygt upp higartil. Fyri at virksemið skal kunna verða á sama støði sum í hesum skúlaárinum, søkir landsstýrismaðurin við hesum um tkr. 450 í eykajáttan til høvuðskontu 7.23.5.10 Musikkskúlar (Rakstrarjáttan).

Sundurgreinað ætlan

 
7.24.6. Ítróttur

7.24.6.12. Ítróttaranlegg
Mett verður, at øll játtanin til ítróttaranlegg ikki verður nýtt í ár, tí er henda skorin við 250 tús. kr.

Sundurgreinað ætlan

1. viðgerð 18. august 2004. Málið beint í fíggjarnevndina, sum tann 30. september 2004 legði fram soljóðandi

2. viðgerð 6. oktober 2004. Broytingaruppskot frá samdari fíggjarnevnd til §§ 2, 5, 6, 7 og 20 samtykt 27-0-0. Uppskotið soleiðis broytt samtykt 27-0-0. Uppskotið fer soleiðis samtykt til 3. viðgerð. 

3. viðgerð 8. oktober 2004.   Uppskotið, sum samtykt við 2. viðgerð, endaliga samtykt 27-0-0. Málið avgreitt.

Ll.nr. 68 frá 14.10.2004