83 Uppskot til løgtingslóg um broyting í løgtingslóg um vektgjald av motorakførum v.m.
A.
Upprunauppskot
B. 1. viðgerð
C. Orðaskifti við 1. viðgerð
D. Álit
E. 2. viðgerð (Einki orðaskifti)
F. 3. viðgerð (Einki orðaskifti)
Ár 2003, 4. mars, legði Karsten Hansen, landsstýrismaður, vegna landsstýrið fram soljóðandi
til
løgtingslóg um broyting í løgtingslóg um vektgjald av motorakførum v.m.
§ 1
Í løgtingslóg nr. 38 frá 31. mars 1982 um vektgjald av motorakførum v.m., sum seinast broytt við løgtingslóg nr. 36 frá 26. mars 2002, verða gjørdar hesar broytingar:
Í § 13 a verður sum stk. 2 sett:
"Stk. 2. Landsstýrismanninum verður heimilað at áseta nærri reglur fyri
ellisakfør."
§ 2
Henda løgtingslóg kemur í gildi dagin eftir, at hon er kunngjørd.
Almennar viðmerkingar
Landsstýrismaðurin við skattamálum mælir við hesum til at gera eina broyting í
løgtingslóg um vektgjald av motorakførum v.m.
Hetta er teknisk broyting, sum er neyðug. Av misgáum varð stk. 2 strikað, tá nýggj § 13 a varð sett inn í síðstu broytingarlóg. Hetta hevði við sær, at heimildin fyri kunngerð um ellisakfør datt burtur. Við hesum broytingaruppskoti verður stk. 2 sett inn aftur, tó við dagførdari orðing, so heimildin fyri kunngerðini fæst í rættlag aftur.
Avleiðingar av lógaruppskotinum
Lógaruppskotið hevur ongar fíggjarligar, umsitingarligar, umhvørvisligar
avleiðingar ella avleiðingar í mun til altjóða avtalur og reglur, fyri landið,
kommunur, ávísar samfelagsbólkar ella vinnuna. Heldur ikki verða sosialar
avleiðingar fyri ávísar samfelagsbólkar.
Fyri landið/ |
Fyri kommunalar myndugleikar |
Fyri pláss/øki í landinum |
Fyri ávísar
samfelagsbólkar/ |
Fyri vinnuna |
|
Fíggjarligar/ |
Nei |
Nei |
Nei |
Nei |
Nei |
Umsitingarligar |
Nei |
Nei |
Nei |
Nei |
Nei |
Umhvørvisligar |
Nei |
Nei |
Nei |
Nei |
Nei |
Avleiðingar í mun |
Nei |
Nei |
Nei |
Nei |
Nei |
Sosialar avleiðingar |
Nei |
Serligar viðmerkingar
Til § 1.
Av misgáum varð stk. 2 strikað, tá nýggj § 13 a varð sett inn í síðstu
broytingarlóg. Hetta hevði við sær, at heimildin fyri kunngerð um ellisakfør datt
burtur. Við hesum broytingaruppskoti verður stk. 2 sett inn aftur, tó við dagførdari
orðing, so heimildin fyri kunngerðini fæst í rættlag aftur.
Til § 2.
Skotið verður upp, at lógin kemur í gildi dagin eftir, at hon er kunngjørd.
1. viðgerð 17. mars 2003. Tingmálini nr. 82 og 83/2002 vórðu vigjørd undir einum og beind í fíggjarnevndina, sum tann 19. mars 2003 legði fram soljóðandi
Landsstýrið hevur lagt málið fram tann 4. mars 2003, og eftir 1. viðgerð tann 17.mars 2003 er tað beint fíggjarnevndini.
Nevndin hevur viðgjørt málið á fundi tann 19. mars 2003.
Ein samd nevnd tekur undir við málinum og mælir Løgtinginum til at samtykkja uppskotið
2. viðgerð 25. mars 2003. §§ 1 og 2 samtyktar 26-4-0. Uppskotið fer soleiðis samtykt til 3. viðgerð.
3. viðgerð 27. mars 2003. Uppskotið, sum samtykt við 2. viðgerð, endaliga samtykt 26-0-0. Málið avgreitt
Ll.nr. 42 frá 09.04.2003