Eykajáttan august 2002

A. Upprunauppskot
B. 1. viðgerð
C. Orðaskifti við 1. viðgerð
D. Nevndarskjøl
E. Álit
F. 2. viðgerð
G. Orðaskifti við 2. viðgerð
H. 3. viðgerð

Ár 2002, 5. august, legði Karsten Hansen, landsstýrismaður, vegna landsstýrið fram soljóðandi   

Uppskot

til

eykajáttanarløgtingslóg

fyri august 2002 

Almennar viðmerkingar *

Høvuðsyvirlit *

§1. Løgtingið *

1.10.1. Løgtingið *

1.10.1.02. Eftirløn og bíðiløn til løgtingsmenn (Lógarbundin játtan) *
1.10.1.10. Nýggjur bygningur til Løgtingið (Løgujáttan) *

§2. Løgmansfyrisiting v.m. *

2.12.3. Landsstýrið *
2.12.3.01. Løgmaður og landsstýrið (Rakstrarjáttan) *

2.13.1. Viðskiftastovur *
2.13.1.01. Viðskiftastovur (Rakstrarjáttan) *

§ 3. Fíggjarmál o.a. *

3.11.1. Fyrisiting *
3.11.1.35. Bygningur til almennar stovnar í Klaksvík (Løgujáttan) *

3.15.1. Fíggjarfyrisiting v.m. *
3.15.1.04. Toll- og skattstova Føroya (Rakstrarjáttan) *
3.15.1.07. Føroya gjaldstova (Rakstrarjáttan) *

§5. Fiskivinna *

5.34.3. Gransking og menning *
5.34.3.04. Magnus Heinason (Rakstrarjáttan) *

§6.Vinnumál o.a. *

6.38.1. Vegir og Havnir *
6.38.1.07. Nýggir landsvegir (Løgujáttan) *
6.38.1.14. Havnir (Løgujáttan) *
6.38.1.21. Stuðul til havnir (Nýggj høvuðskonto) *

6.38.2. Samferðsla *
6.38.2.01. Strandfaraskip landsins (Landsfyritøka) *
6.38.2.08. Vága floghavn (Landsfyritøka) *
6.38.2.10. Flogferðsla (Lógarbundin játtan) *

6.38.3. Samskifti *
6.38.3.05. Konsessiónsgjald *

§7. Útbúgving og gransking o.a. *

7.11.1. Fyrisiting *
7.11.1.14. Viðlíkahald - mentan (Rakstrarjáttan) *

7.23.6. Hægri útbúgving og gransking *
7.23.6.16. Fróðskaparsetur Føroya (Rakstrarjáttan) *
7.23.6.20. Granskingarráð Føroya (Rakstrarjáttan) *
7.23.6.21. Granskingargrunnurin *
7.23.6.26. Havfrøðiliga royndarstøðin – BIOFAR (Løgujáttan) *

7.24.1. Ymsar útreiðslur *
7.24.1.04. Føroyahúsið í Keypmannahavn *
7.24.1.13. Ymiskir studningar *

7.24.3. Mentanararvurin *
7.24.3.13. Føroya náttúrugripasavn (Rakstrarjáttan) *
7.24.3.23. Kirkjubømúrurin (Løgujáttan) *

7.24.4. Fjølmiðlar *
7.24.4.05. Nýggj tøkni – Sjónvarp Føroya og Útvarp Føroya (Løgujáttan) *

§8. Almanna- og heilsumál o.a. *

8.11.1. Fyrisiting *
8.11.1.08. Almanna- og heilsumálastýrið (Rakstrarjáttan) *

8.20.2. Heilsutænastur *
8.20.2.01. Sjúkrakassar *

8.20.3. Sjúkrahúsverkið v.m. *
8.20.3.04. Landssjúkrahúsið (Rakstrarjáttan) *

8.21.1. Fyrisiting *
8.21.1.10. Teknmálsmiðstøð *

8.21.3. Barnastuðul *
8.21.3.01. Barnaforsorg (Lógarbundin játtan) *

8.21.6. Eldri og brekað *
8.21.6.04. Eldrarøkt (Rakstrarjáttan) *

§20 Inntøkur *

20.50.1. Rentur av landsins skuld *
20.50.1.01 Rentur at gjalda *

20.52.1. Skattainntøkur *
20.52.1.01. Vanligur landsskattur *
20.52.1.07. Felagsskattur *
20.52.1.13. Avgjald av kapitaleftirlønum *
20.52.1.19. Rentuskattur *

