Eykajáttanarskjal tingsetan 2000 - Vegagerð - skriðulop

Vinnumálastýrið Aðalskrivstovan

 Tórshavn, tann 25. september

Løgtingsins fíggjarnevnd
Løgtingsskrivstovan
100-Tórshavn 

Undirritaði landsstýrismaður í samferðslumálum søkir við hesum fíggjarnevndina um bráðfeingis eykajáttan til at bøta um tað vegakervið, sum fórst í Føroyum vegna skriðulop 18. september 2000. Uppskotið hevur við sær eyka útreiðslur fyri landskassan, svarandi til kr. 4.300.000 í fíggjarárinum 2000.

B. Málsfrágreiðing.

Tann 18. september hendi stórur skaði á landsveganetið í Føroyum í sambandi við áar- og skriðulop. Niðanfyri er eitt yvirlit yvir skaðarnar, sum skulu umvælast skjótast tilber. Mett verður, at tað kostar uml. 4,3 mió. kr. at gera skaðarnar aftur.

1. Skriðulop kom oman á landsvegin í støðum millum Vatnið og Svartá í Saksun; størsta skriðan er umleið 50 m breið. Vegurin fram við Vatninum hevur eisini fingið skaða. Allar veitir og tvørrennur eru fyltar har á leið, og støðið undir autoverjuni móti Vatninum er partvíst máað undan. Hetta er eisini galdandi fyri vegastrekkið niðan móti Svartá.
2. Á Víkarvegnum og Tjørnuvíkarvegnum er tilfar komið niður í veitina í fleiri støðum, sum neyðugt er at fáa burtur.
3. Á Gjánoyri er nógv grót komið oman gjøgnum ánna, sum hevur trongt um áarføringina; neyðugt verður eisini at fáa hetta burtur.
4. Annars er í fleiri støðum í Norðstreymoy tilfar komið á vegin og í veitirnar, sum partvís eru tiptar.

1. Á Elduvíksvegnum, norðan fyri Elduvíksnes, leyp ein skriða oman á landsvegin. Veitin og vegurin fyltust, og einir 40 m av autoverju fórust.
2. Á Oyndfjarðarvegnum millum Oyndarfjørð og Hellurnar leyp ein skriða á landsvegin - umleið 40 m breið. Vegurin fekk ikki stórvegis skaða, men neyðugt er at koyra tilfarið burtur.
3. Á gamla Leirvíksvegnum vóru 2 skriðulop. Vegurin fekk ikki skaða.
4. Annars er tilfar komið á vegin í fleiri støðum á Elduvíksvegnum og aðra staðni.
5. Sunnan fyri Ljósá leyp ein skriða, sum var einar 30 m breið. Skriðan fylti veitina og vegin, men autoverjan fekk ongan skaða.
6. Umleið 500 m sunnan fyri Funning, móti Funningsfirði, leyp ein skriða oman á vegin; men av tí at stórt øki er millum vegin og bergið, kom lopið bert út á hálvan vegin. Neyðugt er at taka meginpartin upp og koyra hetta burtur.
7. Annars hava fleiri smærri áarlop verið í norðara parti av Eysturoynni.

1. Á tunnilsvegnum niðan móti Ánagjógv er eitt áarlop, sum hevur ført tilfar við sær oman á vegin, og hevur fylt veitina í ovara borði á einum strekki upp á einar 400 m. Harafturat er partur av vegaskráanum í niðara borði skolaður burtur. Allar tvørrennurnar á hesum strekki eru tiptar.
2. Á Ánavegnum, frá íbindingini í tunnilsvegin og norður til bygdina í Ánunum, umleið 500 m, er øll veitin í ovara borði fylt upp, og tvørrennurnar tiptar. Vegakslarnar á hesum vegastrekkinum eru partvíst skolaðar burtur, og vegskráin í niðara borði partvíst farin í støðum.
3. Á Kunoyarvegnum var skriðulop í 3 støðum:

1. Frá tí minsta lopinum, næst tunlinum, kom tilfar út á hálvan vegin, men fekk vegurin ongan skaða av hesum.
2. Næsta skriðulopið, sum var tað størsta, fór tvørtur um allan vegin, fylti umleið 50 m av vegi og skaddi autoverjuna á hesum strekki.
3. Triðja skriðulopið, ið var næst bygdini, fylti veitina í ovara borði og tvørrennuna; vatnið rann tvørtur um vegin, og skolaði part av skráanum burtur. Umleið 50 m av autoverju mugu setast upp av nýggjum á hesum strekki.

1. Sum heild kann sigast, at stórur partur av veitunum og tvørrennunum á Kunoyarvegnum og vestursíðuni á Borðoynni mugu reinsast, og tilfarið beinast burtur.
2. Á Kalsoynni lupu 10 skriðulop millum Húsar og Hattardal og 2 millum Húsar og Syðradal. Nógv tilfar er komið á vegin í øllum støðum, og á tí eina strekkinum liggja umleið 80 m av vegi undir mold. Á einum stað fóru umleið 30 m av vegi á sjógv, og umleið 200 m av autoverju hava fingið skaða. Í fleiri støðum oman fyri vegin stendur bakkin til at leypa.

Sundurgreinað ætlan

Málið hevur skund, tí skaðarnir á vegakervið, sum fórst í Føroyum vegna skriðulop 18. september 2000, má bøtast beinanvegin.

§6

B. Játtanir

		Útreiðslur	Inntøkur
		Tús. kr.
6.38.1. Vegir og havnir
6.38.1.04. Hald av landsvegnum	J	31.500	-
	EYJ	4.300	-

 

E. Tilsøgn frá Fíggjarmálastýrinum

Fíggjarmálastýrið hevur givið tilsøgn til, at umsóknin verður send Fíggjarnevndini, av tí at málið hevur skund.

Váttað:

Karsten Hansen
landsstýrismaður

/Petur Alberg Lamhauge
fíggjarmálastjóri

_________________________________________

Bjarni Djurholm
landsstýrismaður