Gerðabók rættarnevnd Løgtingsins fyri tingsetuna 2007
1. fundur
Ár 2007, mánadagin hin 17. september, kl. 9.30 var fundur í rættarnevnd Løgtingsins.
Á fundi vóru:
Marjus Dam, formaður
Olav Enomoto (f. Kaj Leo Johannesen)
Poul Michelsen
Sverre Midjord
Finnur Helmsdal
Bill Justinussen
Johan Dahl var við sum eygleiðari á fundinum frá kl. 11.10 til 11.40.
Skrivari:
Jóhanna Arge
Til viðgerðar:
1.
Gerðabøkur
Gerðabøkurnar frá 28. og 29 fundi vórðu býttar út,
lisnar upp og góðkendar.
2.
Løgtingsmál 5/2007: Uppskot til løgtingslóg um
broyting í løgtingslóg um val til Føroya Løgting
Nevndin fekk avrit av skrivum frá Michael Feldballe
um nýggja valskipan og Javnstøðunevndini og Demokratia um broytingar í
javnstøðulógini og løgtingsvallógini.
Kl. 9.50 kom Petur Zachariassen, hagfrøðingur, á fund við nevndina. Frá honum
fekk nevndin tekniskar viðmerkingar í sambandi við eitt valdømi. Petur
Zachariassen fór av fundinum kl. 10.40, tá Halgir Winther Poulsen, advokatur,
kom á fundin. Halgir Winther Poulsen fór av aftur fundinum kl. 11.10, tá Jógvan
Mørkøre, samfelagsfrøðingur, kom á fundin. Hann fór av aftur fundinum kl. 11.55.
Málið varð umrøtt. Avgjørt varð at boðsenda Steinbirni O. Jacobsen, Sjúrði
Skaale, Ingibjørg Berg og Jóanesi N. Dalsgaard á fund við nevndina.
Næsti fundur:
Formaðurin setti næsta fund at verða mánadagin hin 24. september, kl. 9.30 við hesi skrá:
1. Gerðabókin
2. Løgtingsmál nr. 5/2007: Uppskot til løgtingslóg um broyting í løgtingslóg um val til Føroya Løgting
3. Løgtingsmál nr. 11/2007: Uppskot til samtyktar um at seta Kyoto-frumskjalið í gildi fyri Føroyar
Í sambandi við pkt. 2 á dagskránni koma hesi á fund við nevndina:
Kl. 10.00 Steinbjørn O. Jacobsen
Kl. 10.30 Sjúrður Skaale
Kl. 11.00 Ingibjørg Berg
Kl. 11.30 Jóannes N. Dalsgaard
Fundur lokin kl. 12.00
Jóhanna Arge
skrivari