20.52.2. Avgjøld og tollur *
20.52.2.01. Meirvirðisgjald *
20.52.2.04. Tollavgjøld *
20.52.2.07. Punktgjøld *
20.52.2.19. Skrásetingargjald *
20.52.2.22. Vegskattur (Vektgjald) *

20.52.3. Ymsar inntøkur *
20.52.3.01. Útluting úr Fíggingargrunninum frá 1992 *

20.52.5. Ymsar inntøkur *
20.52.5.01. Endurrindan av keyps-MVG *

Almennar viðmerkingar 

Hjálagt er næsta eykajáttanaruppskot frá landsstýrinum, sum lagt verður fyri Løgtingið fyri fíggjarárið 2002. Samlaði kostnaðurin av hesum uppskoti er -21,5 mió. kr.

Eykajáttanirnar kunnu eisini greinast soleiðis:

• Lógarbundin játtan … ………………….. 3.231 tús. kr.
• Landsfyritøka …………………………... - 8.500 tús. kr.
• Løgujáttan ……….…………………….. 14.045 tús. kr.
• Onnur játtan…………………………….. - 41.798 tús. kr.
• Rakstrarjáttan…………………………… 11.521 tús. kr.

Íalt …………………………………………. -21.501 tús. kr.

Av Onnur játtan eru 4.675 tús. kr. rakstrarútreiðslur, og 46.973 tús. kr. meirinntøkur á § 20.

Samlaðu eykajáttanirnar, íroknað fíggjarnevndarskjøl, hava higartil í ár verið 50.412 tús. kr.

Niðanfyri er útgreinað, hvar høvuðsparturin av útreiðslunum fer til:

Á § 1 verður biðið um 1,9 mió. kr. til eftirløn og bíðiløn til løgtingsmenn og 6 mió. kr. til Løgtingshúsið.

Á § 2 verður biðið um 1,6 mió. kr., herav 600 tús. kr. til løn og bíðiløn til landsstýrismenn og 1 mió. kr. til sendimannin í London.

Á § 3 verður biðið um 3,1 mió. kr. til kolvetnisskattaumsiting.

Á § 5 verður biðið um 2,1 mió. kr. til vanliga virksemið hjá Magnusi Heinasyni, av tí at viðlíkahaldsarbeiðið varð dýrari enn mett.

Á § 6 verður biðið um 8 mió. kr. til nýggjar landsvegir, herav 5 mió. kr. til parkeringspláss við flogvøllin og 1,5 mió. kr. til Strandfaraskip Landsins til tess at økja túratalið um Leirvíksfjørð.

Á § 8 verður biðið um 5,1 mió. kr, herav 2,3 mió. kr. til sjúkrakassarnar, 1,5 mió. kr. til umvælingararbeiði hjá Landssjúkrahúsinum og 1,4 mió. kr. til eldrarøkt fyri at fáa eina samdøgursrøkt. 

Høvuðsyvirlit

A. Yvirlit

Játtanaryvirlit

Viðmerkingar

1.10.1.02. Eftirløn og bíðiløn til løgtingsmenn (Lógarbundin játtan)

Í sambandi við fíggjarlógina fyri 2002 varð ikki tikin hædd fyri útreiðslum til bíðipening og møguligum eftirlønum, sum komu í kjalarvørrinum av løgtingsvalinum, sum skuldi verða. Løgtingsvalið er nú farið aftur um bak í øllum góðum, og er útreiðslan til hetta endamál gjørd upp.

Útreiðslurnar til bíðipening sambært § 2, stk. 2 í løgtingslóg um samsýning og eftirløn løgtingsmanna verða 1.620 tús. kr.

