Gerðabók Fíggjarnevnd Løgtingsins fyri tingsetuna 2007

10. fundur

Ár 2007, mikudagin hin 14. november, kl. 9.30,  var fundur í fíggjarnevnd Løgtingsins.

Á fundi vóru:

Anfinn Kallsberg

Karsten Hansen

Kári P. Højgaard

Lisbeth L. Petersen

Páll á Reynatúgvu

Kaj Leo Johannesen

Vilhelm Johannesen  var ikki á fundi.

Skrivari:

Høgni Joensen

Til viðgerðar:

1.      Gerðabókin

Gerðabøkurnar frá 7. fundi tann 22. oktober, 8. fundi tann 26. oktober og 9. fundi tann 6 november 2007 vórðu góðkendar.

2.      Løgtingsmál nr. 3/2007: Uppskot til samtyktar um at luta út partabrøv í Føroya Banka til Føroya fólk

Kl. 10.30 kom umboð fyri Felagið Peningarstovnar við  Suna Schwartz Jacobsen, stjóra, og Jean Djurhuus, leiðara, á fund. Teir fóru av fundi kl. 11.00

Kl. 15.30 kom landsstýrismaðurin í fíggjarmálum, Magni Laksafoss, saman við Petur Alberg Lamhauge, aðalstjóra, Atla Leo, ráðgeva, og Terja Petersen, fulltrúa, á fund. Teir fóru av fundi kl. 16.00

Avgjørt varð at skriva álit.

3.      Løgtingsmál nr. 12/2007: Uppskot til løgtingslóg um broyting í løgtingslóg um áseting av skatti (Ásetingarlógin)

Málið útsett.

4.      Løgtingsmál nr. 13/2007: Uppskot til løgtingslóg um Búskapargrunn Føroya

Málið útsett.

5.      Løgtingsmál nr. 30/2007: Uppskot til eykjáttanarløgtingslóg fyri september 2007

Málið varð viðgjørt. §§ 3 -  7 vóru gjøgnumgingnar.

6.      Løgtingsmál nr. 34/2007: Uppskot til løgtingsfíggjarlóg fyri 2008

Málið útsett.

7.      Løgtingsmál nr. 37/2007: Uppskot til samtyktar um inngjald í samhaldsfasta arbeiðsmarknaðareftirlønargrunnin

Málið útsett.

8.      Løgtingsmál nr. 48/2007: Uppskot til løgtingslóg um broyting í løgtingslóg um áseting av skatti (Ásetingarlógin)

Málið útsett.

9.      Løgtingsmál nr. 49/2007:  Uppskot til løgtingslóg um broyting í løgtingslóg um áseting av skatti (Barnafrádráttur)

Málið útsett.

10.  Løgtingsmál nr. 54/2007: Uppskot til ríkislógartilmæli um at seta í gildi fyri Føroyar "Lov om finansiel virksomhed"

Málið varð viðgjørt saman við umboðum fyri Felagið Peningarstovnar og landsstýrismanninum í fíggjarmálum.

Avgjørt varð at skriva álit.

11.  Løgtingsmál nr. 55/2007:  Uppskot til løgtingslóg um broyting í løgtingslóg um avgjald á framleiðslu og innflutningi

Málið útsett.

12.  Løgtingsmál nr. 56/2007:  Uppskot til eykajáttanarløgtingslóg fyri oktober 2007

Málið útsett.

Næsti fundur:

Eingin nýggjur fundur ásettur.

Fundur lokin kl. 16.15

Høgni Joensen
skrivari