Eykajáttanarskjal tingsetan 2000 - Føroya Sjómansskúli

Aðalstýrið

Stílað: Finnboga Arge, fíggjarnevndarformanni

Fíggjarnevndarskjal

1. Inngangur

Landsstýrismaðurin í undirvísingar- og mentamálum søkir við hesum fíggjarnevndina um at fáa hækka játtanina til høvuðskonto 7.23.6.01. Føroya sjómansskúli (Rakstrarjáttan) við kr. 471.000.

2. Málsfrágreiðing

Ætlanin var, at næmingar á Føroya sjómansskúla skuldu í kravda venjing við nýggja vaktarskipinum Brimli, men av tí at ógreitt er, um Brimil verður settur í sigling til tíðina, er eisini óvissa um næmingarnar á sjómansskúlanum fáa kravdu venjingina, áðrenn próvtøkan byrjar. Um so er, at sjómansskúlanæmingarnir ikki fáa kravdu venjingina, fáa teir ikki prógv, og sleppa sostatt heldur ikki til arbeiðis eftir lokna skúlagongd.

Gjørt verður vart við at sigling í heyst ikki er við á játtanini til Føroya sjómansskúla fyri 2000.

Nú Brimil er seinkaðar, verður neyðugt hjá Undirvísingar- og mentamálastýrinum at leiga annað skip fyri Brimil. Leigukostnaður verður umleið kr. 25.000 um dagin, og skipið skal brúkast í 15 dagar.

Av tí at skipini, ið eru tøk til slíka sigling, liggja í Danmørk, noyðast næmingarnir at ferðast til Danmarkar, kostnaður kr. 3.000 fyri hvønn. Talan er um 30 næmingar og tveir lærarar, íalt 32 menn.

Kostnaður íalt kr. 471.000.

 

Sundurgreinað ætlan

Tús. kr.	J+EYJ	EYJ 2	J+EYJ 2
Nettoútreiðslujáttan	8.055	471	8.526
Útreiðslur	8.615	471	9.086
Inntøkur	560	-	560
20. Vanligt virksemi
Nettoútreiðsla	8.055	471	8.526
Útreiðslur	8.055	471	8.526
11. Lønir v.m.	6.388	-	6.388
14. Keyp av vørum og tænastum	980	96	1.076
15. Keyp av útbúnaði, netto	102	-	102
16. Leiga, viðlíkahald og skattur	585	375	960
21. Inntøkufíggjað virksemi
Nettoútreiðsla	0	-	0
Útreiðslur	560	-	560
11. Lønir v.m.	413	-	413
14. Keyp av vørum og tænastum	147	-	147
Inntøkur	560	-	560
21. Søla av vørum og tænastum	560	-	560

3. Grundgeving fyri framløgu

Málið hevur skund, tí sjómansskúlanæmingarnir mugu byrja siglingina í seinasta lagi 4. november 2000 fyri at sleppa til próvtøku.

4. Uppskotið
   Vísandi til omanfyri standandi, verður søkt um hækkan av játtanini til høvuðskonto 7.23.6.01. Føroya sjómansskúli soleiðis, at á eykafíggjarlógini verður fylgjandi tikið við:

§ 7.

B. Játtanir

5. Tilsøgn frá Fíggjarmálastýrinum
   Fíggjarmálastýrið hevur givið tilsøgn til, at umsóknin verður send Fíggjarnevndini, av tí at málið hevur skund.

Váttað:

Karsten Hansen
landsstýrismaður

/PeturAlberg Lamhauge
fíggjarmálastjóri

Undirvísingar- og Mentamálastýrið

 Torbjørn Jacobsen
landsstýrismaður

/ Petur Petersen
aðalstjóri