Umframt hetta er tørvur á eykajáttan 311 tús. kr. til eftirlønir. Hesar útreiðslur stava partvís frá, at 2 tingmenn, sum ikki vórðu afturvaldir hava rætt til eftirløn, tá tíðin við bíðipeningi er liðin, og partvís frá, at umsitingin, tá fíggjarlógin fyri 2002 varð gjørd, ikki var varug við 2 fyrrverandi tingmenn, ið eru fyltir 67, og sum hava rætt til eftirløn.

Biðið verður um, at 1.931 mió. kr. til hesi endamál.

Sundurgreinað ætlan

1.10.1.10. Nýggjur bygningur til Løgtingið (Løgujáttan)

Mett verður, at umframt tær 22 mió. kr. er tørvur á 6 mió. kr. fyri at gera 2. byggistig liðugt. Biðið verður um 6 mió. kr. til hetta endamál.

Sundurgreinað ætlan

A. Yvirlit

Játtanaryvirlit

Viðmerkingar

Løgtingsval var 30 apríl og nýtt landsstýrið tók við 6. juni 2002. Tveir av landsstýrismonnunum í undanfarna landsstýri halda ikki fram og eiga tí "bíðiløn" í ávikavist 6 og 3 mánaðir. Tríggir nýggir landsstýrismenn vórðu tilnevndir 6. juni og eiga tí løn v.m. frá 1. juli 2002.

Í hesum sambandi verður søkt um eykajáttan upp á 0,6 mió. kr.

Sundurgreinað ætlan

Umboðsmaðurin í Aberdeen fer frá við eftirløn 1. juli 2002. Løgmaður hevur eftir avtalu við danska Uttanríkisráðið gjørt av, at føroyskur sendimaður verður settur á donsku sendistovuna í London frá 1. september 2002.

Fyri sendimannin í London, eins og fyri sendimannin á sendistovuni í Brüssel, verður endurgjald latið Uttanríkisráðnum samsvarandi "specialattachéordningen". Upphæddin av gjaldinum er staðbundin, tvs. at gjaldið ikki er tað sama á øllum sendistovum. Tað er eitt nú hægri í London enn í Brüssel. Eisini kann gjaldið broytast frá ári til ár. Í endurgjaldinum eru mestsum allar útreiðslur íroknaðar, eitt nú til bústað, hølir, útbúnað, ávísa ferðing, skrivstovuhjálp, samskifti og persónligar viðbøtur. Umframt endurgjaldið verður goldið fyri lønina hjá sendimanninum.

Endurgjaldið verður uml 1,1 mió. kr, lønin uml 0,1 mió. kr. tils. 1,2 mió. kr. fyri tíðina september –desember 2002. Óbrúkti parturin av játtanini í Aberdeen er mettur til uml 0,2 mió. kr. Meirútreiðslurnar netto í hesum árinum av flytingini til London eru tí mettar til 1,0 mió. kr.

Sundurgreinað ætlan

 § 3. Fíggjarmál o.a. 

A. Yvirlit

Játtanaryvirlit

Fíggjarmálastýrið keypti í desember 2001 ein bygning á matr. nr. 163 o í Klaksvík. Bygningurin skal hýsa kolvetnisskattadeildini og tí virksemi, sum Toll- og skattstovan annars í dag hevur í Norðuroyggjum. Harafturat skal hann eisini hýsa øðrum almennum virksemi í Norðuroyggjum, og í løtuni er Almannastovan eisini í bygninginum.

Á eykajáttanarlógini nov. 2001 varð biðið um 6 mió. kr. til keyp av bygninginum. Endaligi keypsprísurin var 5,7 mió. kr.

Í viðmerkingunum til eykajáttanarlógina varð upplýst, at trupult var at siga, hvussu kostnaðarmikil innrættingin verður, tí tað veldst um, hvussu stórt virksemi verður í bygninginum, men tá varð mett, at um allar hæddir skuldu innrættast, so fór samlaði prísurin at liggja um einar 10 – 11 mió. kr.

Ætlanin var so at selja bygningin, sum Toll- og skattstovan heldur til í í løtuni, men henda ætlan er nú slept, tí Almanna- og heilsumálastýrið ætlar at innrætta bygningin til vardan verkstað.

