Gerðabók rættarnevnd Løgtingsins fyri tingsetuna 2007
4. fundur
Ár 2007, mánadagin hin 8. oktober, kl. 9.35 var fundur í rættarnevnd Løgtingsins.
Á fundi vóru:
Olav Enomoto (f. Kaj Leo Johannesen)
Poul Michelsen
Finnur Helmsdal
Bill Justinussen
Sverre Midjord var ikki á fundi
Skrivari:
Jóhanna Arge
Til viðgerðar:
1.
Gerðabók
Gerðabókin frá 3. fundi varð býtt út, lisin upp og
góðkend.
2.
Ummæli til fíggjarnevndina av táttum í
fíggjarlógaruppskotinum fyri 2008, ið snúgva seg um málsøki hjá rættarnevndini
Vísandi til skriv frá fíggjarnevndini, dagfest 5.
oktober 2007, gjøgnumgekk nevndin § 2. Løgmansfyrisitingina, undantikið
uttanríkismál og § 15 í løgtingsfíggjarlógaruppskotinum.
Nevndin gjørdi av at seta løgmanni og landsstýrismanninum í innlendismálum
spurningarnar í skjali Db og Dc og at boðsenda løgmanni og landsstýrismanninum á
fund við nevndina.
3.
Løgtingsmál nr.
5/2007: Uppskot til løgtingslóg um broyting í løgtingslóg um val til Føroya
Løgting
Málið varð umrøtt. Gjørt
varð av at skriva álit.
4.
Løgtingsmál nr.
18/2007: Uppskot til løgtingslóg um broyting í løgtingslóg um val til Føroya
Løgting
Petur Zachariassen,
hagfrøðingur, kom á fund við nevndina kl. 11.30. Frá honum fekk nevndin yvirlit
yvir, hvør flokkur hevði fingið 33. tingsessin við at hækka talið av
valdømisumboðum í Suðurstreymoy til 9, samanborið við at hækka talið á
eykavaldum til 6. Petur Zachariassen fór av aftur fundinum kl. 12.10.
Málið varð umrøtt. Nevndin gjørdi av at boðsenda landsstýrismanninum á fund við
nevndina.
5.
Løgtingsmál nr.
11/2007: Uppskot til samtyktar um at seta Kyoto-frumskjalið í gildi fyri Føroyar
Málið varð tikið av
skránni.
6.
Løgtingsmál nr.
15/2007: Uppskot til samtyktar um vakstararavtalu fyri Suðuroynna
Málið varð tikið av
skránni.
Næsti fundur:
Formaðurin setti næsta fund at verða mánadagin hin 15. oktober, kl. 9.30 við hesi skrá:
1. Gerðabókin
2. Ummæli til fíggjarnevndina av táttum í fíggjarlógaruppskotinum fyri 2008, ið snúgva seg um málsøki hjá rættarnevndini
3. Løgtingsmál nr. 18/2007: Uppskot til løgtingslóg um broyting í løgtingslóg um val til Føroya Løgting
4. Løgtingsmál nr. 11/2007: Uppskot til samtyktar um at seta Kyoto-frumskjalið í gildi fyri Føroyar
5. Løgtingsmál nr. 15/2007: Uppskot til samtyktar um vakstararavtalu fyri Suðuroynna
Hesi koma á fund við nevndina:
Kl. 10.00 Løgmaður í sambandi við pkt. 2
Kl. 10.30 Landsstýrismaðurin í sambandi við pkt. 2 og 3.
Fundur lokin kl. 12.15
Jóhanna Arge
skrivari