Viðvíkjandi løgtingsmáli nr. 5/2000
Uppskot til løgtingslóg um broyting í løgtingslóg um val til allar føroyskar kommunur
Løgmansskrivstovan
LøgdeildinTórshavn, tann 26. september 2000
J.Nr.: 554-0001/2000 / 11
Viðgjørt: HIH
Rættarnevndin
Erling Jalsgøta 6
Boks 208
110 Tórshavn
Viðvíkjandi: Løgtingsmáli nr 5/2000 Uppskot til løgtingslóg um broyting í løgtingslóg um val til allar føroyskar kommunur
Vísandi til fund við Rættarnevndina í dag 26. september heitir løgmaður við hesum á rættarnevndina um at broyta orðingina í punkt 13 í oman fyri nevnda lógaruppskoti soleiðis:
§ 29, stk. 2, verður orðað soleiðis:
"Stk. 2. Val sambært hesi lóg fer tó fyrstu ferð fram týsdagin 21. november 2000."
Viðmerkingar:
Sambært broytingaruppskotinum átti valið at verið týsdagin 14. november 2000, men freistin fyri at lýsa valið er 6 vikur, og hevði freistin sostatt verið týsdagin 3. oktober 2000. Hetta er ov stutt skotbrá at fáa broytingaruppskotið samtykt, tí verður mælt til, at valdagurin sum eitt undantak verður eina viku seinni.
Anfinn Kallsberg
løgmaður