Á eykajáttanarlógini februar 2002-2 varð biðið um, at óbrúkt játtan á 300 tús. kr. frá í fjør varð endurjáttað. Játtanin er nú nýtt til at innrætta hølir til tey fyrstu arbeiðsplássini, soleiðis at kolvetnisskattadeildin kann fáast at virka.

Biðið er um eitt uppskot frá landsarkitektinum um umbyggingina. Í samsvari við hetta uppskot verður biðið um 300 tús. kr. í eykajáttan til at fyrireika innrættingina av bygninginum.

Sundurgreinað ætlan

Tá avgerð var tikin miðskeiðis í 90-árunum um at fara undir eina kolvetnisvinnu í Føroyum, var hetta fyrst og fremst fyri at fáa inntøkur til landið.

Ásannandi at hesar inntøkur skuldu fást til vega sum skattur frá útlendingum og ikki minst útlendskum altjóða fyritøkum, var staðfest, at sera umráðandi var at byggja upp eina "professionella" kolvetnisskattafyrisiting.

Avgjørt var tó at bíða nakað við at fara ígongd við hesa uppbygging, men lata nøkur fólk í Virkiseftirlitnum og á Lógardeildini á Toll- og skattstovu Føroya taka sær av tí fyrstu fyrireikingini. Nú er olja funnin, og ferð má setast á arbeiðið at byggja upp eina kolvetnisskattafyrisiting, og fyri at annað virksemi á Toll- og skattstovuni ikki skal koma í vanda, er neyðugt við eini serligari játtan til hetta virksemið.

Toll- og skattstova Føroya hevur stovnað kolvetnisskattadeild í Klaksvík. At byrja við eru 3 fólk sett í fast starv á deildini. Møguliga skal eitt skrivstovufólk setast í heyst. 

Biðið verður um eykajáttan upp á íalt 2.565 tús. kr. til kolvetnisskattadeildina. Herav er roknað við 1.395 tús. kr. til lønir.

Ætlanin er, at tey 3 føstu starvsfólkini í tíðarskeiðinum, har virksemi ikki er so stórt, við hjálp útifrá skulu fáa so góða útbúgving sum til ber á kolvetnisskattaøkinum, at tey kunnu verða við til at seta komandi starvsfólk inn í kolvetnisskatting, tá/um virksemið økist. Biðið verður um 300 tús. kr. til hetta endamál. Toll- og skattstovan hevur samband við kolvetnisskattamyndugleikarnar í Noregi, og eru teir áhugaðir í at koma til Føroyar og hjálpa okkum eina tíð í heyst við hesi útbúgving.

Biðið verður annars um 505 tús. kr. til skrivstovuútbúnað v.m. og 365 tús. kr. til rakstrarútreiðslur annars. Arbeiðsplássini eru nýggj, so stórur partur av útreiðslunum til telduútbúnað, maskinur og innbúgv hevur beinleiðis samband við stovnan av heilt nýggjum størvum í nýggjum hølum.

Kolvetnisskattadeildin hevur tørv á eini EDV-skipan til skráseting av útlendingum í vinnuni, sum skal vera tøk, tá virksemi verður aftur á økinum, tí annars verður trupult at halda skil á túsundavís av skattgjaldarum, tá ein eitt nú skal telja dagar fyri hvønn einstakan o.a.m. fyri at avgreiða álíkningina.

Dagliga fyrisitingin av frítíðarlønini, arbeiðsmarknaðareftirlønini og Trygdargrunninum fyri avreiðingar og lønir verður flutt til Tvøroyrar. Biðið verður um 280 tús. kr. til hesa flyting.

Biðið verður um 285 tús. kr. til at styrkja um innanhýsisroknskapareftirlitið á Toll- og skattstovuni. Toll-og skattstovan álíknar og krevur inn so gott sum allar inntøkur til land og kommunur, og fyri at nøkta tey krøv, ið landsgrannskoðanin setur, ikki minst í sambandi við nýggju roknskaparvegleiðingina, verður neyðugt við hesi eykajáttan.

