Gerðabók rættarnevnd Løgtingsins fyri tingsetuna 2007
8. fundur
Ár 2007, mánadagin hin 19. november kl. 9.30 var fundur í rættarnevnd Løgtingsins.
Á fundi vóru:
Marjus Dam, fomaður
Kristian Magnussen, næstformaður
Poul Michelsen
Finnur Helmsdal
Kaj Leo Johannesen, Sverre Midjord og Bill Justinussen vóru ikki á fundi.
Skrivari:
Jóhanna Arge
Til viðgerðar:
1.
Gerðabók
Gerðabókin frá 7. fundi varð býtt út, lisin upp og
góðkend.
2.
Løgtingsmál nr. 15/2007: Uppskot til samtyktar
um vakstraravtalu fyri Suðuroynna
Jógvan Mørkøre, samfelagsfrøðingur, kom á fund við
nevndina kl. 9.45. Hann fór av aftur fundinum kl. 10.30.
Landsstýrismaðurin kom á fundin saman við Hilmari Høgenni, deildarstjóra, kl.
11.00. Teir fóru av aftur fundinum kl.11.35.
Málið varð umrøtt.
3.
Løgtingsmál nr. 35/2007: Uppskot til
ríkislógartilmæli um broyting í revsilógini (harðari revsing fyri neyðtøku og
kynsliga misnýtslu av børnum)
Heri Kragesteen, leiðandi sálarfrøðingur á
psykiatriska deplinum, kom á fund við nevndina kl. 10.35. Hann fór av aftur
fundinum kl. 11.00.
Gjørt varð av at boðsenda Karini Kjølbro, leiðara á Kriminalforsorgini á fund
við nevndina.
4.
Løgtingsmál nr. 16/2007: Uppskot til samtyktar
um at skipa tjóðarlundir í Føroyum
Málið varð umrøtt.
5.
Løgtingsmál nr. 11/2007: Uppskot til samtyktar
um at seta Kyotofrumskjalið í gildi fyri Føroyar
Málið varð umrøtt.
6.
Løgtingsmál nr. 15/2007: Uppskot til
løgtingslóg um broyting í løgtingslóg um val til Føroya Løgting
Málið varð umrøtt.
Næsti fundur:
Formaðurin setti komandi fundin at verða mánadagin 26. november 2007, kl. 9.30 við hesi skrá:
2. Løgtingsmál nr. 35/2007: Uppskot til ríkislógartilmæli um broyting í revsilógini (harðari revsing fyri neyðtøku og kynsliga misnýtslu av børnum)
3. Løgtingsmál nr. 15/2007: Uppskot til samtyktar um vakstraravtalu fyri Suðuroynna
4. Løgtingsmál nr. 16/2007: Uppskot til samtyktar um at skipa tjóðarlundir í Føroyum
5. Løgtingsmál nr. 11/2007: Uppskot til samtyktar um at seta Kyoto-frumskjalið í gildi fyri Føroyar
6. Løgtingsmál nr. 15/2007: Uppskot til løgtingslóg um broyting í løgtingslóg um val til Føroya Løgting
Hesi koma á fund við nevndina í sambandi við pkt. 2:
Kl. 9.45 Umboð fyri Barnaverndarstovuna
Kl. 10.15 Umboð fyri Kriminalforsorgina
Kl. 11.00 Fútin
Fundur lokin kl. 11.35
Jóhanna Arge
skrivari