Sendi tykkum smb.
avtalu eina eitt sindur broytta útgávu av svari okkara til
fíggjarnevndina.
Vinarliga
John
2.11.1. Fyrisiting
Spurningur
11.1.02.
Løgmansskrivstovan (Rakstrarj.)
1
normering afturat – til hvat ??
Svar
Talan er ikki um eina
normering afturat, men um eina hækking uppá 0,4 starv. Økingin kemur av at onkur
er farin niður í tíð meðan onkur er farin upp í tíð. Ein lítil feilur er í
starvsfólkayvirlitinum, har lønarparturin fer úr 8,4 mió. kr. til 9,0. Rætta
talið eigur at verða úr 8,7 til 9,0.
Spurningur
Hvat kostar
uttanlandsdeildin ?? – eigur hon ikki at síggjast í samband við 2.13
?
Svar
Gangi út frá, at
spurningurin gongur uppá at lýsa, hvat uttanríkisviðurskifti kosta á
LMS. Starvsfólk, ið nærum burturav arbeiða við uttanríkismálum, eru knýtt
at uttanríkisdeildini. Lønarkostnaðurin til hesa deil er umleið 4 mió kr..
Harafturat arbeiða fleiri fólk á LMS meira ella
minni beinleiðis við uttanríkismálum. Samlaða lønarupphæddin til
uttanríkismál á LMS verður tí mett at vera væl omanfyri hetta.
Spurningur
11.1.12.
Viðlíkahald (Rakstrarj.)
11.1.21.
Umbygging í Tinganesi (Løguj.)
Rættarnevndin mælir
til at lækka hesa konto til Mkr. 3 – hvat er viðmerkingin ?
Svar
Fíggjarnevndin hevur
mælt løgmanni til at gera eina heildarætlan fyri viðlíkahald og
umbygging í Tinganesi. Hendan heildarætlan
er nú gjørd . Sambært hesi ætlan er
fíggjartørvurin 8,3 mió. kr. í 2006. Biðið varð um hesa upphædd fyri 2006,
men landsstýrið samdist um at lækka játtanina til 5 mió.
kr. Um játtanin verður skorin til 3 mió. kr. verða arbeiðini forskotin
samsvarandi. Harafturat vita vit ikki nágreiniliga, hvat
kosnaðurin verður til at innrætta kjallaran í Skansapakkhúsinum. At skerja
játtanina verður tí mett
at vera óheppið.
Spurningur
Ber til at fáa eitt
eintak av ”heildarætlanin” ?
Svar
Heildarætlanin er
hjáløgd.
Spurningur
Tá hoyvík verður
innrætta, hvar verður so fornminnissavnið ? – hvar eru pengar settir av til tað
?
Svar
Eitt álit um
Løgmanssetur verður væntandi liðugt síðst í november. Í álitinum verður
spurningurin um, hvar Fornminnisavnið skal húsast viðgjørdur. Mælt verður
til at taka málið um íløgur í hesum sambandi upp, tá eitt ítøkiligt
uppskot til loysn fyriliggur.
Spurningur
11.1.40.
Grundlógarnevndin (Rakstrarj.)
hevur
løgmaður fingið tilmæli sum er ásett í §2 í ll nr. 77 frá 6. mai 2003 um nevnd
at geva løgmanni tilmæli um samsýning og eftirløn landsstýrismanna v.m.
??
Svar
Ja
Spurningur
Hevur
løgmaður ætlanir um at broyta samsýningarreglurnar til løgtinggrannskðarar sum
ásett í ll nr. 25 frá 21. apríl 1999 um grannskaðan av landsroknskapinum
v.m. ?
Svar
Veit ikki um hesin
spurningur er komin rætt fyri. Samsýningarreglur til løgtingsgrannskoðarnar er mál fyri formansskapin
á tingið.
2.13.1. Viðskiftastovur
Spurningur
13.1.04.
Norðurbryggjan í Keypmannahavn
Hvat
gjalda hini londini ? yvirlit fyri seinni árini verður ynskt
Svar
Hini
londini Grønland, Danmark ogÍsland hava higartil goldið 500.000 kr. um ári
síðani síðani Norðubryggjuni varð liðug í 2002. Føoya
Landsstýri rindaði 500.000 kr fyri 2003 og 2004, men lækkaði
gjaldið til 300.000 kr fyri 2005. Men fyri at fáa nakað av javnvág í við
hini londini gjørdu vit ta avtalu, at upp til 200.000 kr kundu rindast frá
Mentamálaráðnum til serstøk mentanar tiltøk við fult og heilt
føroyskum innihaldi og eftir umsókn.