Sundurgreinað ætlan

3.15.1.07.    Føroya gjaldstova (Rakstrarjáttan)

Á fíggjarlógini fyri 2002 fekk gjaldstovan fluttar 150 tús. kr. frá Almanna- og Heilsumálastýrinum, tí ætlanin var, at gjaldstovan skuldi skriva og senda lønarseðlar fyri Almanna- og Heilsumálastýrið í 2002 í sambandi við, at nýggja Felags lønarskipanin varð tikin í nýtslu. Av tí at íverksetanin av skipanini er seinkað, verður henda skipan ikki tikin í nýtslu fyri Almanna- og heilsumálastýrið í 2002, og verður upphæddin tí flutt aftur til Almanna- og Heilsumálastýrið.

Sundurgreinað ætlan

A. Yvirlit

Játtanaryvirlit

B. Játtanir

Sandblásingin av skipinum og annað viðlíkahaldsarbeiði í hesum sambandi gjørdist dýrari enn mett, og verður tí biðið um eykajáttan til hetta.

Kostnaðarmetingin bygdi fyri ein part á tilboð og fyri ein part, har annað ikki var gjørligt, á metingar hjá skipasmiðju og serkønum fólki. Eykaútreiðslurnar vóru av tílíkum slag, at ikki var gjørligt at leggja upp fyri. Hesar komu av:

Tað var neyðugt at skifta øll kúgveyguni út
Stórir partar av innleggingunum á dekkinum og fabrikkini máttu skiftast út
Nýggjar ristir kring skipið
Nýggj trygdarútgerð v.m.

Motorurin varð eftirhugdur, meðan skipið var í dokk, og vísti tað seg tá, at tannhjólskransurin mátti skiftast. Harafturat kravdust ábøtur á kervið (lutvíst tryggingarskaði), aksil, leiðir v.m.

Motorurin skuldi í øllum førum verið eftirkannaður í 2003. Men uttan iva hevði skipið komið út fyri havarí av motorinum, um bíðað varð eitt ár afturat.

Trolboksin á skipinum hevur verið í, síðani skipið varð bygt í 1978, og er nú við at fara. Neyðugt kann verða heilt skjótt at skifta hana út.

Sum ein fylgja av, at viðlíkahaldsarbeiðið í sambandi við sandblásing av skipinum og neyðugt viðlíkahald av motorinum v.m. gjørdist dýrari enn væntað, verður minni peningur til vanligan rakstur av virkseminum hjá skipinum. Harumframt kunnu inntøkurnar av sølu av fiski væntast at blíva minni í ár í mun til undanfarna ár. Higartil í ár hava inntøkurnar verið næstan bara helvtina av inntøkunum fyri sama tíðarskeið í fjør.

Um eykajáttan ikki verður fingin til vega, er vandi fyri, at neyðugt verður at leggja skipið ein stóran part av seinnu hálvu í ár, hetta hevur so aftur við sær, at tað ikki verður møguligt at fremja týdningarmiklar rannsóknartúrar, ið er partur av rannsóknarvirkseminum hjá Fiskirannsóknarstovuni.

Biðið verður tí um, at útvegaðar verða 2,1 mió. kr. í eykajáttan til vanliga virksemið hjá Magnusi Heinasyni.

Sundurgreinað ætlan

A. Yvirlit

Játtanaryvirlit

B. Játtanir

Søkt verður um eina eykajáttan upp á íalt 8,0 mió. kr. til nýggjar landsvegir til niðanfyri nevndu endamál:

1. Gamlarætt – Tórshavn
Farið er undir triðja byggistig í ár, sum røkkur av Hálsinum til Norðasta Horn. Byggistigið vísir seg at gerast dýrari enn mett, tí hellubotnurin liggur lægri enn mett frammanundan, og onkur íbinding verður neyðug at gera í ár, sum ikki var við í upprunaligu verkætlanini. Landsverkfrøðingsstovnurin sum hevur boðið arbeiðið út, metir, at um steðgur kemur í arbeiðið, verður samlaði kostnaðurin møguliga størri, tá samanum kemur.

Mælt verður til at játta eina eykajáttan upp á 1,0 mió. kr. til endamálið.

2. Skálabotnur – Strendur
Farið er undir arbeiðið av Skála út á Strendur. Talan er um fyrsta byggistig av fleiri. Arbeiðið, sum nú er í gerð, vísir seg at gerast dýrari enn mett, tí at hellubotnurin liggur væl lægri enn mett frammanundan, tá verkætlanin var boðin út. Tað, sum av fyrstan tíð var mett at vera hella, vísti seg at vera stórir klettar.

Um arbeiðið ikki kann halda áfram vegna vantandi játtan, kann hetta byggistigið gerast dýrari enn neyðugt. Tó ber ikki til at siga enn, um samlaða verkætlanin verður dýrari enn mett frammanundan, tá øll byggistigini eru framd.

Mælt verður til at játta eina eykajáttan upp á 1,0 mió. kr. til endamálið.

3. Vága floghavn – parkeringspláss
Eftir ætlan verður fast samband um Vestmannasund tíðliga í 2003. Roknað verður við einum generellum vøkstri í ferðsluni um sundið, og at fólk í størri mun enn nú fara at nýta persónbilar sínar heldur enn bussleiðina vestur á flogvøllin. Tað merkir ein munandi størri tørv á parkeringsplássum við flogvøllin, og er tí neyðug at fara undir at útbyggja parkeringsøkið.

Mælt verður til at játta 5,0 mió. kr. til endamálið.

4. Vegagerð í Leirvík - kanningar
Eftir tíðarætlanini verður klárt at fara undir tunnilsgerðina undir Leirvíksfjørð fyrst í 2003. Tískil er neyðugt, at farið verður undir neyvari kanningar av vegagerðini/tunnilsgerðini um Leirvíkar bygd beinanvegin. Ein loysn skal finnast á spurninginum um vegagerðina í Leirvík, m.a. hvar vegurin ella ein møguligur tunnil skal liggja.

Mælt verður til at játta 1,0 mió. kr. til forkanningar og prosjektering í hesum sambandi.

Sundurgreinað ætlan

Virksemisyvirlit

6.38.1.14.    Havnir (Løgujáttan)

Játtanin verður lækkað til tess at fíggja prosjektering av Vágs havn. Sí høvuðskonto 6.38.1.21. Stuðul til havnir.

Sundurgreinað ætlan

Virksemisyvirlit 10. Nýgerð av havnum

6.38.1.21.    Stuðul til havnir (Nýggj høvuðskonto)

Løgtingið samtykti 15. mars 2002 eina verkætlanarlóg um at útbyggja havnina í Vági soleiðis, at nýggi Smyril kann nýta havnina. Landsstýrismanninum er heimilað at stuðla útbyggingini, sum svarar til helvtina av kostnaðinum, tó í mesta lagi 18,5 mió. kr.

Mælt verður til at játta 500 tús. kr. til prosjektering í ár soleiðis, at farast kann undir verkætlanina næsta ár. Nýggi Smyril verður væntandi liðugur miðskeiðis í 2004.

Sundurgreinað ætlan

Mælt verður til at játta eina eykajáttan upp á 1,5 mió. kr. til Strandfaraskip Landsins til tess at økja túratalið um Leirvíksfjørð.

Flutningurin um Leirvíksfjørð er nakað merktur av kapasitetstrupulleikum í vanligari arbeiðstíð (frá kl. 8.00 til kl. 18.00) gerandisdagar, sum serliga darvar vinnuni í Norðoyggjum.

Fyri at betra um tænastustøðið og loysa flutningstrupulleikarnar er ætlanin, at fyrst Sam og síðan Ternan skulu sigla 5 túrar um dagin, 5 dagar um vikuna, t.e. allar gerandisdagar, um Leirvíksfjørð frá 1. september 2002. Dúgvan siglir samstundis um Leirvíksfjørð eftir galdandi ferðaætlan.

Nú fast samband verður um Vestmannasund 26. november, verður Ternan eftir ætlan sett inn um Leirvíksfjørð í staðin fyri Sam frá umleið 1. desember 2002.

Strandfaraskip Landsins metir, at Sam kostar umleið 300 tús. kr. um mánaðin í rakstri (netto), meðan Ternan kostar umleið 600 tús. kr. í rakstri (netto) um mánaðin, ella umleið 7,2 mió. kr. um árið.