Spurningur
hvat verður hesir
pengar nýttir til ?
Svar
Peningurin
inngongur í raksturin hjá Norðurbryggjuni, harí parturin um felags
vestnorðurlendsk mentanarlig og samfelagslig tiltøk er ein týdningmikil partur.
Fíggjarnevndin kannfáa ársfrágreiðing grunsins, um hon ynskir
tað.
Spurningur
Hvussu leingi er ætlan
at hesin stuðul skla halda fram ?
Svar
Londini Danmark, Ísland
og Grønland hava verið sera jalig mótvegis at rinda ávísan stuðul til grunnin,
til tessat grunnurin kann fáast at virka til fulnar uttan at fáa stórar
fíggjarligar trupulleikar. Næsti fundur í nevndini fyri grunnin
verður 28. november. Tá er ætlanin at taka spurningin upp av
nýggjum.
2.13.2. Samstarv
Spurningur
13.2.04.
Altjóða samstarv
Hvat fæst
burturúr hesum samstarvi – frágreiðing
Svar
Luttøka Føroya í
altjóða samstarvi, sum stendur á rakstrarstaði 2.13.2.04 í
fíggjarlógaruppskotinum 2006, fevnir um The Northern Periphery Scotland
(UK), Svøríki og Finnland, EBS-londini Noreg og Ísland umframt Grønland Fyri
ES-lond og Noreg fevna bert partar av londunum um
samstarvið.
Framskygnið í
samstarvinum ber í sær, at fólkini í evropiska norðurjaðarinum tryggja burðadygg
vælferðarsamfeløg, og umsita mentanartilfeingið og náttúrutilfeingið
skilagott.
Samstarvið hevur
tríggar høvuðstættir:
1.
Samskifti.
Flutning,
undirstøðukervi og atgongd til KT-samfelagið
2.
Burðardygga
menning
Náttúra og
náttúrutilfeingi troytt burðardygt
3.
Samfelagsmenning í víðari
merking
Luttøka í hesum
samstarvi (NPP) letur upp fyri, at vinnulív og almennir stovnar kunnu verða
partar av stórum verkætlanum, størri enn teimum, ið kunnu fremjast her á landi.
Fyri lutfalsliga lítlan pening ber til at vera við í víðfevnandi altjóða
samstarvi, við í stórum kervi og fáa lut í vitan, ið annars ikki stendur okkum í
boði.
Serligan týdning hevur
slíkt altjóða samstarv fyri okkara ungu, sum á henda hátt fáa eitt forum, har
tey kunnu venja seg við altjóða samstarv.
Verkætlanir
vit eru við í:
Northern
Maritime Corridor – Verkætlan um umhvørvisflutning og
-trygd
Verkætlan fevnir um
flutning á landi og út á sjógv – frá Murmansk og til Suðurnoreg – so at hann ber
minni dálking í tonsum/km. í sær. Verkætlanin fevnir eisini um trygd á sjónum.
Arbeitt verður við at skipa ávísar geirar fram við norsku strondini og út í
altjóða sjógv, soleiðis at farmurin er avgerandi fyri, hvar skip sigla. Verður
forboð sett fyri at flyta olju úr Barentshavinum í norskt sjóøki, kann tað
ávirka okkum, so hesin flutningur kann verða á okkara leiðum.
PICIDU –
Alheimsteldukervi fyri ung
Verkætlan fyri ung, sum
miðar ímóti at venja ung at samskifta um allan heimin uttan at flyta úr
stað.
Rural
Business woman – Vinnulívskervi fyri
kvinnur
Kervi fyri kvinnur, ið
eru virknar í vinnulívinum í fámentum økjum.
Sagas
and Storytelling – Verkætlan fyri
ferðavinnuna
Verkætlan er væl dámd í
ferðavinnuni og úrslitini verða longu brúkt í
londunum.
Our
life as elderly – Verkætlan um
eldrarøkt
Føroysk íkomin
verkætlan um eldrarøkt. Í hesum felagsskapi ber til at samanbera, útvega hvør
øðrum kunnleika og finna bestu arbeiðshættir í eldrarøkt
.