Uppgerð av nettotølum

Sundurgreinað ætlan

Starvsfólkayvirlit: 20. Vanligt virksemi

6.38.2.08. Vága floghavn (Landsfyritøka)

Vága floghavn verður rikin av Statens Luftfartsvæsen. Ætlanin var at yvirtaka floghavnina í 2002, men verður tað av ongum í ár, og verður játtanin tí lækkað við 10,0 mió. kr. niður á onki. Mælt verður tó til at flyta 5,0 mió. kr. til høvuðskontu 6.38.1.07. Nýggir landsvegir (Løgujáttan), sum fer til at fíggja útbygging av parkeringsøkinum við Vága Floghavn.

Sundurgreinað ætlan

6.38.2.10.    Flogferðsla (Lógarbundin játtan)

Vága floghavn verður rikin av Statens Luftfartsvæsen. Ætlanin var at yvirtaka floghavnina 1. januar 2002, men verður yvirtøkan ikki framd í ár, og verður tí mælt til at endurstovna hesa høvuðskontuna.

Útreiðslurnar fara til at gjalda aftur toll- og MVG- útreiðslur hjá Statens Luftfartsvæsen í Vágum sambært avtalu frá 26. apríl 1963 og dagføring av hesi við skrivi frá landsstýrinum frá 3. desember 1992.

Sundurgreinað ætlan

P/F Føroya Tele (P/F Telefonverkið) rindar á hvørjum ári landskassanum 2,0 mió. kr. í konsessiónsgjaldi.

Eftir § 15, stk. 2 í loyvinum til P/F Føroya Tele, frá 15. apríl 1999, verður konsessiónsgjaldið ásett árliga á løgtingsfíggjarlógini. Tilskilað verður í loyvinum, at ætlanin er, at henda upphædd verður strikað á løgtingsfíggjarlógini komandi árini soleiðis, at felagið bara skal gjalda fyri raksturin av Fjarskiftiseftirlitinum. Viðmerkjast skal, at ongin annar veitari innan teleøkið rindar konsessiónsgjald.

Landið eigur allan partapeningin í P/F Føroya Tele upp á 60 mió. kr. Sambært ársroknskapi felagsins fyri 2001 útlutar felagið vinningsbýti til partaeigaran upp á 3,0 mió. kr. í ár, sum er ein inntøkujáttan á hesi eykajáttanarlóg, á høvuðskonto "20.52.3.04. Útluting frá almennum partafeløgum".

Vísandi til omanfyri nevnda verður mælt til, at konsessiónsgjaldið verður strikað á eykajáttanarlógini fyri juni 2002.

Sundurgreinað ætlan

 §7. Útbúgving og gransking o.a. 

A. Yvirlit

Játtanaryvirlit

Viðmerkingar

7.11.1.14. Viðlíkahald - mentan (Rakstrarjáttan)

Játtanin er til ymist viðlíkahald innan mentamálaøkið.

Søkt verður um at játtanin til viðlíkahald – mentan – verður hækkað við 900 tús. kr. Játtanin er ætlað til framhaldandi flytan av pørtum av savninum hjá Náttúrugripasavninumi rúm í høllini hjá Havfrøðiligu Royndarstøðini í Kaldbak, sum eru innrættað til sama endamál, og til keyp av neyðugum innbúgvi. Arbeiðið verður gjørt liðugt, tá ið játtan er tøk.

Sundurgreinað ætlan

Virksemisyvirlit: 20. Viðlíkahald

Søkt verður um, at játtanin til Fróðskaparsetur Føroya verður hækkað við 300 tús. kr. Fróðskaparsetrið húsast undir sera trongum umstøðum, og roynt hevur verið at troyta allar verandi hølismøguleikar, men ber hetta ikki til longur. Fróðskaparsetrið kann leiga hóskandi undirvísingarhøli nærhendis Debesartrøð. Leigumálið kann byrja so skjótt, játtan er tøk.

Játtanin er til leigu, umbygging og útgerð.

Sundurgreinað ætlan